ଆମେରିକା-ଇରାନ ମଧ୍ୟରେ ବଢୁଥିବା ଅସନ୍ତୋଷ ଯୋଗୁଁ ଏବେ ବିଶ୍ୱ ଅର୍ଥନୀତି ଉପରେ ପ୍ରଭାବ ପଡ଼ିବାକୁ ଲାଗିଛି । ବିଶେଷ କରି ଇନ୍ଧନ ସଙ୍କଟ ଗଭୀର ହେଉଥିବାରୁ ପେଟ୍ରୋଲ ଓ ଜେଟ ତୈଳର ଦର ଲଗାତାର ବଢ଼ୁଛି। ଏହାର ସିଧାସଳଖ ପ୍ରଭାବ ବିମାନ ପରିବହନ ଉପରେ ପଡ଼ିଛି । ଯେଉଁଠାରେ ବହୁ କମ୍ପାନୀ ଖର୍ଚ୍ଚ କମେଇବାକୁ ବିଭିନ୍ନ ପଦକ୍ଷେପ ନେଉଛନ୍ତି ।
ଏହି ପରିପ୍ରେକ୍ଷୀରେ ଜର୍ମାନୀର ପ୍ରମୁଖ ବିମାନ ସେବା ପ୍ରଦାନକାରୀ ‘ଲୁଫ୍ଥାନସା’ ଏକ ବଡ଼ ନିଷ୍ପତ୍ତି ନେଇଛି। ସୂଚନା ଅନୁଯାୟୀ, ଏହି ଗ୍ରୀଷ୍ମକାଳୀନ ଋତୁରେ କମ୍ପାନୀ ପ୍ରାୟ ଛୋଟ ଦୂରତାର ଉଡ଼ାଣ ବାତିଲ କରିବ। ବୃଦ୍ଧିଶୀଳ ଟର୍ବାଇନ୍ ଫ୍ୟୁଏଲ ମୂଲ୍ୟକୁ ମୁଖ୍ୟ କାରଣ ଭାବେ ଦେଖାଯାଉଛି।
ଯଦିଓ ଏହି ନିଷ୍ପତ୍ତିରେ କମ୍ପାନୀର ସମଗ୍ର କ୍ଷମତାରେ ଅଳ୍ପ ହ୍ରାସ (୧% ରୁ କମ୍) ହେବ, କିନ୍ତୁ ଖର୍ଚ୍ଚ କମେଇବାରେ ଏହା ଉପକାରୀ ହେବ ବୋଲି ଆଶା। ଅନୁମାନ କରାଯାଉଛି ଯେ, ଏହା ଦ୍ୱାରା ଅକ୍ଟୋବର ସୁଦ୍ଧା ୪୦ ହଜାର ମେଟ୍ରିକ୍ ଟନରୁ ଅଧିକ ଜେଟ ଇନ୍ଧନ ସଞ୍ଚୟ ସମ୍ଭବ।
ତେବେ ଏହି ପଦକ୍ଷେପର ପ୍ରଭାବ ସିଧାସଳଖ ଯାତ୍ରୀମାନଙ୍କ ଉପରେ ପଡ଼ିବ। ପ୍ରଥମ ପର୍ଯ୍ୟାୟରେ ମେ ୩୧ ପର୍ଯ୍ୟନ୍ତ ପ୍ରତିଦିନ ପ୍ରାୟ ୧୨୦ଟି ଉଡ଼ାଣ ବାତିଲ ହେଉଛି । ପ୍ରଭାବିତ ଯାତ୍ରୀଙ୍କୁ ପୂର୍ବରୁ ସୂଚନା ଦିଆଯାଉଥିବା ସତ୍ତ୍ୱେ, ଅନେକ ରୁଟ୍ ଅସ୍ଥାୟୀ ଭାବେ ବନ୍ଦ ହେବାରୁ ଯାତ୍ରା ଯୋଜନାରେ ବାଧା ସୃଷ୍ଟି ହେଉଛି।
ବର୍ତ୍ତମାନର ପରିସ୍ଥିତିକୁ ଦେଖି ବିମାନ କମ୍ପାନୀମାନେ ଏପରି କଠିନ ନିଷ୍ପତ୍ତି ନେଉଛନ୍ତି ଏବଂ ଆଗାମୀ ଦିନରେ ଆହୁରି ପରିବର୍ତ୍ତନ ଦେଖାଯିବାର ସମ୍ଭାବନା ରହିଛି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |