ଭୁବନେଶ୍ୱରରେ ଇଣ୍ଡିଆନ ଚ୍ୟାମ୍ବର୍ସ ଅଫ କମର୍ସ ଦ୍ୱାରା ଆୟୋଜିତ ବିକଶିତ ଓଡ଼ିଶା ୨୦୩୬ କାର୍ଯ୍ୟକ୍ରମରେ ଯୋଗଦେଇ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ମାଝୀ ଓଡ଼ିଶାକୁ ୨୦୩୬ ସୁଦ୍ଧା ଏକ ସମୃଦ୍ଧ ରାଜ୍ୟରେ ପରିଣତ କରିବା ଦିଗରେ ଆମର ଦୃଢ଼ ସଂକଳ୍ପ ବିଷୟରେ ଆଲୋଚନା କରିଥିଲେ । ଏହି ଅବସରରେ ଓଡ଼ିଶାର ଅର୍ଥନୈତିକ ବିକାଶ ପାଇଁ ରାଜ୍ୟ ସରକାର ଏକ ସ୍ପଷ୍ଟ ଲକ୍ଷ୍ୟ ନିର୍ଦ୍ଧାରଣ କରିଛନ୍ତି । ନିଜ ବକ୍ତବ୍ୟ ମାଧ୍ୟମରେ “୨୦୩୬ ସୁଦ୍ଧା ରାଜ୍ୟର ଅର୍ଥନୀତିକୁ ୫୦୦ ବିଲିୟନ ଡଲାରରେ ପରିଣତ କରିବା ଏବଂ ୨୦୪୭ ସୁଦ୍ଧା ଏହାକୁ ୧.୫ ଟ୍ରିଲିୟନ ଡଲାରରେ ପହଞ୍ଚାଇବା ଲକ୍ଷ୍ୟ ରଖାଯାଇଛି । ଏହି ଲକ୍ଷ୍ୟ ହାସଲ ପାଇଁ ରାଜ୍ୟକୁ ଏକ ‘କୃଷି ଭିତ୍ତିକ ଅର୍ଥନୀତି’ରୁ ‘ମିଶ୍ରିତ ଅର୍ଥନୀତି’ରେ ପରିଣତ କରିବାକୁ ହେବ । ଏଥିପାଇଁ ଶିଳ୍ପ, ବିଶେଷକରି ଏମଏସଏମଇ କ୍ଷେତ୍ରକୁ ବୃଦ୍ଧି କରି କୃଷି କ୍ଷେତ୍ରରେ ଥିବା ଅଧିକ ଶ୍ରମିକଙ୍କୁ ଅଧିକ ଉତ୍ପାଦନଶୀଳ କ୍ଷେତ୍ରରେ ନିୟୋଜିତ କରାଯିବ l ରାଜ୍ୟର ସମସ୍ତ ୩୦ଟି ଜିଲ୍ଲାରେ ଶିଳ୍ପ ପ୍ରତିଷ୍ଠା, ଉନ୍ନତ ଭିତ୍ତିଭୂମି (ରାସ୍ତା, ରେଳ, ବନ୍ଦର, ବିମାନବନ୍ଦର) ନିର୍ମାଣ, ଦକ୍ଷ ମାନବ ସମ୍ବଳ ଗଠନ ପାଇଁ ଉତ୍କର୍ଷ କେନ୍ଦ୍ର ଓ ବିଶ୍ୱ ଦକ୍ଷତା କେନ୍ଦ୍ର ପରି ଅନୁଷ୍ଠାନ ସ୍ଥାପନ, ଏବଂ ଉଦ୍ୟୋଗ ଅନୁକୂଳ ନୀତି ପ୍ରଣୟନ କରାଯାଇଛି । କେବଳ ସେତିକି ନୁହେଁ ସମଗ୍ର ବିକାଶ ପ୍ରକ୍ରିୟାର ମୂଳସୂତ୍ର ଭାବେ ‘ଲୋକଙ୍କୁ ପ୍ରାଥମିକତା’, ‘ସମସ୍ତଙ୍କ ପାଇଁ ସମୃଦ୍ଧି’ ଏବଂ ‘ପ୍ରଯୁକ୍ତିଦ୍ୱାରା ପରିଚାଳିତ’ ବିକାଶ ଉପରେ ଗୁରୁତ୍ୱାରୋପ କରାଯାଇଛି । ଏହି ଯାତ୍ରାରେ ଉଦ୍ୟୋଗପତି, ନିବେଶକାରୀ ଏବଂ ନାଗରିକମାନଙ୍କ ସକ୍ରିୟ ଅଂଶଗ୍ରହଣକୁ ଆହ୍ୱାନ ଜାରି କରାଯାଇଛି” ବୋଲି ମାନ୍ୟବର ମୁଖ୍ୟମନ୍ତ୍ରୀ ବକ୍ତବ୍ୟ ରଖିଥିଲେ l
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |