ପଶ୍ଚିମ ଏସିଆରେ ପୁଣି ଯୁଦ୍ଧର କଳା ମେଘ ଘନେଇବା ସହିତ ବିଶ୍ୱ ତେଲ ବଜାରରେ ଦେଖାଦେଇଛି ଭୟଙ୍କର ଅସ୍ଥିରତା। ଆମେରିକା ଓ ଇରାନ ମଧ୍ୟରେ ଶାନ୍ତି ଆଲୋଚନା ଫଳହୀନ ହେବା ପରେ କଞ୍ଚା ତେଲ ଦର ହଠାତ୍ ଉପରକୁ ଚଢ଼ିଛି । ଯୁଦ୍ଧ ଭୟ ଓ ହର୍ମୁଜ୍ ଷ୍ଟ୍ରେଟରେ ଜାହାଜ ଚଳାଚଳ ବାଧାପ୍ରାପ୍ତ ହେବାରୁ ବିଶ୍ୱ ତେଲ ଯୋଗାଣ ଉପରେ ପଡ଼ିଛି ଭାରି ପ୍ରଭାବ ।
ବିଶ୍ୱର ପ୍ରାୟ ୨୦ ପ୍ରତିଶତ କଞ୍ଚା ତେଲ ହର୍ମୁଜ୍ ଷ୍ଟ୍ରେଟ ଦେଇ ପରିବହନ ହୋଇଥାଏ । ଏହି ରୁଟରେ ଅସୁବିଧା ସୃଷ୍ଟି ହେବା ସହିତ ତେଲ ବଜାରରେ ଚିନ୍ତା ବଢ଼ିଛି । ବ୍ରେଣ୍ଟ କ୍ରୁଡ୍ ଦର ୪ ପ୍ରତିଶତ ବଢ଼ି ପ୍ରତି ବ୍ୟାରେଲ ୧୦୫ ଡଲାରକୁ ପହଞ୍ଚିଥିବା ବେଳେ, WTI ମଧ୍ୟ ପ୍ରାୟ ୫ ପ୍ରତିଶତ ବୃଦ୍ଧି ପାଇ ୧୦୦ ଡଲାର ନିକଟକୁ ଯାଇଛି ।
ତେଲ ଦରର ଏହି ଅସାଧାରଣ ବୃଦ୍ଧି ଆଗାମୀ ଦିନରେ ପେଟ୍ରୋଲ, ଡିଜେଲ ଓ LPG ଦରକୁ ପ୍ରଭାବିତ କରିପାରେ ବୋଲି ଅର୍ଥନୀତିବିଦ୍ମାନେ ସତର୍କ କରିଛନ୍ତି । ମଧ୍ୟପ୍ରାଚ୍ୟର ଅଶାନ୍ତ ପରିସ୍ଥିତି କାରଣରୁ ବିଶ୍ୱ ତେଲ କମ୍ପାନୀମାନେ ପ୍ରତିମାସ ହଜାର ହଜାର କୋଟି ଟଙ୍କାର କ୍ଷତି ସହୁଥିବା ଜଣାପଡ଼ିଛି ।
ଯଦିଓ ଆନ୍ତର୍ଜାତୀୟ ବଜାରରେ ତେଲ ଦର ବଢ଼ିଛି, ଭାରତରେ ଏପର୍ଯ୍ୟନ୍ତ ପେଟ୍ରୋଲ-ଡିଜେଲ ଦର ସ୍ଥିର ରହିଛି । କେନ୍ଦ୍ର ସରକାର କହିଛନ୍ତି ଯେ ଘରୋଇ ଉପଭୋକ୍ତାଙ୍କ ଉପରେ ଅଧିକ ଭାର ପଡ଼ିବାକୁ ନଦେବା ପାଇଁ ପଦକ୍ଷେପ ନିଆଯାଉଛି । ତେବେ ଯଦି ମଧ୍ୟପ୍ରାଚ୍ୟର ଯୁଦ୍ଧ ଆଉ ବଢ଼େ, ତାହାର ସିଧା ପ୍ରଭାବ ଭାରତୀୟ ବଜାରରେ ମଧ୍ୟ ଦେଖିବାକୁ ମିଳିପାରେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |