ଆମେରିକା : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ଗ୍ରୀନଲ୍ୟାଣ୍ଡକୁ ଆମେରିକାର ଅଂଶ କରିବା ସମ୍ପର୍କିତ ଦାବିକୁ ନେଇ ଚର୍ଚ୍ଚାରେ ଆସିଛନ୍ତି । ସମ୍ପ୍ରତି ସେ ସୋସିଆଲ ମିଡିଆରେ ଏକ ମାନଚିତ୍ର ସେୟାର କରିଛନ୍ତି, ଯେଉଁଥିରେ ଗ୍ରୀନଲ୍ୟାଣ୍ଡ ସହ କାନ୍ନଡା ଓ ଭେନେଜୁଏଲାକୁ ମଧ୍ୟ ଆମେରିକାର ଅଞ୍ଚଳ ଭାବେ ଦର୍ଶାଯାଇଛି। ଟ୍ରମ୍ପଙ୍କ ଏହି ପଦକ୍ଷେପ ଆନ୍ତର୍ଜାତୀୟ ମଞ୍ଚରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି । ଏହାସହ ଆମେରିକା ଓ ଏହାର ସହଯୋଗୀ ଦେଶମାନଙ୍କ ମଧ୍ୟରେ ଏକ ନୂଆ ବିବାଦ ଉପଜିଛି । ଏହି ଘଟଣାକୁ ନେଇ ରାଜନୈତିକ ଓ କୂଟନୈତିକସ୍ତରରେ ଆଲୋଚନା ଜୋର ଧରିଛି ।
ଡୋନାଲ୍ଡ ଟ୍ରମ୍ପ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ‘ଟ୍ରୁଥ୍ ସୋସିଆଲ’ରେ ଏକ ଫଟୋ ସେୟାର କରି ନୂଆ ବିବାଦ ସୃଷ୍ଟି କରିଛନ୍ତି । ଏହି ଫଟୋରେ ଓଭାଲ ଅଫିସରେ ଅନେକ ନାଟୋ ଦେଶର ନେତାମାନେ ବସିଥିବା ଦେଖାଯାଉଛନ୍ତି । ଫଟୋ ପଛପଟେ ଥିବା ଏକ ପରିବର୍ତ୍ତିତ ମାନଚିତ୍ରରେ ଗ୍ରୀନଲ୍ୟାଣ୍ଡକୁ ଆମେରିକାର ଅଂଶ ଭାବେ ଦର୍ଶାଯାଇଛି । ଯାହାକୁ ନେଇ ଅନ୍ତର୍ଜାତୀୟସ୍ତରରେ ପ୍ରତିକ୍ରିୟା ଦେଖାଦେଇଛି।
ଏହି ଫଟୋରେ ଫ୍ରାନ୍ସ ରାଷ୍ଟ୍ରପତି, ଇଟାଲୀର ପ୍ରଧାନମନ୍ତ୍ରୀ, ବ୍ରିଟେନର ପ୍ରଧାନମନ୍ତ୍ରୀ ଏବଂ ୟୁରୋପୀୟ କମିଶନର ଅଧ୍ୟକ୍ଷ ମଧ୍ୟ ଅନ୍ତର୍ଭୁକ୍ତ ଅଛନ୍ତି । ଟ୍ରମ୍ପଙ୍କ ଏହି ପୋଷ୍ଟକୁ ନେଇ ରାଜନୈତିକ ଓ କୂଟନୈତିକ ମହଲରେ ଆଲୋଚନା ତୀବ୍ର ହୋଇଛି । ପୂର୍ବରୁ ମଧ୍ୟ ଡୋନାଲ୍ଡ ଟ୍ରମ୍ପ ଗ୍ରୀନଲ୍ୟାଣ୍ଡକୁ ନେଇ ତାଙ୍କ ବିବାଦୀୟ ମତାମତ ପ୍ରକାଶ କରିଥିଲେ। ଫ୍ଲୋରିଡାରେ ଦିଆଯାଇଥିବା ଏକ ଭାଷଣରେ ଟ୍ରମ୍ପ କହିଥିଲେ ଯେ ଆର୍କଟିକ ଅଞ୍ଚଳରେ ଋଷ ଓ ଚୀନର ବର୍ଦ୍ଧିତ ପ୍ରଭାବକୁ ମୁକାବିଲା କରିବା ପାଇଁ ଗ୍ରୀନଲ୍ୟାଣ୍ଡ ଆମେରିକାର ଜାତୀୟ ସୁରକ୍ଷା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ସେ ଏହା ମଧ୍ୟ ଅଭିଯୋଗ କରିଥିଲେ ଯେ ଡେନମାର୍କ ପାଖରେ ଗ୍ରୀନଲ୍ୟାଣ୍ଡର ସୁରକ୍ଷା ଓ ସୁରକ୍ଷଣ ନିଶ୍ଚିତ କରିବାର ପର୍ଯ୍ୟାପ୍ତ କ୍ଷମତା ନାହିଁ । ଟ୍ରମ୍ପଙ୍କ ଏହି ବକ୍ତବ୍ୟକୁ ନେଇ ଅନ୍ତର୍ଜାତୀୟ ମଞ୍ଚରେ ତୀବ୍ର ପ୍ରତିକ୍ରିୟା ଦେଖାଦେଇଥିବା ବେଳେ, ୟୁରୋପୀୟ ଦେଶମାନଙ୍କ ମଧ୍ୟରେ ମଧ୍ୟ ଆଲୋଚନା ଜୋର ଧରିଛି।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |