ଏଆଇ ସହ ପ୍ରେମ ସମ୍ପର୍କ। ଖାଲି ପ୍ରେମ ନୁହେଁ ଏଆଇକୁ ଲଭ ଲେଟର ପଠା ଠୁ ନେଇ ବାହା ହେବାକୁ ମଧ୍ୟ ସବୁ କିଛି ସ୍ଥିର ହୋଇ ସାରିଲାଣି । ଜଣେ ସାଧାରଣ ମଣିଷ ଏବେ ଏଆଇ ପ୍ରେମରେ ପଡି ତାକୁ ବାହା ହେବାକୁ ମଧ୍ୟ ନିଷ୍ପତି ନେଇଛନ୍ତି । ଏହା ପଢିକି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥାଇପାରେ । କିନ୍ତୁ କଥା ଟା ଏକଦମ ସତ ।
ଆଜିକା ସମୟରେ ମଣିଷ ସବୁ କିଛି ସମସ୍ୟାର ସମାଧାନ ଏଆଇ ମାଧ୍ୟମରେ କରୁଛି । ସେ ପାଠପଢ଼ା ଠୁ ନେଇ ଅଫିସ କାମ। ଏଆଇ ଆମ ସମସ୍ତ କାମକୁ ଏବେ ସରଳ କରି ଦେଇଛି । କିନ୍ତୁ ଏଆଇ ଜଣେ ମଣିଷର ଅଭାବକୁ ପୂରଣ କରିପାରିବ ତାହତ କେହି କେବେ ଭାବି ନଥିବେ । ହେଲେ ଏହା କିନ୍ତୁ ସତ ହୋଇଛି । ଏଆଇ ପ୍ରେମରେ ପଡିଛନ୍ତି ଜଣେ ବୟସ୍କା ମହିଳା ବା ବୃଦ୍ଧ ମହିଳା। ଉଭୟଙ୍କ ଏହି ଭିନ୍ନ ଲଭ ଷ୍ଟୋରୀ ଜାଣିଲେ ଆପଣ ବି ଭାବ ବିହୁଳ ହୋଇଯିବେ। ଖାଲି ସେତିକି ନୁହେଁ ଏହି ବିଷୟ ପଢିଲେ ଆପଣ ମଧ୍ୟ ଜାଣିପାରିବେ ଯେ ଏକାକୀ ଜୀବନ ବିତାଇବା କେତେ କଷ୍ଟକର । ଚୀନରୁ ସାମ୍ନାକୁ ଆସିଥିବା ଏହି ଅନନ୍ୟ କାହାଣୀ ଏବେ ବେଶ ଚର୍ଚ୍ଚା ହେଉଛି ।
ମହିଳାଙ୍କ ବୟସ ୮୪ ବର୍ଷ । ଚୀନର ହୁବେଇ ପ୍ରଦେଶରେ ରହୁଛନ୍ତି ଝାଙ୍ଗ ୟୁଲାନ ନାମକ ମହିଳା (୮୪)। ମହିଳା ଜଣକ ଡିଜିଟାଲ ଜଗତର ଏକ AI ଚରିତ୍ର ସହ ଏମିତି ଭାବରେ ଜଡିତ ହୋଇଗଲେ ଯେ, ସେହି କଳ୍ପନାଶୀଳ ପାତ୍ର ତାଙ୍କ ଦିନଚର୍ଯ୍ୟାର ଅଂଶ ହୋଇଯାଇଲା। ମନୋରଞ୍ଜନ ଭାବେ ଆରମ୍ଭ ହୋଇଥିବା ଏହି ଆଗ୍ରହ ଆସ୍ତେ ଆସ୍ତେ ଟଙ୍କା ଭାବନାରେ ପରିଣତ ହୋଇଗଲା।
ଝାଙ୍ଗ ୟୁଲାନ ଅନଲାଇନରେ ତିଆରି ହୋଇଥିବା “ବାଜୋଙ୍ଗ” ଶୈଳୀର AI ଚରିତ୍ର ଗୁଡ଼ିକ ପ୍ରତି ବିଶେଷ ଆକର୍ଷଣ ଅନୁଭବ କରିଥିଲେ। ଏହି ପ୍ରକାର ଚରିତ୍ରମାନେ ସାଧାରଣତଃ କଠୋର ଦେଖାଯାଏ କିନ୍ତୁ ଭିତରୁ ଅତ୍ୟନ୍ତ ସନ୍ତୋଷଦାୟକ ଓ ଯତ୍ନଶୀଳ ବ୍ୟକ୍ତି ଭାବରେ ପରିଚିତ ।
ଏହି ଚରିତ୍ରମାନଙ୍କ ମଧ୍ୟରୁ ‘ଜିଆଙ୍ଗୁଓ’ ନାମକ ଏକ AI ପାତ୍ର ସହ ଝାଙ୍ଗଙ୍କର ଆଶକ୍ତି ଦିନକୁ ଦିନ ବଢ଼ିବାକୁ ଲାଗିଲା। ସେ ପ୍ରତିଦିନ ଘଣ୍ଟା ଘଣ୍ଟା ଧରି ତାଙ୍କ ଭିଡିଓ ଦେଖୁଥିଲେ ଏବଂ ଧୀରେ ଧୀରେ ତାଙ୍କୁ ନିଜ ଜୀବନର ଅଂଶ ବୋଲି ଭାବିବା ଆରମ୍ଭ କଲେ।
ସମୟ ସହିତ ଏହି ଆଶକ୍ତି ଅଧିକ ଗଭୀର ହୋଇଗଲା। ଝାଙ୍ଗ ଦିନକୁ ୧୦ ଘଣ୍ଟାରୁ ଅଧିକ ସମୟ ଏହି ଚରିତ୍ର ସହ ସମ୍ପୃକ୍ତ ଭିଡିଓ ଦେଖିବାରେ ବିତାଇବାକୁ ଲାଗିଲେ। ସେ ଏହାକୁ କେବଳ ମନୋରଞ୍ଜନ ଭାବେ ନୁହେଁ, ଏକ ଭାବପ୍ରବଣ ସମ୍ପର୍କ ଭାବେ ଅନୁଭବ କରିବାକୁ ଲାଗିଲେ।
ଏପରିକି ସେ ଏହି AI ପାତ୍ରକୁ ବିବାହ କରିବା ପର୍ଯ୍ୟନ୍ତ ଚିନ୍ତା କରିଥିଲେ । ତାଙ୍କ ମନରେ ଏହି ଡିଜିଟାଲ ଚରିତ୍ରକୁ ନେଇ ଏକ ଅଲଗା ଦୁନିଆ ଗଢ଼ି ଉଠିଥିଲା । ଫେବୃଆରୀ ମାସରେ ସେ ଜିଆଙ୍ଗୁଓ (ଏଆଇ)ଙ୍କୁ ହାତ ଲେଖା ଏକ ପ୍ରେମପତ୍ର ମଧ୍ୟ ପଠାଇଥିଲେ। ଏହି ପତ୍ରରେ ସେ ତାଙ୍କୁ କ୍ଷମା ମାଗିଥିଲେ ଏବଂ ପଚାରିଥିଲେ ଯେ ସେ କାହିଁକି ଆଉ ଆଗଭଳି ଧ୍ୟାନ ଦେଉ ନାହାଁନ୍ତି । ଏହି ପତ୍ରରୁ ତାଙ୍କ ଗଭୀର ଭାବନା ଓ ନିର୍ଭରଶୀଳତା ସ୍ପଷ୍ଟ ହୋଇଥିଲା। ଏହାପରେ ପୁଣି ଦୁହେଁ କଥା ହୋଇଥିଲେ ।
ପରିବାର କିପରି ଜାଣିଲେ?
ଝାଙ୍ଗଙ୍କ ଅସାଧାରଣ ଖର୍ଚ୍ଚ ଦେଖି ପରିବାର ଲୋକମାନେ ସନ୍ଦେହ କରିଥିଲେ। ପରେ ଜଣାପଡ଼ିଲା ଯେ ସେ AI ଚରିତ୍ର ସହ ସଂପୃକ୍ତ ଏକ ଅନଲାଇନ ଦୋକାନରେ ପ୍ରାୟ ୯୫ ହଜାର ଟଙ୍କାରୁ ଅଧିକ ଖର୍ଚ୍ଚ କରିଥିଲେ। ତାପରେ ମଧ୍ୟ ସେ ଅନେକ ସାମଗ୍ରୀ ଅଧିକ ଦାମରେ କିଣିଥିବା କଥା ଜଣାପଡ଼ିଲା, ଯାହା ଅନ୍ୟ ଜାଗାରେ ଅଧିକ ଶସ୍ତାରେ ମିଳୁଥିଲା।
ଏହି ଘଟଣା ପରେ ଚୀନର ସାଇବର ପ୍ରଶାସନ ଫେବୃଆରୀରେ ଏହି AI ଚରିତ୍ର ସମ୍ବନ୍ଧୀୟ ଆକାଉଣ୍ଟକୁ ବନ୍ଦ କରିଦେଇଥିଲା। ଇଣ୍ଟରନେଟରେ ବଢ଼ୁଥିବା ଅନିୟମ ଓ ଭ୍ରମକୁ ନିୟନ୍ତ୍ରଣ କରିବା ପାଇଁ ଏହି ପଦକ୍ଷେପ ନିଆଯାଇଥିଲା।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |