ହାଇଦ୍ରାବାଦ: ସାରା ବିଶ୍ୱରେ ସବୁଠାରୁ ଅଧିକ ବ୍ୟବହୃତ ମେସେଜିଂ ପ୍ଲାଟଫର୍ମ WhatsApp ଏବେ ନୂତନ ଡିଜିଟାଲ୍ ସୁବିଧା ସହ ଆସିଛି। ବ୍ୟବହାରକାରୀମାନେ ଏଣିକି ପ୍ରିପେଡ ମୋବାଇଲ ରିଚାର୍ଜ ପାଇଁ ଅନ୍ୟ କୌଣସି ଆପ ବା ଦୋକାନର ଆବଶ୍ୟକତା ଅନୁଭବ କରିବେ ନାହିଁ। ଚାଟ୍ ମଧ୍ୟରୁ ସିଧାସଳଖ ନିଜ ପସନ୍ଦର ପ୍ଲାନ୍ ବାଛି ଏବଂ ତୁରନ୍ତ ରିଚାର୍ଜ କରିବା ସୁବିଧା ଏବେ ଉପଲବ୍ଧ ହେଉଛି । ଏହି ନୂଆ ଫିଚରକୁ Meta Platforms ଏପ୍ରିଲ୍ ୨୩, ୨୦୨୬ରେ ଭାରତରେ ଆରମ୍ଭ କରିଛି । ଏହାକୁ ଧୀରେ ଧୀରେ ସମସ୍ତ ଆଣ୍ଡ୍ରଏଡ ଓ ଆଇଓଏସ୍ ୟୁଜରଙ୍କ ପାଖକୁ ପହଞ୍ଚାଯାଉଛି।
ଏହି ସେବା ପାଇଁ WhatsApp ଅଗ୍ରଣୀ ଫିନଟେକ୍ କମ୍ପାନୀ PayU ସହ ମିଶି କାମ କରୁଛି । ଏଥିରେ Reliance Jio, Bharti Airtel ଓ Vodafone Idea ଭଳି ପ୍ରମୁଖ ଟେଲିକମ୍ ସର୍ଭିସ ଦାତାଙ୍କ ଗ୍ରାହକମାନେ ସହଜରେ ରିଚାର୍ଜ କରିପାରିବେ। ପୂର୍ବରୁ ବିଲ୍ ପେମେଣ୍ଟ ଓ ମେଟ୍ରୋ ଟିକେଟ୍ ସୁବିଧା ଦେଇଥିବା WhatsApp ଏବେ ଆଉ ଗୋଟିଏ ମହତ୍ତ୍ୱପୂର୍ଣ୍ଣ ସେବା ଯୋଡ଼ି ଏକ ‘ସୁପର ଆପ୍’ ଭାବେ ଗଢ଼ିଉଠିବା ଦିଗରେ ଆଗୁଆ ବଢ଼ୁଛି।
ନୂତନ ଅପଡେଟରେ ହୋମ ସ୍କ୍ରିନରେ ଆଇକନ ଯୋଡ଼ାଯାଇଛି, ଯାହାକୁ କ୍ଲିକ କରିଲେ ୟୁଜରମାନେ ପେମେଣ୍ଟ ସେକ୍ସନ ପାଇବେ। ସେଠାରୁ ମୋବାଇଲ୍ ରିଚାର୍ଜ, ଟଙ୍କା ପଠାଇବା ଓ ଅନ୍ୟାନ୍ୟ ଡିଜିଟାଲ୍ ଟ୍ରାଞ୍ଜାକ୍ସନ୍ ସହଜରେ କରାଯାଇପାରିବ। କେତେକ ସହରରେ ଏହି ଆପ୍ ମାଧ୍ୟମରେ ମେଟ୍ରୋ ଟିକେଟ୍ ବୁକିଂ ସୁବିଧା ମଧ୍ୟ ଉପଲବ୍ଧ ହେଉଛି।
କିପରି କରିବେ ରିଚାର୍ଜ ?
ଚାଟ୍ ସ୍କ୍ରିନ୍ରେ ଥିବା ₹ ଆଇକନ୍କୁ ଟାପ୍ କରନ୍ତୁ।
‘Mobile Prepaid Recharge’ ବିକଳ୍ପ ବାଛନ୍ତୁ।
ନିଜ ନମ୍ବର କିମ୍ବା ଅନ୍ୟ କାହାର ନମ୍ବର ଏଣ୍ଟର୍ କରନ୍ତୁ।
ଅପରେଟର (Jio/Airtel/Vi) ନିଶ୍ଚିତ କରନ୍ତୁ।
ପସନ୍ଦର ପ୍ଲାନ୍ ବାଛନ୍ତୁ।
UPI, ଡେବିଟ୍ ବା କ୍ରେଡିଟ୍ କାର୍ଡ ଦ୍ୱାରା ପେମେଣ୍ଟ କରନ୍ତୁ।
ସଫଳ ହେଲେ କନଫର୍ମେସନ୍ ମେସେଜ୍ ମିଳିବ।
WhatsApp ଏବେ କେବଳ ଚାଟ୍ କରିବା ପାଇଁ ଆପ୍ ରହିନାହିଁ; ଏହା ଦିନକୁ ଦିନ ଏକ ମଲ୍ଟି-ଫଙ୍କ୍ସନାଲ୍ ଡିଜିଟାଲ୍ ପ୍ଲାଟଫର୍ମ ଭାବେ ବିକଶିତ ହେଉଛି। ଆଗାମୀ ସମୟରେ ଏହି ଆପ୍ରେ ଅଧିକ ସେବା ଯୋଡ଼ାଯିବାର ସମ୍ଭାବନା ଥିବାରୁ ୟୁଜରମାନେ ଗୋଟିଏ ଆପ୍ରେ ଅଧିକାଂଶ ଦୈନିକ ଡିଜିଟାଲ୍ କାମ ସମ୍ପନ୍ନ କରିପାରିବେ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |