ଭୁବନେଶ୍ୱର : ପୁଣି ହସିବ ସମ୍ବଲପୁର । ପଶ୍ଚିମ ଓଡ଼ିଶାରେ ମୋଟ ୩୦ ହଜାର କୋଟି ଟଙ୍କାର ଶିଳ୍ପ ପ୍ରକଳ୍ପର ଲୋକାର୍ପଣ କରିବେ ମୁଖ୍ୟମନ୍ତ୍ରୀ । ଓଡ଼ିଶାର ମୁଖ୍ୟମନ୍ତ୍ରୀ ଜାନୁଆରୀ ୨୭ ଏବଂ ୨୮ ତାରିଖରେ ସମ୍ବଲପୁରର ଲପଙ୍ଗା ଏବଂ ରାଉରକେଲା ଗସ୍ତ କରିବେ । ଏହି ସମୟରେ ପଶ୍ଚିମ ଓଡ଼ିଶାରେ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ମୋଟ ୩୦ ହଜାର କୋଟି ଟଙ୍କାର ନିବେଶ ସହିତ ୨୦ଟି ଶିଳ୍ପ ପ୍ରକଳ୍ପର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ କରିବେ ବୋଲି ସୂଚନାରୁ ପ୍ରକାଶ । ଏହାସହ ଏହି ଶିଳ୍ପ ପ୍ରକଳ୍ପ ଗୁଡ଼ିକ ରାଜ୍ୟରେ ୧୦ ହଜାରରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି କରିବାର ସମ୍ଭାବନା ରଖିଛି ।
ମୁଖ୍ୟମନ୍ତ୍ରୀ ଏହି ଗସ୍ତ ସମୟରେ, ହିଣ୍ଡାଲକୋରେ ଭାରତର ପ୍ରଥମ FRB ୟୁନିଟ ଉଦଘାଟନ କରିବେ । ଯାହା ଶିଳ୍ପ ଏବଂ ଭିତ୍ତିଭୂମି ନବସୃଜନରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହେବ । ଏହି ଗସ୍ତରେ ୩୦ ହଜାର କୋଟି ଟଙ୍କା ନିବେଶ ସହିତ ୨୦ଟି ଶିଳ୍ପ ପ୍ରକଳ୍ପର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ ମଧ୍ୟ ଅନ୍ତର୍ଭୁକ୍ତ ହେବ । ଯାହା ୧୦ ହଜାରରୁ ଅଧିକ ନିଯୁକ୍ତି ସୁଯୋଗ ସୃଷ୍ଟି କରିବାର ସମ୍ଭାବନା ରଖିବ ବୋଲି ରାଜ୍ୟ ସରକାର ଏକ ବିବୃତ୍ତିରେ କହିଛନ୍ତି ।
ମୁଖ୍ୟମନ୍ତ୍ରୀ ମାଝୀଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ, ଓଡ଼ିଶା ନିରନ୍ତର ଶିଳ୍ପ ନେତାମାନଙ୍କଠାରୁ ପ୍ରବଳ ଆଗ୍ରହ ଆକର୍ଷିତ କରିଆସୁଛି, ଯାହା ରାଜ୍ୟର ନୀତିଗତ ସ୍ଥିରତା ଏବଂ ଶାସନ ଢାଞ୍ଚା ପ୍ରତି ବଢ଼ୁଥିବା ବିଶ୍ୱାସକୁ ପ୍ରତିଫଳିତ କରୁଛି । ସରକାର ଆହୁରି କହିଛନ୍ତି ଯେ ହାଇଦ୍ରାବାଦ ଏବଂ କୋଲକାତାରେ ସଫଳ ଇନଭେଷ୍ଟର୍ସ ମିଟ ରୋଡଶୋ ପରେ, ଓଡ଼ିଶା ଏବେ ରାଜ୍ୟର ପଶ୍ଚିମ ଭାଗରେ ପ୍ରମୁଖ ଶିଳ୍ପ ପ୍ରକଳ୍ପଗୁଡ଼ିକର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନର ସାକ୍ଷୀ ହେବାକୁ ଯାଉଛି ।
ଏହା ବ୍ୟତୀତ, ମୁଖ୍ୟମନ୍ତ୍ରୀ ରାଉରକେଲାରେ ଏଣ୍ଟରପ୍ରାଇଜ ଓଡ଼ିଶା ୧୦୨୬ ଉଦଘାଟନ କରିବେ। CII ସହଯୋଗରେ ଆୟୋଜିତ ଏହି ପ୍ରମୁଖ ପଦକ୍ଷେପର ଲକ୍ଷ୍ୟ ହେଉଛି ପଶ୍ଚିମ ଓଡ଼ିଶାରେ ଶିଳ୍ପ ଅଭିବୃଦ୍ଧିକୁ ତ୍ୱରାନ୍ୱିତ କରିବା, ନିବେଶ ସୁବିଧାକୁ ସୁଦୃଢ଼ କରିବା ଏବଂ ନିଯୁକ୍ତି ସୃଷ୍ଟିକୁ ବୃଦ୍ଧି କରିବା ।
ତେବେ ଓଡ଼ିଶାରେ ନୂତନ ସରକାର ଗଠନ ହେବା ପରଠାରୁ, ପଶ୍ଚିମ ଜିଲ୍ଲା ଗୁଡ଼ିକରେ ବିକାଶର ଗତି ସୃଷ୍ଟି ହୋଇଛି । ଏପର୍ଯ୍ୟନ୍ତ, ରାଜ୍ୟ ସରକାର ପଶ୍ଚିମ ଓଡ଼ିଶା ପାଇଁ ୧,୨୮,୪୭୨ କୋଟି ଟଙ୍କାର ନିବେଶକୁ ଅନୁମୋଦନ କରିଛନ୍ତି । ଏହି ପ୍ରକଳ୍ପ ଗୁଡ଼ିକ ୬୯,୩୩୮ ନିଯୁକ୍ତି ସୁଯୋଗ ସୃଷ୍ଟି କରିବାର ସମ୍ଭାବନା ରହିଛି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |