ମଣିଷକୁ ଦୀର୍ଘାୟୁ କରିବ ତିମି । କଥା ଟା ଶୁଣି ଆଶ୍ଚର୍ଯ୍ୟ ଲାଗୁ ଥିଲେ ମଧ୍ୟ ଏହା ଏକଦମ ସତ । ଏବେ ତିମି ପାଇଁ ମଣିଷର ବଢିବା ଆୟୁ । ଯାହାଫଳରେ ମଣିଷ ୨ ଶହ ବର୍ଷ ବଞ୍ଚି ପାରିବ । ବିଜ୍ଞାନ ଜଗତରେ ଆଉ ଗୋଟିଏ ଚମତ୍କାର! ଯାହାକୁ ଆମେ କେବେ ଅସମ୍ଭବ ଭାବିଥିଲୁ, ସେହି କଥା ଏବେ ସତ୍ୟରେ ପରିଣତ ହେବାର ଦିଗରେ ଆଗେଇଯାଉଛି। ସମୁଦ୍ରର ବିଶାଳ ପ୍ରାଣୀ ‘ବୋହେଡ୍ ତିମି’ ଶରୀରରେ ଏମିତି ଏକ ବିଶେଷ ପ୍ରୋଟିନ୍ ଚିହ୍ନଟ ହୋଇଛି, ଯାହା ମଣିଷଙ୍କୁ ଦୀର୍ଘ ସମୟ ପର୍ଯ୍ୟନ୍ତ ସୁସ୍ଥ ରଖିବା ସହ ଆୟୁ ବଢ଼ାଇବାରେ ମୁଖ୍ୟ ଭୂମିକା ନେଇପାରେ।
ଏହି ତିମି ପ୍ରାଣୀ ପ୍ରାୟ ଦୁଇଶ ବର୍ଷ ପର୍ଯ୍ୟନ୍ତ ବଞ୍ଚିଥାଏ, ଯାହା ଏକ ଅତ୍ୟନ୍ତ ଅସାଧାରଣ ଘଟଣା। ଆଶ୍ଚର୍ଯ୍ୟ ଯେ, ଏତେ ଦୀର୍ଘ ଆୟୁ ସତ୍ତ୍ୱେ ମଧ୍ୟ ସେମାନେ ଗୁରୁତର ରୋଗରେ ପ୍ରାୟ ଆକ୍ରାନ୍ତ ହୋଇନାହାନ୍ତି। ଏହାର ମୂଳ କାରଣ ଭାବେ ବୈଜ୍ଞାନିକମାନେ CIRBP ନାମକ ଏକ ବିଶେଷ ପ୍ରୋଟିନ୍କୁ ଚିହ୍ନଟ କରିଛନ୍ତି।
ଏହି ପ୍ରୋଟିନ୍ ଶରୀରର DNA କ୍ଷତିକୁ ସଠିକ କରିବାରେ ସହାୟକ। ବୋହେଡ୍ ତିମିଙ୍କ ଶରୀରରେ ଏହାର ପରିମାଣ ଅନ୍ୟ ପ୍ରାଣୀଠାରୁ ଅନେକ ଗୁଣା ଅଧିକ ଥାଏ, ଯାହା ସେମାନଙ୍କୁ ଦୀର୍ଘାୟୁ ଓ ସୁସ୍ଥ ରଖୁଛି।
ଗବେଷଣା ସମୟରେ, ଏହି ପ୍ରୋଟିନ୍କୁ ମଣିଷର କୋଷ ଏବଂ ଫଳ ମାଛି ଉପରେ ପରୀକ୍ଷା କରାଯାଇଥିଲା। ଫଳରେ ଦେଖାଗଲା, DNA ମରାମତି ପ୍ରକ୍ରିୟା ଶକ୍ତିଶାଳୀ ହେବା ସହ ଆୟୁ ବୃଦ୍ଧିର ସଙ୍କେତ ମିଳିଛି।
ଆର୍କଟିକ୍ ଅଞ୍ଚଳର ଅତ୍ୟନ୍ତ ଶୀତଳ ପାଣିରେ ବସବାସ କରିବା ଫଳରେ ଏହି ତିମିଙ୍କ ଶରୀରରେ ଏହି ପ୍ରୋଟିନ୍ ବେଶି ପରିମାଣରେ ଉତ୍ପନ୍ନ ହୁଏ। କିଛି ବୈଜ୍ଞାନିକଙ୍କ ମତରେ, ମଣିଷମାନେ ଯଦି ଶୀତଳ ପରିବେଶ ସହିତ ସମ୍ପର୍କିତ କିଛି ଅଭ୍ୟାସ ଗଢ଼ି ନେବେ, ତେବେ ଏହି ପ୍ରୋଟିନ୍ର ସ୍ତର ବଢ଼ିପାରେ।
ଯଦିଓ ମଣିଷ ପାଇଁ ଦୁଇଶ ବର୍ଷ ବଞ୍ଚିବା ଏବେ ମଧ୍ୟ ଦୂର ସ୍ୱପ୍ନ, କିନ୍ତୁ ଏହି ନୂତନ ଗବେଷଣା ବୃଦ୍ଧାବସ୍ଥା ବିଜ୍ଞାନରେ ନୂଆ ଆଶା ଜଗାଇଛି। ଆସନ୍ତା ଦିନରେ ଏହି ପ୍ରୋଟିନ୍ ମାଧ୍ୟମରେ ମଣିଷର ସ୍ୱାସ୍ଥ୍ୟ ଓ ଆୟୁରେ ବଡ଼ ପରିବର୍ତ୍ତନ ଆସିପାରେ ବୋଲି ବିଶେଷଜ୍ଞମାନେ ଆଶା କରୁଛନ୍ତି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |