ନୂଆଦିଲ୍ଲୀ : ଆଜିଠାରୁ ସଂସଦର ବିଶେଷ ତିନିଦିନିଆ ଅଧିବେଶନ ଆରମ୍ଭ ହେଉଛି। ଏହି ସମୟରେ କେନ୍ଦ୍ର ସରକାର ‘ନାରୀ ଶକ୍ତି ବନ୍ଦନ ଆଇନ’କୁ ଲାଗୁ କରିବା ପାଇଁ ଆବଶ୍ୟକ ସମ୍ବିଧାନ ସଂଶୋଧନ ବିଲ୍ ପ୍ରସ୍ତୁତ କରିବେ। ଏହାର ମୂଳ ଲକ୍ଷ୍ୟ ହେଉଛି ଲୋକସଭା ଓ ରାଜ୍ୟ ବିଧାନସଭା ଗୁଡିକରେ ମହିଳାଙ୍କ ପାଇଁ ୩୩ ପ୍ରତିଶତ ସ୍ଥାନ ନିର୍ଦ୍ଧାରଣ କରିବା। ୨୦୨୯ ସାଧାରଣ ନିର୍ବାଚନକୁ ମନେରଖି ସରକାର ଦେଶବ୍ୟାପୀ ଆସନ ପୁନର୍ନିର୍ଦ୍ଧାରଣ (delimitation) କାର୍ଯ୍ୟ ଆରମ୍ଭ କରିବା ପ୍ରସ୍ତୁତିରେ ଅଛନ୍ତି ।
ଏହି ପ୍ରକ୍ରିୟା ସମାପ୍ତ ହେଲେ ବର୍ତ୍ତମାନ ୫୪୩ ଥିବା ଲୋକସଭା ଆସନ ସଂଖ୍ୟା ବଢ଼ି ପ୍ରାୟ ୮୫୦ ପର୍ଯ୍ୟନ୍ତ ପହଞ୍ଚିପାରେ ବୋଲି ଆକଳନ କରାଯାଉଛି। ଏହି ସ୍ବତନ୍ତ୍ର ଅଧିବେଶନରେ ସରକାରଙ୍କ ପ୍ରାଥମିକ ଲକ୍ଷ୍ୟ ହେଉଛି ଲୋକସଭାର ଆସନ ସଂଖ୍ୟାକୁ ବୃଦ୍ଧି କରିବାକୁ ଆବଶ୍ୟକ ପଦକ୍ଷେପ ଗ୍ରହଣ କରିବା।
ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦି ଏହି ପଦକ୍ଷେପକୁ ନାରୀମାନଙ୍କ ପାଇଁ ଦୀର୍ଘ ସମୟ ଧରି ଅପେକ୍ଷିତ ଅଧିକାର ଓ ନ୍ୟାୟ ଦେବାର ଏକ ଐତିହାସିକ ପଦକ୍ଷେପ ବୋଲି ମତ ପ୍ରକାଶ କରିଛନ୍ତି। ଏହାକୁ ସଫଳ କରିବା ପାଇଁ ବିଜେପି ପକ୍ଷରୁ ସମସ୍ତ ସାଂସଦଙ୍କୁ ଆଜିଠୁ ଅର୍ଥାତ ଏପ୍ରିଲ ୧୬ ରୁ ୧୮ ପର୍ଯ୍ୟନ୍ତ ସଂସଦରେ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇ ହ୍ୱିପ୍ ଜାରି କରାଯାଇଛି।
ସରକାରୀ ତଥ୍ୟ ଅନୁସାରେ, ୨୦୧୧ ର ଜନଗଣନା ଆଧାରକୁ ଧ୍ୟାନରେ ରଖି ୨୦୨୯ ଲୋକସଭା ନିର୍ବାଚନ ପୂର୍ବରୁ ଆସନ ପୁନର୍ବିନ୍ୟାସ କାମ ସମାପ୍ତ କରାଯିବ। ଏହାସହିତ, ସମୁଦାୟ ଆସନରୁ ୩୩ ଶତାଂଶ ସ୍ଥାନ ମହିଳାଙ୍କ ପାଇଁ ନିର୍ଦ୍ଧାରିତ ହେବ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |