ହ୍ୱାଟ୍ସଆପ୍ ଏମିତି ଏକ ଆପ୍, ଯାହା ମଣିଷ ଜୀବନର ଏକ ଅଙ୍ଗ । ପ୍ରତ୍ୟେକ ମଣିଷ ତାର ଦୈନନ୍ଦିନ ଜୀବନର ଶୈଳୀ ଏହି ହ୍ୱାଟ୍ସଆପ୍ ମାଧ୍ୟମରେ ଅପଡେଟ ଦେଉଛି । ସେ କାମ ହେଉ କି ବ୍ୟକ୍ତିଗତ ସବୁଥିରେ ମଣିଷ ଏହାର ବ୍ୟବହାର କରୁଛି । ଏଥିରେ ୟୁଜର ଚାଟ୍ କରନ୍ତି, ଡକ୍ୟୁମେଣ୍ଟ ପଠାନ୍ତି, OTP ଆସେ ଏବଂ ବ୍ୟକ୍ତିଗତ କଥାବାର୍ତ୍ତା ମଧ୍ୟ କରନ୍ତି । ଅନେକ ଏହା ମାଧ୍ୟମରେ ବିଭିନ୍ନ ଅଫିସ କାମ ଠାରୁ ଆରମ୍ଭ କରି ବ୍ୟବସାୟିକ ତଥ୍ୟ ନେଣଦେଣ ମଧ୍ୟ କରୁଛନ୍ତି । କିନ୍ତୁ ସବୁଠାରୁ ବଡ଼ ପ୍ରଶ୍ନ ହେଉଛି, କ’ଣ ଏହି ହ୍ୱାଟ୍ସଆପ୍ ସୁରକ୍ଷିତ । କେତେ ସୁରକ୍ଷିତ ହ୍ୱାଟ୍ସଆପ୍ ବ୍ୟବହାର ? ଏହା ମାଧ୍ୟମରେ ଯାହା ସହ ବି ଆମେ କଥା ହେଉଛନ୍ତି, ତାହା କ’ଣ ଗୋପନୀୟ ରହୁଛି । ନା ଅନ୍ୟ କେହି ଆମର ମେସେଜ୍ ପଢୁନି ତ ? ଯଦି ଅନ୍ୟ କେହି ଆପଣଙ୍କ ହ୍ୱାଟ୍ସଆପ୍ ଆକ୍ସେସ୍ ରଖିଥାଏ, ତେବେ ତାହା କେତେ ବିପଦପୂର୍ଣ୍ଣ ହୋଇପାରେ ? ଏସବୁ କେହି କେହି ଚିନ୍ତା କରୁଥିବା ବେଳେ ଅନେକ ଲୋକ ଏହାକୁ ହାଲୁକା ଭାବରେ ନିଅନ୍ତି । କିନ୍ତୁ ସତ କଥା ହେଉଛି ଯଦି ଆପଣଙ୍କ ଫୋନ୍ କିମ୍ବା ଆପଣଙ୍କର ହ୍ୱାଟ୍ସଆପ୍ ସେଟିଂ ସାମାନ୍ୟ ଦୁର୍ବଳ ଥାଏ, ତେବେ ଯେକୌଣସି ବ୍ୟକ୍ତି ଆପଣଙ୍କ ଚାଟ୍ ଆକ୍ସେସ୍ କରିପାରିବ।
ହ୍ୱାଟ୍ସଆପ୍ ୱେବ୍ ହେଉଛି ସବୁଠାରୁ ବେଶୀ ବିପଦ୍ଜନକ । ଏଇଠି ହିଁ ଅଧିକାଂଶ ୟୁଜର ଫସିଥାନ୍ତି। ଯଦି କେହି ଆପଣଙ୍କ ଫୋନ୍ କୌଣସି ସମୟରେ ଗୋଟିଏ ମିନିଟ୍ ପାଇଁ ବି ନେଇଯାଏ, ତେବେ ସେ ଆପଣଙ୍କ ଫୋନ୍ ଜରିଆରେ ହ୍ୱାଟ୍ସଆପ୍ ଓ୍ୱେବ୍ ଲଗ୍ ଇନ୍ କରିପାରିବ । ଲିଙ୍କ୍ଡ୍ ଡିଭାଇସ୍ ଅପ୍ସନ୍ ଆସିବା ପରେ କେବଳ ହ୍ୱାଟ୍ସଆପ୍ ୱେବ୍ କମ୍ପ୍ୟୁଟରରେ ନୁହେଁ, ବରଂ ଆପଣଙ୍କ ହ୍ୱାଟ୍ସଆପ୍ ଆକାଉଣ୍ଟକୁ ଅନ୍ୟ କେହି ନିଜ ମୋବାଇଲ୍ ଫୋନ୍ ମାଧ୍ୟମରେ ମଧ୍ୟ ଆକ୍ସେସ୍ କରିପାରିବେ।
ପ୍ରଥମେ ସେଟିଂସ୍ ଓପନ କରନ୍ତୁ ଏବଂ ଲିଙ୍କ୍ ହୋଇଥିବା ଡିଭାଇସ୍ସକୁ ଯାଆନ୍ତୁ। ଯଦି ଆପଣ ଏପରି କୌଣସି ଡିଭାଇସ୍ ଦେଖନ୍ତି ଯାହାକୁ ଆପଣ ବ୍ୟବହାର କରିନାହାଁନ୍ତି, ତେବେ ସମ୍ଭବତଃ ଅନ୍ୟ କେହି ଆପଣଙ୍କ ଚାଟ୍ ପଢ଼ୁଛନ୍ତି । ଏବେ ବି ଭାରତରେ ଏହି ପଦ୍ଧତି ହ୍ୱାଟ୍ସଆପ୍ ଚାଟ୍ ଚୋରିର ସବୁଠାରୁ ସାଧାରଣ ଏବଂ ବିପଦଜନକ ବୋଲି କୁହାଯାଏ । କାରଣ ସାଧାରଣତଃ ଲୋକମାନେ ଏହାକୁ ନିୟମିତ ଭାବରେ ଯାଞ୍ଚ କରନ୍ତି ନାହିଁ, ତେଣୁ କେହି ଜଣେ ଯଦି ଆପଣଙ୍କ ହ୍ୱାଟ୍ସଆପ୍ ଆକ୍ସେସ ନେଇଥାଏ, ତେବେ ଦୀର୍ଘ ସମୟ ପାଇଁ ଆପଣଙ୍କର ହ୍ୱାଟ୍ସଆପ୍ ଚାଟ୍ ପଢ଼ିପାରନ୍ତି।
ସେହିପରି ସ୍ପାଏୱେୟାର ଅନେକ ସ୍ମାର୍ଟଫୋନରେ ବ୍ୟାକ୍ ଗ୍ରାଉଣ୍ଡରେ ଚାଲିଥାଏ । ଆପଣଙ୍କ ହ୍ୱାଟ୍ସଆପ୍ ଚାଟ୍, କଲ୍ ଲଗ୍, ସ୍ଥାନ, ଫଟୋ ଏବଂ ମାଇକ୍ରୋଫୋନ୍ ଆକ୍ସେସ୍ ମଧ୍ୟ ଚୋରି ହୋଇଥାଏ । ତେଣୁ ଏଥିରୁ ସ୍ପଷ୍ଟ ଯେ, ଆପଣଙ୍କ ଲୋକେସନ୍ ଏବଂ ଆପଣଙ୍କର ସମସ୍ତ ବ୍ୟକ୍ତିଗତ ବିବରଣୀ ଅନ୍ୟପାଖରେ ପହଞ୍ଚିପାରେ । ତେଣୁ ସୁରକ୍ଷିତ ରଖନ୍ତୁ ଆପଣଙ୍କର ଏହି ହ୍ୱାଟ୍ସଆପ୍କୁ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |