Explore

Search

November 29, 2025 4:17 pm

ଟେନସନ୍‌ ବଢ଼ାଉଛି ଲମ୍ବା ସଟ୍‌ ଡାଉନ୍‌ : ଆମେରିକାରେ ଭୟଙ୍କର ସ୍ଥିତି

ଆମେରିକା : ଆମେରିକାରେ ଟ୍ରମ୍ପଙ୍କ ଟେନସନ୍‌ ବଢ଼ାଇଛି ଲମ୍ବା ସଟ୍‌ଡାଉନ୍‌। ଲଗାତର ୨ ଦିନ ହେଲା ୧ ହଜାରରୁ ଅଧିକ ବିମାନ ସେବା ପ୍ରଭାବିତ ହୋଇଛି । ଏଥିସହ ୪୦ ଦିନରେ ପହଞ୍ଚିଛି ଆମେରିକା ସଟ୍‌ ଡାଉନ୍‌ । ସେପଟେ ସଟ୍‌ ଡାଉନ୍‌ ଯୋଗୁଁ ବିମାନସେବା ପ୍ରଭାବିତ ହେବାରୁ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି ଯାତ୍ରୀ । ତେବେ ଆସନ୍ତା ୨ ଦିନ ଭିତରେ ସ୍ଥିତିରେ ସୁଧାର ନଆସିଲେ, ଆଗକୁ ଭୟଙ୍କର ସ୍ଥିତି ହୋଇପାରେ ବୋଲି ଆକଳନ କରାଯାଇଛି । କାରଣ ଏପର୍ଯ୍ୟନ୍ତ ବିନା ଦରମାରେ କାମ କରୁଥିବା ସରକାରୀ କର୍ମଚାରୀ କାମ ବନ୍ଦ କରିପାରନ୍ତି । ଆଉ ଏମିତି ହେଲେ, ଦେଶର ଅର୍ଥନୀତି ସ୍ଥିତି ପୁରା ବିଗିଡି ଯିବ ।

ଅକ୍ଟୋବର ୧ ତାରିଖରୁ ଆରମ୍ଭ ହୋଇଥିବା ଏହି ସଟ ଡାଉନର ଅଧିକ ପ୍ରଭାବ ଆମେରିକାର ବିମାନ ସେବା ଉପରେ ଦେଖିବାକୁ ମିଳିଛି । ଶୁକ୍ରବାର ଦେଶରେ ୧ ହଜାରରୁ ଊର୍ଦ୍ଧ୍ୱ ବିମାନ ଉଡାଣ ବାତିଲ୍ କରାଯାଇଥିଲା । ଅନ୍ୟ ବିମାନ ଗୁଡିକ ନିର୍ଦ୍ଧାରିତ ସୂଚୀ ଅନୁଯାୟୀ ଉଡାଣ ଭରିଥିବାରୁ ଯାତ୍ରୀମାନେ ଆଶ୍ୱସ୍ତି ହୋଇଥିଲେ । ସରକାରଙ୍କ ନିର୍ଦ୍ଦେଶ ଅନୁଯାୟୀ, ଫେଡେରାଲ ଆଭିଏସନ ଆଡମିନିଷ୍ଟ୍ରେସନ 40 ଟି ପ୍ରମୁଖ ବିମାନ ବନ୍ଦରରେ ଉଡାଣ 10 ପ୍ରତିଶତ କାଟିବାକୁ ଘୋଷଣା କରିଥିଲା । ଶୁକ୍ରବାର ସକାଳୁ ଏହାକୁ ଲାଗୁ କରିବା ପରେ ଆମେରିକାରେ ପ୍ରାୟ 1 ହଜାରରୁ ଅଧିକ ବିମାନ ଉଡାଣ ବାତିଲ କରାଯାଇଥିଲା । ଉଡାଣ ବାତିଲ କରାଯାଇଥିବା ଏୟାରପୋର୍ଟ ମଧ୍ୟରେ ରହିଛି ଆଟ୍ଲାଣ୍ଟା, ଡାଲସ୍, ଡେନଭର, ସାଲହର୍ଟ, ଉତ୍ତର କାରୋଲିନ ଭଳି ବ୍ୟସ୍ତବହୁଳ ବିମାନ ବନ୍ଦର । ଚଳିତ ସପ୍ତାହର ଶେଷ ଆଡକୁ ଏହି ସମସ୍ୟା କମିବାର ଆଶା ରହିଛି ଓ ଅନ୍ତର୍ଜାତୀୟ ବିମାନ ଚଳାଚଳ ପ୍ରଭାବିତ ହେବନାହିଁ ବୋଲି ଏୟାରଲାଇନ୍ସ ପକ୍ଷରୁ ଆଶା କରାଯାଉଛି ।

vandeutkal
Author: vandeutkal

ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |

Live Cricket Score