ଭୁବନେଶ୍ୱର : ଯଦି ଆପଣଙ୍କ ଯାନର ବୀମା ନଥାଏ କିମ୍ବା ପ୍ରଦୂଷଣ ନିୟନ୍ତ୍ରଣ ସନଦ (PUC) ସମୟସୀମା ଉତ୍ତୀର୍ଣ୍ଣ ହୋଇଯାଇଛି, ତେବେ ଆପଣଙ୍କ ଗାଡିର ପଞ୍ଜୀକରଣ ପ୍ରମାଣପତ୍ର (RC) ବାତିଲ ହେବାର ସମ୍ଭାବନା ରହିଛି । ଏହା ସହିତ, ଏପରି ଅବସ୍ଥାରେ ଯଦି ଗାଡିକୁ ରାସ୍ତାରେ ଚଲାନ୍ତି, ତେବେ ଭାରି ଜରିମାନା ଦେବାକୁ ପଡିପାରେ ଓ ଆଇନ ଦଣ୍ଡ ମଧ୍ୟ ଭୋଗି ପାରନ୍ତି ।
ରାସ୍ତାରେ ଚାଲୁଥିବା ସମସ୍ତ ଯାନବାହନକୁ ସୁନିୟୋଜିତ ଭାବରେ ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ଏକ ନୂତନ ବର୍ଗୀକରଣ ପ୍ରଣାଳୀ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ମାଧ୍ୟମରେ ଯାନର ସ୍ଥିତି, ତାହାର ଆବଶ୍ୟକ ଡକ୍ୟୁମେଣ୍ଟ ସଠିକ୍ ଅଛି କି ନାହିଁ ଓ ସମସ୍ତ ନିୟମ ପାଳନ କରାଯାଉଛି କି ନାହିଁ ସେଥିପାଇଁ ସହଜରେ ଯାଞ୍ଚ କରାଯିବ।
ଏହି ବ୍ୟବସ୍ଥା ଅନୁସାରେ ଯାନ ଗୁଡିକୁ ଚାରିଟି ବର୍ଗରେ ବିଭକ୍ତ କରାଯିବ ‘ଆକ୍ଟିଭ୍ କମ୍ପ୍ଲାଏଣ୍ଟ’, ‘ଆକ୍ଟିଭ୍ ନନ୍-କମ୍ପ୍ଲାଏଣ୍ଟ’, ‘ଟେମ୍ପୋରାରି ଆର୍କାଇଭ’ ଓ ‘ପରମାନେଣ୍ଟ ଆର୍କାଇଭ’। ଯାନର ପଞ୍ଜୀକରଣ ସମୟସୀମା, ଫିଟନେସ୍ ସାର୍ଟିଫିକେଟ୍, ବୀମା ସ୍ଥିତି ଓ ପ୍ରଦୂଷଣ ସନଦକୁ ଆଧାର କରି ଏହି ବିଭାଗୀକରଣ କରାଯିବ । ଏହି ପଦକ୍ଷେପ ରାସ୍ତା ସୁରକ୍ଷା ବୃଦ୍ଧି କରିବା ସହିତ ପରିବେଶ ସୁରକ୍ଷାରେ ମଧ୍ୟ ମହତ୍ୱପୂର୍ଣ୍ଣ ଭୂମିକା ନିଭାଇବ । ତେଣୁ ଯାନ ମାଲିକମାନେ ସମୟମତେ ସମସ୍ତ ଆବଶ୍ୟକ କାଗଜପତ୍ର ଅଦ୍ୟତନ ରଖିବାକୁ ଉଚିତ୍, ଯାହା ତାଙ୍କୁ ଅସୁବିଧାରୁ ରକ୍ଷା କରିପାରିବ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |