ଅହମ୍ମଦାବାଦ : ଅହମ୍ମଦାବାଦରେ ହୋଇଥିବା ଆଇପିଏଲ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଜୋରଦାର ଚମତ୍କାର ଜିତ ହାସଲ କରିଛି । ପୂର୍ବରୁ ଲଗାତାର ୪ଟି ହାର ପରେ ଦଳ ଚାପରେ ଥିଲା, କିନ୍ତୁ ତିଲକ ବର୍ମାଙ୍କ ଅପୂର୍ବ ଶତକ ଏହି ମ୍ୟାଚକୁ ପୂରା ପରିବର୍ତ୍ତନ କରିଦେଇଛି । ସୋମବାର ଖେଳାଯାଇଥିବା ଏହି ମୁକାବିଲାରେ ମୁମ୍ବାଇ ୯୯ ରନର ବଡ଼ ମାର୍ଜିନରେ ଗୁଜୁରାଟ ଟାଇଟନ୍ସକୁ ପରାଜିତ କରି ଆତ୍ମବିଶ୍ୱାସ ପୁନରୁଦ୍ଧାର କରିଛି।
ମ୍ୟାଚରେ ତିଲକ ବର୍ମାଙ୍କ ଇନିଂସ ସବୁଠାରୁ ଆକର୍ଷଣୀୟ ରହିଥିଲା। ସେ ୪୫ଟି ବଲରେ ଅପରାଜିତ ୧୦୧ ରନ କରି ଦଳକୁ ଶକ୍ତିଶାଳୀ ସ୍କୋରକୁ ନେଇଯାଇଥିଲେ। ଆରମ୍ଭରେ ମୁମ୍ବାଇର ବ୍ୟାଟିଂ ଅସ୍ଥିର ଥିଲା, କିନ୍ତୁ ତିଲକଙ୍କ ଧୈର୍ଯ୍ୟ ଓ ଆକ୍ରମଣାତ୍ମକ ଖେଳ ଦଳକୁ ୫ଟି ୱିକେଟ ହରାଇ ୧୯୯ ରନ ପର୍ଯ୍ୟନ୍ତ ପହଞ୍ଚାଇଦେଇଥିଲା। ତାଙ୍କ ଇନିଂସରେ ଛକା ଓ ଚୌକାର ବର୍ଷା ଦେଖିବାକୁ ମିଳିଥିଲା।
ଲକ୍ଷ୍ୟ ହାସଲ କରିବାକୁ ଥିବା ଗୁଜୁରାଟ ଟାଇଟନ୍ସ ମୁମ୍ବାଇର ବୋଲିଂ ଆଗରେ ଠିଆ ହୋଇପାରିଲେ ନାହିଁ। ଦଳ ୧୫.୫ ଓଭରରେ ମାତ୍ର ୧୦୦ ରନ୍ କରି ସମ୍ପୂର୍ଣ୍ଣ ଆଉଟ୍ ହୋଇଯାଇଥିଲା। ମୁମ୍ବାଇର ବୋଲରମାନେ ଦମଦାର ପ୍ରଦର୍ଶନ କରି ଗୁଜୁରାଟର ବ୍ୟାଟ୍ସମ୍ୟାନଙ୍କୁ କୌଣସି ସୁଯୋଗ ଦେଇନଥିଲେ, ବିଶେଷ କରି ଅଶ୍ବିନୀ କୁମାରଙ୍କ ବୋଲିଂ ଖୁବ ପ୍ରଭାବଶାଳୀ ଥିଲା।
ଏହି ମ୍ୟାଚରେ ଆରମ୍ଭରୁ ଅସୁବିଧାରେ ପଡିଥିବା ମୁମ୍ବାଇକୁ ତିଲକ ବର୍ମା ଏକା କମାଣ ସମ୍ଭାଳିଥିଲେ। କଗିଶୋ ରବାଡା ପାୱାର ପ୍ଲେରେ ତିନୋଟି ୱିକେଟ ନେଇ ଚାପ ସୃଷ୍ଟି କରିଥିଲେ, ଫଳରେ ମୁମ୍ବାଇ ଅସୁବିଧାରେ ପଡିଥିଲା। ନମନ୍ ଧୀରଙ୍କ ଉପଯୁକ୍ତ ଇନିଂସ ପରେ ତିଲକଙ୍କ ବିସ୍ଫୋରକ ବ୍ୟାଟିଂ ଦଳକୁ ମଜବୁତ ସ୍ଥିତିକୁ ନେଇଯାଇଥିଲା। ତାଙ୍କ ଖେଳ ଦେଖି ଫ୍ୟାନମାନେ ପୁନର୍ବାର ଜିତିବାର ଆଶା ଧରିଥିଲେ, ଯାହା ଶେଷରେ ସତ୍ୟ ପ୍ରମାଣିତ ହୋଇଥିଲା।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |