ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ କଲେ ବଡ଼ ଘୋଷଣା। ଟ୍ରମ୍ପ ଦେଲେ ବଡ ଅଫର। ଜନ୍ମିତ ପିଲାଙ୍କୁ ଆମେରିକା ସରକାର ଦେବେ ୯୨ ହଜାର ଟଙ୍କା। ଏହା ଦ୍ୱାରା ପ୍ରତି ବର୍ଷ ପ୍ରାୟ ୩୬ ଲକ୍ଷ ନବଜାତକ ଲାଭାନ୍ୱିତ ହେବେ। ୧ ଜାନୁଆରୀ ୨୦୨୫ରୁ ୩୧ ଡିସେମ୍ୱର ୨୦୨୮ ମଧ୍ୟରେ ଆମେରିକାରେ ଜନ୍ମିତ ପିଲାଙ୍କୁ ଏହି ଯୋଜନାର ଲାଭ ମିଳିବ ।
ଏବେ ଅନେକ ବଡ଼ କମ୍ପାନି ଏହି ଆବଶ୍ୟକ ନିମନ୍ତେ ପାଣ୍ଠିର ଉପଯୋଗ କରିପାରିବେ । ତେବେ ଟ୍ରମ୍ପଙ୍କ ଏହି ଯୋଜନାକୁ ଅନେକ ପସନ୍ଦ କରୁଥିବା ବେଳେ କେବଳ ଟ୍ରମ୍ପ ସରକାର ଥିବା ସମୟରେ ହିଁ ଏହା ମିଳିବ ।
ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପ କହିଛନ୍ତି ଯେ, ଏପର୍ଯ୍ୟନ୍ତ ଆସିଥିବା ପ୍ରତ୍ୟେକ ପ୍ରଶାସନ ଦେଶର ଆଗାମୀ ପୀଢ଼ିକୁ କେବଳ ଋଣର ଭାର ଛାଡ଼ିଦେଇଛି । କିନ୍ତୁ ଟ୍ରମ୍ପ ପ୍ରଶାସନ ଏହାକୁ ପରିବର୍ତ୍ତନ କରିବାକୁ ଯାଉଛି ବୋଲି ସେ ମତ ପ୍ରକାଶ କରିଛନ୍ତି ।
ଟ୍ରମ୍ପଙ୍କ ଅନୁସାରେ, ତାଙ୍କ ସରକାର ଆଗାମୀ ପୀଢ଼ିକୁ କେବଳ ଋଣ ନୁହେଁ, ବରଂ ପ୍ରକୃତ ସମ୍ପତ୍ତି ଓ ଆର୍ଥିକ ସ୍ୱାଧୀନତାର ମଜବୁତ ଭିତ୍ତି ପ୍ରଦାନ କରିବ । ଏହି ଯୋଜନା ଅନ୍ତର୍ଗତ, ଟ୍ରମ୍ପ ପ୍ରଶାସନ କାଳୀନେ ଜନ୍ମ ନେଇଥିବା ପ୍ରତ୍ୟେକ ପିଲାକୁ ପ୍ରାୟ ୯୨ ହଜାର ଟଙ୍କା ଆର୍ଥିକ ସହାୟତା ଦିଆଯିବ ।
ଏହି ଯୋଜନା ସହିତ ମାତାପିତାଙ୍କ ପ୍ରବାସ ସ୍ଥିତିର କୌଣସି ସମ୍ପର୍କ ନାହିଁ । ଯେକୌଣସି ଯୋଗ୍ୟ ଅଭିଭାବକ ନିଜ ପିଲାଙ୍କ ନାମରେ ଏହି ଆକାଉଣ୍ଟ ଖୋଲିପାରିବେ ବୋଲି ଟ୍ରମ୍ପ ସ୍ପଷ୍ଟ କରିଛନ୍ତି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |