ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଇନ୍ଦିରାଗାନ୍ଧୀ ଇନଡୋର ଷ୍ଟାଡିୟମରେ ଜାତୀୟ ଗୀତ ‘ବନ୍ଦେ ମାତରମ୍’ର ୧୫୦ ତମ ବାର୍ଷିକୀ ପାଳନର ଶୁଭାରମ୍ଭ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ଏକ ସ୍ମାରକୀ ଡାକ ଟିକେଟ ଓ ମୁଦ୍ରା ମଧ୍ୟ ଉନ୍ମୋଚନ କରିଛନ୍ତି । ଏହି ପରିପ୍ରେକ୍ଷୀରେ ମୋଦି କହିଥିଲେ ‘ବନ୍ଦେ ମାତରମ୍’ କେବଳ ଜାତୀୟ ସଙ୍ଗୀତ ନୁହେଁ ଏହା ଭାରତର ସ୍ୱାଧୀନତା ସଂଗ୍ରାମର ଆତ୍ମା । ଏହାର ପ୍ରତିଟି ଶବ୍ଦ ଏକ ମନ୍ତ୍ର, ଏକ ଶକ୍ତି, ଏକ ସ୍ୱପ୍ନ ଏକ ସଙ୍କଳ୍ପ ।
ତେବେ ଏହି କାର୍ୟ୍ୟକ୍ରମ ନଭେମ୍ବର ୭ ୨୦୨୨୫ରୁ ଆସନ୍ତା ନଭେମ୍ବର ୭ ୨୦୨୬ ପର୍ୟ୍ୟନ୍ତ ଦେଶବ୍ୟାପୀ ଚାଲିବ । ଏହି ସ୍ମାରକୀ ‘ବନ୍ଦେ ମାତରମ୍’ର ଗୀତର ୧୫୦ ବର୍ଷ ପାଳନ କରିବ । ଏହା ଭାରତର ସ୍ୱାଧୀନତା ଆନ୍ଦୋଳନକୁ ପ୍ରେରଣା ଦେଇଥିଲା । ଏହାସହ ଜାତୀୟ ଗର୍ବ ଓ ଏକତାକୁ ବଜାୟ ରଖିଥିଲା । ମୋଦି ଆହୁରି ମଧ୍ୟ କହିଥିଲେ ନଭେମ୍ବର ୭ ୨୦୨୫ ଏକ ଐତିହାସିକ ଦିନ । ଆଜି ଆମେ ବନ୍ଦେ ମାତରମ୍ର ୧୫୦ ତମ ବାର୍ଷିକୀ ପାଳନ କରୁଛୁ । ଏହି ପବିତ୍ର ଦିନରେ ଆମକୁ ଅନେକ କିଛି ନୂତନ ପ୍ରେରଣା ଦେବ ।
୧୮୭୫ ମସିହାରେ ବଙ୍କିମ ଚନ୍ଦ୍ର ଦେଶାତ୍ମକବୋଧକ ଗୀତ ବନ୍ଦେ ମାତରମ ରଚନା କରିଥିଲେ । ଏହି ରଚନା ପଛରେ ରହିଛି ଏକ ଆକର୍ଷଣୀୟ କଥା । ବ୍ରିଟିଶ ଶାସକମାନେ ପ୍ରତ୍ୟେକ କାମରେ ଇଂଲଣ୍ଡର ରାଣୀଙ୍କୁ ଶ୍ରଦ୍ଧାଞ୍ଜଳୀ ଦେଇ ଭଗବାନ ରାଣୀଙ୍କୁ ରକ୍ଷା କର ଗୀତ ଗାଇବା ବାଧ୍ୟତାମୂଳକ କରିଥିଲେ । ଏହା ବଙ୍କିମ ଚନ୍ଦ୍ରଙ୍କ ସମେତ ଅନେକ ଦେଶବାସୀଙ୍କୁ ଖୁବ ବାଧିଥିଲା । ଏହାର ଜବାବରେ ୧୯୭୪ ମସିହାରେ ବନ୍ଦେ ମାତରମ୍ ର ଶୀର୍ଷକ ଏକ ଗୀତ ରଚନା କରିଥିଲେ । ଏହି ଗୀତର ମୁଖ୍୍ୟ ବିଷୟ ବସ୍ତୁ ଥିଲା ଭାରତ ଭୂମିକୁ ମାତା ବୋଲି ସମ୍ବୋଦ୍ଧିତ କରିବା । ଏହାପରେ ୧୮୯୬ ମସିହାରେ କୋଲକତାରେ ଭାରତୀୟ ଜାତୀୟ କଂଗ୍ରେସର ଏକ ଅଧିବେଶନ ଅନୁଷ୍ଠିତ ହୋଇଥିଲା । ଆଉ ସେହି ଅଧିବେଶନରେ ପ୍ରଥମ ଥର ପାଇଁ ବନ୍ଦେ ମାତରମ୍ ର ଗୀତ ଗାନ ହୋଇଥିଲା ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |