ଭୁବନେଶ୍ୱର : ଆଜିର ଯୁଗରେ ପ୍ରଯୁକ୍ତି ଯୁଗ ଅତ୍ୟନ୍ତ ତ୍ୱରିତ ଗତିରେ ଆଗକୁ ବଢ଼ୁଛି । ଏହି ପରିବର୍ତ୍ତନର କେନ୍ଦ୍ରବିନ୍ଦୁ ହେଉଛି କୃତ୍ରିମ ବୁଦ୍ଧିମତ୍ତା ବା (AI)। ଏଆଇ (AI) କେବଳ ଗୋଟିଏ ପଢ଼ା ବିଷୟ ନୁହେଁ, ଏହା ଏବେ ଆମ ଦୈନନ୍ଦିନ ଜୀବନରୁ ଆରମ୍ଭ କରି ଶିକ୍ଷା, ଚାକିରି, ବ୍ୟବସାୟ ଓ କାର୍ଯ୍ୟାଳ କାମ ପର୍ଯ୍ୟନ୍ତ ପ୍ରାୟ ସମସ୍ତ ମୈଦାନରେ ଅବିଭାଜ୍ୟ ଅଂଶ ହୋଇଯାଇଛି ।
ଏବେ ସ୍କୁଲ ଓ କଲେଜ ମାନଙ୍କରେ ମଧ୍ୟ AI ଆଧାରିତ ପାଠପଢ଼ା ହେଉଥିବାରୁ ଛାତ୍ରଛାତ୍ରୀ ଏହି କ୍ଷେତ୍ରରେ ବେଶ ଆଗ୍ରହ ପ୍ରକାଶ କରୁଛନ୍ତି। ଭବିଷ୍ୟତରେ AI କ୍ଷେତ୍ରର ଚାହିଦା ମଧ୍ୟ ଅଧିକ ବଢ଼ିବା ନେଇ ନିଶ୍ଚିତ। ସେଥିପାଇଁ ଯଦି କେହି ଛାତ୍ରଛାତ୍ରୀ ଦ୍ୱାଦଶ ଶ୍ରେଣୀ ପାସ କରି ପରେ ଏକ ଭଲ ଭବିଷ୍ୟତ ଏବଂ ଆକର୍ଷଣୀୟ ନିଯୁକ୍ତି ଆଶା କରୁଛନ୍ତି, ତେବେ AI ସମ୍ବନ୍ଧୀୟ କୋର୍ସ ଚୟନ କରିବା ଏକ ଅତ୍ୟନ୍ତ ସୁବିଚାରିତ ପଦକ୍ଷେପ ହୋଇପାରେ।
ଡିପ୍ଲୋମା ଇନ ଆର୍ଟିଫିସିଆଲ ଇଣ୍ଟେଲିଜେନ୍ସ :
ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ଉପରେ ଡିପ୍ଲୋମା କୋର୍ସ ଏକ ଦକ୍ଷତାମୂଳକ ଓ କ୍ୟାରିଅରମୁଖୀ ପାଠ୍ୟକ୍ରମ । ଏହା ମାଧ୍ୟମରେ ଶିକ୍ଷାର୍ଥୀମାନେ AI ସମ୍ପର୍କିତ ଆଧାରଭୂତ ଧାରଣାରୁ ଆରମ୍ଭ କରି ଆଧୁନିକ ଟେକ୍ନୋଲୋଜି ପର୍ଯ୍ୟନ୍ତ ଜ୍ଞାନ ଅର୍ଜନ କରନ୍ତି ।
ଏହି କୋର୍ସରେ ପାଇଥନ କୋଡିଂ, ମେସିନ ଲର୍ଣ୍ଣିଂ ଟେକ୍ନିକ, ଡାଟା ବିଶ୍ଳେଷଣ ଏବଂ ବିଭିନ୍ନ AI ଟୁଲର ପ୍ରୟୋଗ ଶିଖାଯାଏ । ଏହା ଛାତ୍ରଛାତ୍ରୀଙ୍କୁ ପ୍ରାକ୍ଟିକାଲ ଅନୁଭବ ସହିତ ନବୀନ ଟେକ୍ନୋଲୋଜିରେ ପାରଙ୍ଗତ କରେ ।
ସାଧାରଣତଃ ଏହି ଡିପ୍ଲୋମା କୋର୍ସର ଅବଧି ୬ ମାସରୁ ୨ ବର୍ଷ ମଧ୍ୟରେ ରହେ। ସେହିପରି ଏହାର ଫି’ ସଂସ୍ଥା ଓ କୋର୍ସର ଗୁଣତ୍ୱ ଅନୁଯାୟୀ ପ୍ରାୟ ୫୦ ହଜାରରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ହୋଇଥାଏ । ଏହି ପାଠ୍ୟକ୍ରମ ଆଗାମୀ ଦିନର ଟେକ୍ନୋଲୋଜିକ କ୍ଷେତ୍ରରେ ନିଯୁକ୍ତି ସୁଯୋଗ ବଢ଼ାଇବାରେ ଉପକାରୀ ହୋଇଥାଏ ।
AI ଓ ଡାଟା ସାଇନ୍ସ ବିଷୟରେ B.Tech ଏକ ଆଧୁନିକ ଇଞ୍ଜିନିୟରିଂ ପାଠ୍ୟକ୍ରମ, ଯାହା ପ୍ରାୟତଃ ସାଇନ୍ସ ପୃଷ୍ଠଭୂମି ଥିବା ଛାତ୍ରଛାତ୍ରୀଙ୍କ ପାଇଁ ଡିଜାଇନ୍ କରାଯାଇଛି। ଏଥିରେ ଡାଟା ବିଶ୍ଳେଷଣ, ମେସିନ ଲର୍ଣ୍ଣିଂ ଟେକ୍ନୋଲୋଜି, କ୍ଲାଉଡ୍ ସିଷ୍ଟମ୍, ବିଗ୍ ଡାଟା ପ୍ରବନ୍ଧନ ସହିତ Python, C++ ଓ R ପରି ପ୍ରୋଗ୍ରାମିଂ ଭାଷାରେ ପ୍ରଶିକ୍ଷଣ ଦିଆଯାଏ।
ଏହି କୋର୍ସର ଅବଧି ସାଧାରଣତଃ ୪ ବର୍ଷ ହୋଇଥାଏ । ଅଧ୍ୟୟନ ଖର୍ଚ୍ଚ କଲେଜ ଓ ସୁବିଧା ଅନୁଯାୟୀ ପ୍ରାୟ ୧ ଲକ୍ଷ ଠାରୁ ୨୦ ଲକ୍ଷ ଟଙ୍କା ମଧ୍ୟରେ ରହିପାରେ ।
AI ଓ ଡାଟା ସାଇନ୍ସରେ B.Sc ଡିଗ୍ରୀ :
AI ଓ ଡାଟା ସାଇନ୍ସରେ B.Sc ଏକ ୩ ବର୍ଷର ସ୍ନାତକ ପଢ଼ା ଯେଉଁଥିରେ ଆଧୁନିକ ଟେକ୍ନୋଲୋଜି ଉପରେ ଶିକ୍ଷା ଦିଆଯାଏ । ଏହି କୋର୍ସରେ ମେସିନ ଲର୍ଣ୍ଣିଂ ସହିତ ଡାଟା ବିଶ୍ଳେଷଣ, ପରିସଂଖ୍ୟାନ ଧାରଣା, ଡାଟା ଖୋଜ ଓ ତଥ୍ୟକୁ ସହଜ ଭାବେ ପ୍ରଦର୍ଶନ କରିବା ପ୍ରକ୍ରିୟା ପଢ଼ାଯାଏ । ପ୍ରତିବର୍ଷ ଏହାର ଖର୍ଚ୍ଚ ପ୍ରାୟ ୩୦ ହଜାର ଟଙ୍କାରୁ ୩ ଲକ୍ଷ ଟଙ୍କା ମଧ୍ୟରେ ରହିପାରେ।
ରୋବୋଟିକ୍ସ ଓ AI ଡିପ୍ଲୋମା କୋର୍ସ :
ଯେଉଁ ଛାତ୍ରଛାତ୍ରୀ କେବଳ ସଫ୍ଟୱେର ନୁହେଁ, ବରଂ ମେସିନ ଓ ଯନ୍ତ୍ର ପ୍ରତି ମଧ୍ୟ ଆଗ୍ରହ ରଖନ୍ତି ସେମାନଙ୍କ ପାଇଁ ଏହି ଡିପ୍ଲୋମା କୋର୍ସ ଉପଯୁକ୍ତ। ଏଠାରେ ରୋବୋଟ ତିଆରି, ଇଲେକ୍ଟ୍ରୋନିକ୍ସ ଧାରଣା ଏବଂ AI ସହିତ ସିଷ୍ଟମ ଗୁଡ଼ିକୁ କିପରି ଏକାସାଥିରେ କାମ କରାଯାଏ ତାହା ଶିଖାଯାଏ। ଏହି କୋର୍ସର ମୋଟ ଫିସ୍ ପ୍ରାୟ ୪୦ ହଜାରରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି ।
ଏହି ଦୁଇଟି କୋର୍ସ ଆଗାମୀ ଦିନରେ ଟେକ୍ନୋଲୋଜି କ୍ଷେତ୍ରରେ ଭଲ କ୍ୟାରିଅର ଗଢ଼ିବାକୁ ସହାୟକ ହୋଇପାରେ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |