ଭୁବନେଶ୍ୱର : ଗୁଗୁଲ୍ ଇଣ୍ଡିଆ ଭାରତୀୟ ୟୁଜର୍ସଙ୍କ ପାଇଁ Google Pay ରେ ଏକ ନୂଆ AI ଫିଚର ‘Ask Google Pay’ ଲଞ୍ଚ କରିଛି। Gemini AI ଦ୍ୱାରା ପରିଚାଳିତ ଏହି ସ୍ମାର୍ଟ ସେବା ୟୁଜର୍ସଙ୍କୁ ନିଜର ଖର୍ଚ୍ଚ, ସଞ୍ଚୟ ଓ ଆର୍ଥିକ ଯୋଜନାକୁ ଭଲଭାବେ ବୁଝିବାରେ ସହଯୋଗ କରିବ।
ଏହି ଫିଚର୍ ସହ ୟୁଜର୍ସ ଚାଟ୍ କିମ୍ବା ଭଏସ୍ ମାଧ୍ୟମରେ କଥା ହୋଇ ନିଜର ଖର୍ଚ୍ଚର ଧାରା ବିଷୟରେ ଜାଣିପାରିବେ, ସଞ୍ଚୟ ପାଇଁ ଉପଯୁକ୍ତ ପରାମର୍ଶ ପାଇବେ ଏବଂ ବିଭିନ୍ନ ଅଫର୍ ଓ କ୍ରେଡିଟ୍ କାର୍ଡ ବିକଳ୍ପ ସମ୍ପର୍କରେ ସୂଚନା ନେଇପାରିବେ।
SIP, କ୍ରେଡିଟ୍ ସ୍କୋର୍, କମ୍ପାଉଣ୍ଡ ଇଣ୍ଟରେଷ୍ଟ ଓ କର ବ୍ୟବସ୍ଥା ଭଳି ଜଟିଳ ଆର୍ଥିକ ବିଷୟଗୁଡ଼ିକୁ ମଧ୍ୟ ଏହି AI ସହଜ ଭାଷାରେ ବୁଝାଇଦେବ। Google Pay ରେ ଥିବା ଟ୍ରାଞ୍ଜାକ୍ସନ୍ ହିଷ୍ଟ୍ରି ଓ କ୍ରେଡିଟ୍ ରିପୋର୍ଟ ଆଧାରରେ ଏହା ବ୍ୟକ୍ତିଗତ ଆର୍ଥିକ ପରାମର୍ଶ ମଧ୍ୟ ପ୍ରଦାନ କରିବ।
ଭାରତର ୧୦ଟି ଭାଷାରେ ଉପଲବ୍ଧ
ଏହି ଫିଚରରେ ୟୁଜର୍ସ ଟେକ୍ସଟ୍ କିମ୍ବା ଭଏସ୍ ମାଧ୍ୟମରେ ପ୍ରଶ୍ନ କରିପାରିବେ। ଏହା ସହିତ Google Pay ନିଜର Flex by Google Pay କ୍ରେଡିଟ କାର୍ଡ ସେବାକୁ ବିସ୍ତାର କରିବା ପାଇଁ SBI Card ସହ ସହଭାଗିତା କରିଛି । ଏହାର ଫଳରେ ନୂଆ Google Pay Flex SBI Card ବଜାରକୁ ଆସିଛି, ଯାହାରେ VISA ପେମେଣ୍ଟ ନେଟୱାର୍କ ସପୋର୍ଟ ମଧ୍ୟ ରହିଛି।
ପୂର୍ବରୁ Google Pay, Axis Bank ସହ ମିଶି RuPay ନେଟୱାର୍କ ଆଧାରିତ ନିଜର ପ୍ରଥମ ଡିଜିଟାଲ୍ କ୍ରେଡିଟ୍ କାର୍ଡ ଲଞ୍ଚ କରିଥିଲା। ନୂଆ Flex SBI Card ପାଇଁ ଆବେଦନ ପ୍ରକ୍ରିୟା ସମ୍ପୂର୍ଣ୍ଣ କାଗଜବିହୀନ ଏବଂ Google Pay ଆପ ମାଧ୍ୟମରେ ହିଁ ସମ୍ପନ୍ନ କରାଯାଇପାରିବ।
ଏହାଛଡ଼ା Flex Card ଧାରୀମାନେ Google AI Plus Plan ଉପରେ ଗୋଟିଏ ବର୍ଷ ପାଇଁ ୫୦% ରିହାତି ସହ Pixel ସ୍ମାର୍ଟଫୋନ କ୍ରୟରେ ବିଶେଷ ଅଫର ଓ ଡିସକାଉଣ୍ଟର ସୁବିଧା ମଧ୍ୟ ପାଇପାରିବେ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |