ନୂଆପଡା: କମ୍ପୁଛି ନୂଆପଡା । ଆଉ ଦିନ କେଇଟା ପରେ ନୂଆପଡା ଦେଖିବ ନୂଆ ଚେହେରା । କାରଣ ନୂଆପଡାରେ ଆଗକୁ ହେବାକୁ ଥିବା ଉପନିର୍ବାଚନ ପାଇଁ ଚାଲିଛି ଜୋରଦାର୍ ପ୍ରଚାର । ୩ ପ୍ରମୁଖ ଦଳର ପ୍ରାର୍ଥୀ ଏବଂ ନେତାଏ ଡୋର୍ ଟୁ ଡୋର୍ ବୁଲି ମାଗୁଛନ୍ତି ଭୋଟ । ଏହି କ୍ରମରେ ନୂଆପଡାରେ ଡେରା ପକାଇଛନ୍ତି ସବୁ ଦଳର ନେତା । ମୁଖ୍ୟମନ୍ତ୍ରୀ ମୋହନଚରଣ ମାଝୀ ଏବଂ ରାଜ୍ୟ ବିଜେପି ସଭାପତି ମନମୋହନ ସାମଲ ନୂଆପଡା ଯାଇ ପ୍ରଚାର କରିଥିବା ବେଳେ ବିରୋଧୀ ଦଳ ନେତା ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ମଧ୍ୟ ଦଳୀୟ ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପାଇଁ ପ୍ରଚାର କରିଛନ୍ତି । ତେବେ ଏହି ପ୍ରଚାର ମଧ୍ୟରେ ଆସିଛି ବଡ ଖବର। ନବୀନ ପଟ୍ଟନାୟକଙ୍କ ହେଲିକପ୍ଟର ଯାଞ୍ଚ କରାଯାଇଛି । ଯାଞ୍ଚ କରାଯାଇଛି ବିରୋଧୀ ଦଳର ନେତା ନବୀନ ପଟ୍ଟନାୟକଙ୍କ ହେଲିକପ୍ଟର ।
ବିଜେଡି ସୁପ୍ରିମ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ହେଲିକପ୍ଟର ଯାଞ୍ଚ କରିଛନ୍ତି ନିର୍ବାଚନ କମିଶନଙ୍କ ଅଧିକାରୀ । ନିର୍ବାଚନ କମିଶନରଙ୍କ ଏନଫୋର୍ସମେଣ୍ଟ ସ୍କ୍ୱାର୍ଡ ନବୀନଙ୍କ ହେଲିକପ୍ଟରକୁ ଚେକ୍ କରିଛନ୍ତି । ଏ ନେଇ ନୂଆପଡ଼ା ଜିଲ୍ଲାପାଳ ମଧ୍ୟ ‘ଏକ୍ସ’ରେ ସ୍ପଷ୍ଟ କରିଛନ୍ତି । ଭୁବନେଶ୍ବରରୁ ନୂଆପଡ଼ା ଏକ ସ୍ବତନ୍ତ୍ର ବିମାନରେ ଯାଇଥିଲେ ନବୀନ ପଟ୍ଟନାୟକ । ସେଠାରେ ପହଞ୍ଚିବା ପରେ ବିଜେଡି ସୁପ୍ରିମୋଙ୍କ ବିମାନରେ ଥିବା ଲଗେଜ୍କୁ ଅଧିକାରୀମାନେ ଯାଞ୍ଚ କରିଥିଲେ । ନିର୍ବାଚନ କମିଶନଙ୍କ ଫ୍ଲାଇଂ ସ୍କ୍ବାଡ୍ର ୪ ନମ୍ବର ଟିମ୍ ନବୀନଙ୍କ ସ୍ବତନ୍ତ୍ର ବିମାନର ଯାଞ୍ଚ କରିଥିଲେ । ସୂଚନା ଅନୁସାରେ ପୂର୍ବରୁ ନୂଆପଡ଼ାକୁ ନିର୍ବାଚନ ପ୍ରଚାର କରିବାକୁ ଯାଇଥିବା ବେଳେ ଫ୍ଲାଇଂ ସ୍କ୍ୱାର୍ଡ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କର ହେଲିକପ୍ଟର ଯାଞ୍ଚ କରିଥିଲେ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |