ବ୍ରହ୍ମପୁର : ଦ୍ରୁତ ନଗରୀକରଣ ଓ ପରିବେଶ ସଚେତନତାର ବୃଦ୍ଧି ସହିତ ଭାରତର ରିଅଲ୍ ଇଷ୍ଟେଟ୍ କ୍ଷେତ୍ରରେ ଏକ ନୂତନ ପରିବର୍ତ୍ତନ ଦେଖାଯାଉଛି। ଏହି ପରିବର୍ତ୍ତନର କେନ୍ଦ୍ରବିନ୍ଦୁ ହେଉଛି ଗ୍ରୀନ୍ ଟେକ୍ନୋଲୋଜି ବା ସବୁଜ ପ୍ରଯୁକ୍ତି । ବ୍ରହ୍ମପୁର ଭଳି ବିକାଶଶୀଳ ସହରରେ ଏବେ ଲୋକଙ୍କର ଗ୍ରୀନ୍ ଟେକ୍ନୋଲୋଜି ବା ସବୁଜ ପ୍ରଯୁକ୍ତି ପ୍ରତି ଆଗ୍ରହ ବଢ଼ୁଛି । ଘର କ୍ରେତାମାନେ କେବଳ ଘରର ଆକାର କିମ୍ବା ଲୋକେସନ ନୁହେଁ, ବରଂ ତାହାର ଦୀର୍ଘ ସ୍ଥାୟୀ ଓ ପରିବେଶ-ସହଯୋଗୀ ବୈଶିଷ୍ଟ୍ୟକୁ ମଧ୍ୟ ଗୁରୁତ୍ୱ ଦେଉଛନ୍ତି।
ଗ୍ରୀନ୍ ଟେକ୍ନୋଲୋଜି କ’ଣ?
ଗ୍ରୀନ୍ ଟେକ୍ନୋଲୋଜି ହେଉଛି ଏମିତି ଏକ ପ୍ରଯୁକ୍ତି, ଯାହା ବିଦ୍ୟୁତ ଶକ୍ତି, ପାଣି ଓ ପ୍ରାକୃତିକ ସମ୍ପଦକୁ ସଠିକ୍ ଭାବେ ବ୍ୟବହାର କରି ପରିବେଶର କ୍ଷତିକୁ କମାଇଥାଏ । ରିଅଲ୍ ଇଷ୍ଟେଟ୍ କ୍ଷେତ୍ରରେ ଏହାର ଅର୍ଥ ହେଉଛି ସୋଲାର ପାନେଲ୍, ବର୍ଷା ପାଣି ସଂଗ୍ରହ ବ୍ୟବସ୍ଥା, ଶକ୍ତି ସଞ୍ଚୟ କରୁଥିବା ଆଲୋକ ବ୍ୟବସ୍ଥା, ପାଣି ବ୍ୟବହାରର ଆଧୁନିକ ବ୍ୟବସ୍ଥା ଏବଂ ପରିବେଶ ପାଇଁ ସୁରକ୍ଷିତ ନିର୍ମାଣ ସାମଗ୍ରୀର ବ୍ୟବହାର।
ଏହି ସବୁ ବ୍ୟବସ୍ଥା ଘରର ଖର୍ଚ୍ଚ କମାଇବା ସହ ପରିବେଶ ସୁରକ୍ଷାରେ ମଧ୍ୟ ସହାୟକ ହୋଇଥାଏ । ଏଥିସହ ଲୋକମାନେ ଏକ ସ୍ୱାସ୍ଥ୍ୟକର, ସୁବିଧାଜନକ ଓ ଟିକାଉ ଜୀବନଶୈଳୀର ସୁଯୋଗ ପାଇଥାନ୍ତି।
ବ୍ରହ୍ମପୁରରେ ଗ୍ରୀନ ରିଅଲ ଇଷ୍ଟେଟର ବୃଦ୍ଧି
ଗତ କିଛି ବର୍ଷ ଧରି ବ୍ରହ୍ମପୁରରେ ଆବାସିକ ଓ ବାଣିଜ୍ୟିକ ପ୍ରକଳ୍ପର ସଂଖ୍ୟା ଦ୍ରୁତ ହାରରେ ବଢ଼ି ଚାଲିଛି । ସହରର ବିକାଶ ସହିତ ପରିବେଶ ଉପରେ ଚାପ ମଧ୍ୟ ବଢ଼ିଛି। ଏହି ପରିସ୍ଥିତିରେ ଡେଭେଲପରମାନେ ଗ୍ରୀନ୍ ଟେକ୍ନୋଲୋଜି ଆଧାରିତ ପ୍ରକଳ୍ପ ଉପରେ ଅଧିକ ଗୁରୁତ୍ୱ ଦେଉଛନ୍ତି।
ନୂତନ ହାଉସିଂ ପ୍ରକଳ୍ପ ଗୁଡ଼ିକରେ ସୋଲାର ଏନର୍ଜି, ପ୍ରାକୃତିକ ଆଲୋକ ଓ ବାୟୁ ଚଳାଚଳକୁ ଗୁରୁତ୍ୱ ଦିଆଯାଉଛି । ଏହାଫଳରେ ବିଦ୍ୟୁତ ଖର୍ଚ୍ଚ କମିବା ସହ ଘରର ରକ୍ଷଣାବେକ୍ଷଣ ଖର୍ଚ୍ଚ ମଧ୍ୟ କମିଯାଏ।
ଘର କ୍ରେତାଙ୍କ ପାଇଁ ଗ୍ରୀନ୍ ଟେକ୍ନୋଲୋଜିର ଲାଭ
ଗ୍ରୀନ୍ ଟେକ୍ନୋଲୋଜି ବ୍ୟବହୃତ ଘର ଗୁଡ଼ିକ କେବଳ ପରିବେଶ ପାଇଁ ଉପଯୁକ୍ତ ତାହା ନୁହେଁ , ବରଂ ଘରମାଲିକଙ୍କ ପାଇଁ ମଧ୍ୟ ଅନେକ ସୁବିଧା ଆଣିଥାଏ।
ପ୍ରମୁଖ ଲାଭ
ବିଦ୍ୟୁତ ବିଲ୍ରେ ହ୍ରାସ
ପାଣି ସଞ୍ଚୟ ଓ ସଠିକ୍ ବ୍ୟବହାର
ଉତ୍ତମ ବାୟୁ ଗୁଣବତ୍ତା
ସ୍ୱାସ୍ଥ୍ୟକର ଜୀବନଶୈଳୀ
ଦୀର୍ଘମିଆଦୀ ଖର୍ଚ୍ଚରେ ସଞ୍ଚୟ
ସମ୍ପତ୍ତିର ବଜାର ମୂଲ୍ୟ ବୃଦ୍ଧି
ଗବେଷଣା ଅନୁଯାୟୀ, ଗ୍ରୀନ୍ ବିଲ୍ଡିଂ ଗୁଡ଼ିକ ବିଦ୍ୟୁତ ଶକ୍ତି ବ୍ୟବହାରକୁ ୨୦% ରୁ ୩୦% ପର୍ଯ୍ୟନ୍ତ ଏବଂ ପାଣି ବ୍ୟବହାରକୁ ୩୦ % ରୁ ୫୦ % ପର୍ଯ୍ୟନ୍ତ କମାଇପାରେ।
ସମ୍ପତ୍ତି ମୂଲ୍ୟ ଉପରେ ଗ୍ରୀନ୍ ଟେକ୍ନୋଲୋଜିର ପ୍ରଭାବ
ଆଜିର ରିଅଲ ଇଷ୍ଟେଟ ବଜାରରେ ଗ୍ରୀନ ବୈଶିଷ୍ଟ୍ୟ ଥିବା ପ୍ରକଳ୍ପ ଗୁଡ଼ିକ ଅଧିକ ଆକର୍ଷଣୀୟ ହେଉଛି । ଏପରି ସମ୍ପତ୍ତିର ଚାହିଦା ବଢ଼ୁଥିବାରୁ ତାହାର ପୁନଃବିକ୍ରୟ ମୂଲ୍ୟ ମଧ୍ୟ ଅଧିକ ରହିଥାଏ।
ଅନେକ ରିଅଲ ଇଷ୍ଟେଟ ବିଶେଷଜ୍ଞଙ୍କ ମତାନୁସାରେ, ଗ୍ରୀନ୍ ସାର୍ଟିଫିକେସନ୍ ଓ ବିଦ୍ୟୁତ ସଞ୍ଚୟକାରୀ ଆଲୋକ ବ୍ୟବସ୍ଥା ବୈଶିଷ୍ଟ୍ୟ ସମ୍ପତ୍ତିର ମୂଲ୍ୟ ବଢ଼ାଇଥାଏ ଏବଂ ନିବେଶକଙ୍କ ଆଗ୍ରହକୁ ବୃଦ୍ଧି କରିଥାଏ।
ବ୍ରହ୍ମପୁର ଭଳି ସହରରେ ମଧ୍ୟ ଏହି ଧାରା ଧୀରେ ଧୀରେ ଦେଖାଯାଉଛି । ଆଗାମୀ ଦିନରେ ପରିବେଶ-ବନ୍ଧୁ ପ୍ରକଳ୍ପଗୁଡ଼ିକ ଅଧିକ ମୂଲ୍ୟବାନ ସମ୍ପତ୍ତି ଭାବେ ପରିଗଣିତ ହେବାର ସମ୍ଭାବନା ରହିଛି।
ଡେଭେଲପରମାନଙ୍କ ପାଇଁ ନୂତନ ସୁଯୋଗ
ଗ୍ରୀନ୍ ଟେକ୍ନୋଲୋଜି ଡେଭେଲପରମାନଙ୍କ ପାଇଁ ମଧ୍ୟ ନୂତନ ବ୍ୟବସାୟିକ ସୁଯୋଗ ସୃଷ୍ଟି କରୁଛି । ଆଜିର କ୍ରେତାମାନେ କେବଳ ଘର କିଣିବା ସହ ସେମାନେ ଏକ ସୁସ୍ଥ ଓ ସସ୍ଥାୟୀ ଜୀବନଶୈଳୀ ଖୋଜୁଛନ୍ତି।
ସେଥିପାଇଁ ଡେଭେଲପରମାନେ ନିମ୍ନଲିଖିତ ବୈଶିଷ୍ଟ୍ୟ ଉପରେ ଧ୍ୟାନ ଦେଉଛନ୍ତି
ସୋଲାର ପାୱାର ସିଷ୍ଟମ୍
ବର୍ଷାଜଳ ସଂଗ୍ରହ ବ୍ୟବସ୍ଥା
ଗ୍ରୀନ୍ ଲ୍ୟାଣ୍ଡସ୍କେପ୍
ଏନର୍ଜି ଏଫିସିଏଣ୍ଟ ଉପକରଣ
ସ୍ମାର୍ଟ ହୋମ୍ ଟେକ୍ନୋଲୋଜି
ବର୍ଜ୍ୟ ପରିଚାଳନା ବ୍ୟବସ୍ଥା
ଏହି ବୈଶିଷ୍ଟ୍ୟଗୁଡ଼ିକ ପ୍ରକଳ୍ପକୁ ବଜାରରେ ଅଧିକ ପ୍ରତିଯୋଗୀତାମୂଳକ କରିଥାଏ।
ବ୍ରହ୍ମପୁରର ଭବିଷ୍ୟତ ରିଅଲ୍ ଇଷ୍ଟେଟ୍ ଓ ଗ୍ରୀନ୍ ଟେକ୍ନୋଲୋଜି
ଭବିଷ୍ୟତରେ ବ୍ରହ୍ମପୁରର ରିଅଲ୍ ଇଷ୍ଟେଟ୍ ବିକାଶରେ ଗ୍ରୀନ୍ ଟେକ୍ନୋଲୋଜି ଏକ ମୁଖ୍ୟ ଭୂମିକା ନେବ ବୋଲି ଆଶା କରାଯାଉଛି । ବଢ଼ୁଥିବା ତାପମାତ୍ରା, ଜଳ ସଂକଟ ଚାହିଦାକୁ ଦୃଷ୍ଟିରେ ରଖି ପରିବେଶକୁ ଧ୍ୟାନରେ ରଖି ନିର୍ମାଣ ପଦ୍ଧତି ଅତ୍ୟାବଶ୍ୟକ ହୋଇପଡ଼ିଛି।
ଭାରତରେ ଗ୍ରୀନ୍ ବିଲ୍ଡିଂ ଆନ୍ଦୋଳନ ଦ୍ରୁତ ଗତିରେ ବଢ଼ୁଛି ଏବଂ ନୂତନ ରିଅଲ ଇଷ୍ଟେଟ ପ୍ରକଳ୍ପ ଗୁଡ଼ିକରେ ସ୍ଥାୟୀ ବୈଶିଷ୍ଟ୍ୟ ଏକ ମୁଖ୍ୟ ଆକର୍ଷଣ ହୋଇ ଉଠିଛି ।
ରିଅଲ୍ ଇଷ୍ଟେଟ୍ର ଭବିଷ୍ୟତ :
ଗ୍ରୀନ୍ ଟେକ୍ନୋଲୋଜି କେବଳ ଏକ ଆଧୁନିକ ଟ୍ରେଣ୍ଡ ନୁହେଁ, ବରଂ ରିଅଲ୍ ଇଷ୍ଟେଟ୍ର ଭବିଷ୍ୟତ। ବ୍ରହ୍ମପୁରରେ ବଢ଼ୁଥିବା ଆବାସିକ ଓ ବାଣିଜ୍ୟିକ ବିକାଶ ମଧ୍ୟରେ ଏହା ପରିବେଶ ସୁରକ୍ଷା, ଖର୍ଚ୍ଚ ସଞ୍ଚୟ ଏବଂ ଉନ୍ନତ ଜୀବନଶୈଳୀର ଏକ ସୁନ୍ଦର ସମନ୍ୱୟ ପ୍ରଦାନ କରୁଛି ।
ଯେଉଁ ଡେଭେଲପର ଓ ଘର କ୍ରେତାମାନେ ଆଜି ଗ୍ରୀନ୍ ଟେକ୍ନୋଲୋଜିକୁ ଗ୍ରହଣ କରୁଛନ୍ତି, ସେମାନେ ଆଗାମୀ ଦିନରେ ଅଧିକ ଲାଭ ଓ ଦୀର୍ଘମିଆଦୀ ମୂଲ୍ୟ ପାଇବେ। ବ୍ରହ୍ମପୁରର ରିଅଲ୍ ଇଷ୍ଟେଟ୍ କ୍ଷେତ୍ରକୁ ଏକ ସସ୍ଥାୟୀ ଓ ସବୁଜ ଭବିଷ୍ୟତ ଦିଗରେ ନେବାରେ ଗ୍ରୀନ୍ ଟେକ୍ନୋଲୋଜି ନିଶ୍ଚିତ ଭାବେ ଏକ ଗେମ୍ ଚେଞ୍ଜର ସାବ୍ୟସ୍ତ ହେବ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |