ଭୁବନେଶ୍ୱର : ସହରାଞ୍ଚଳ ବିକାଶ କ୍ଷେତ୍ରରେ ଓଡ଼ିଶା ଆଉ ଏକ ସଫଳତା ହାସଲ କରିଛି । ‘ଅଟଳ ମିଶନ ଫର ‘ରିଜୁଭେନେସନ ଆଣ୍ଡ ଅର୍ବାନ ଟ୍ରାନ୍ସଫର୍ମେସନ’ (ଅମୃତ) ୨.୦ର ସଫଳ କାର୍ଯ୍ୟକାରିତାରେ ସମଗ୍ର ଦେଶରେ ଓଡ଼ିଶା ପ୍ରଥମ ସ୍ଥାନ ଅଧିକାର କରି ଅଗ୍ରଣୀ ରାଜ୍ୟ ଭାବେ ଉଭା ହୋଇଛି । ସହରର ଉନ୍ନତି କ୍ଷେତ୍ରରେ ଓଡ଼ିଶା ଆଉ ଗୋଟିଏ ଗର୍ବର ସଫଳତା ହାସଲ କରିଛି । ‘ଅମୃତ ୨.୦’ ଯୋଜନାର ସଫଳ ରୂପାୟଣରେ ଦେଶ ମଧ୍ୟରେ ଓଡ଼ିଶା ପ୍ରଥମ ସ୍ଥାନ ଦାବି କରିଛି । ଯାହା ରାଜ୍ୟକୁ ଅଗ୍ରଗାମୀ ରାଜ୍ୟ ଭାବେ ପରିଚିତ କରାଇଛି । ସହରାଞ୍ଚଳରେ ପ୍ରତ୍ୟେକ ଘରକୁ ‘ପେ’ ଜଳ ସୁବିଧା ଯୋଗାଇବା ଓ ପୁରୁଣା ଜଳାଶୟ ଗୁଡ଼ିକୁ ପୁନର୍ଜୀବନ ଦେବାରେ ଓଡ଼ିଶାର କାମ ସ୍ପଷ୍ଟ ଭାବେ ଦେଖାଯାଇଛି ।
୨୦୨୧ ଅକ୍ଟୋବରରୁ ଆରମ୍ଭ ହୋଇଥିବା ଏହି ଯୋଜନା ଅଧୀନରେ ରାଜ୍ୟର ୮୯ଟି ପୌରସଂସ୍ଥାରେ ବ୍ୟାପକ ଉନ୍ନତି ଘଟିଛି । ପ୍ରାୟ ୪ହଜାର କୋଟି ଟଙ୍କାରୁ ଅଧିକ ବ୍ୟୟରେ ୩୪୫ଟି ପ୍ରକଳ୍ପକୁ ଅନୁମୋଦନ ମିଳିଛି । ଏଥିରୁ ପ୍ରାୟ ୧୦୦ଟି ପ୍ରକଳ୍ପ ସମ୍ପୂର୍ଣ୍ଣ ହୋଇସାରିଛି ଏବଂ ଅନ୍ୟଗୁଡ଼ିକର କାମ ଚାଲିଛି।
ଜଳ ସୁବିଧାକୁ ଆହୁରି ଶକ୍ତିଶାଳୀ କରିବା ପାଇଁ ରାଜ୍ୟରେ ନୂତନ ଜଳ ବିଶୋଧନ ପ୍ଲାଣ୍ଟ ସ୍ଥାପନ କରାଯାଇଛି । ଏହା ମାଧ୍ୟମରେ ପ୍ରତିଦିନ ବହୁ ପରିମାଣର ପାଣି ପରିଷ୍କାର କରାଯାଉଛି, ଯାହା ଲକ୍ଷାଧିକ ଲୋକଙ୍କୁ ଉପକୃତ କରୁଛି । ସେହିପରି ଅନେକ ସହରରେ ୨୪ ଘଣ୍ଟିଆ ପାନୀୟଜଳ ସେବା ଆରମ୍ଭ ହୋଇଛି ଓ ଲକ୍ଷାଧିକ ପରିବାରକୁ ନୂତନ ପାଇପ୍ ଯୋଗାଣ ସଂଯୋଗ ଦିଆଯାଇଛି।
ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ଡା. କୃଷ୍ଣଚନ୍ଦ୍ର ମହାପାତ୍ର କହିଛନ୍ତି ଯେ, ଏହି ସଫଳତା ଓଡ଼ିଶାର ସହର ଭିତ୍ତିଭୂମି ଓ ଜଳ ବ୍ୟବସ୍ଥା ପ୍ରତି ସରକାରଙ୍କ ଗମ୍ଭୀରତାକୁ ପ୍ରକାଶ କରେ । ସମସ୍ତଙ୍କୁ ନିରାପଦ ‘ପେ’ ଜଳ ଯୋଗାଇବା ଓ ସହର ଗୁଡ଼ିକୁ ସୁବିଧାଜନକ କରିବା ହେଉଛି ସରକାରଙ୍କ ମୁଖ୍ୟ ଲକ୍ଷ୍ୟ । ସୂଚନାଯୋଗ୍ୟ, ରାଜ୍ୟ ସରକାରଙ୍କ ପକ୍ଷରୁ ‘ପେ’ ଜଳ ସର୍ବେକ୍ଷଣ’ ଏବଂ ‘ଜୟ ହୋ ଅମୃତ’ ଭଳି କାର୍ଯ୍ୟକ୍ରମ ମାଧ୍ୟମରେ ଜଳ ପରିଚାଳନାକୁ ଅଧିକ ଗୁରୁତ୍ୱ ଦିଆଯାଉଛି। ଏଥିସହ ‘ଅମୃତ ମିତ୍ର’ ଏବଂ ‘ଓମେନ୍ ଫର୍ ଟ୍ରି’ ଭଳି ସାମାଜିକ ଅଭିଯାନ ମାଧ୍ୟମରେ ମହିଳା ସ୍ବୟଂ ସହାୟିକା ଗୋଷ୍ଠୀଙ୍କୁ ସାମିଲ କରାଯାଇ ଜଳାଶୟର ପୁନରୁଦ୍ଧାର ଏବଂ ପରିବେଶ ସୁରକ୍ଷା କାର୍ଯ୍ୟ ଜାରି ରହିଛି।
ଏହାସହ ରାଜ୍ୟରେ ଜଳ ପରିଚାଳନାକୁ ଆହୁରି ମଜବୁତ କରିବା ପାଇଁ ବିଭିନ୍ନ ସଚେତନତା କାର୍ଯ୍ୟକ୍ରମ ଚାଲିଛି । ମହିଳା ସ୍ୱୟଂସହାୟକ ଗୋଷ୍ଠୀଙ୍କୁ ସାମିଲ କରି ଜଳାଶୟ ପୁନରୁଦ୍ଧାର ଓ ପରିବେଶ ସୁରକ୍ଷାରେ ମଧ୍ୟ ଜୋର ଦିଆଯାଉଛି ।
ସେହିପରି ନୂତନ ଆର୍ଥିକ ପ୍ରଣାଳୀ ମାଧ୍ୟମରେ ଛୋଟ ସହର ଗୁଡ଼ିକରେ ଭିତ୍ତିଭୂମି ବିକାଶ ପାଇଁ ନିବେଶକୁ ଉତ୍ସାହିତ କରାଯାଉଛି । ସମଗ୍ର ଭାବେ, ‘ଅମୃତ ୨.୦’ ଯୋଜନା ଓଡ଼ିଶାର ସହର ଜୀବନକୁ ଆହୁରି ସୁବିଧାଜନକ ଓ ଆଧୁନିକ କରିବାରେ ଏକ ମୁଖ୍ୟ ଭୂମିକା ନିଭାଉଛି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |