ପାକିସ୍ତାନ : ଆରମ୍ଭ ହେଲା ଲକଡାଉନ୍ । ଆଜି ରାତି ୮ଟାରୁ ହେବ ଲାଗୁ । ରାତି ୮ ଟାରେ ବଜାର, ସପିଂ ମଲ୍ ଏବଂ ବାଣିଜ୍ୟିକ କ୍ଷେତ୍ର ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ସରକାର । ଇସଲାମାବାଦରେ ଶାହବାଜ ସରିଫଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସମୀକ୍ଷା ବୈଠକରେ ଏହି ନିଷ୍ପତ୍ତି ନିଆଯାଇଛି। ବୈଠକରେ ଶକ୍ତି ସଂରକ୍ଷଣ ଏବଂ ପେଟ୍ରୋଲିୟମ ଉତ୍ପାଦର ବ୍ୟବହାରକୁ ସର୍ବନିମ୍ନ କରିବା ଉପରେ ଗୁରୁତ୍ୱ ଦିଆଯାଇଥିଲା।
ଏହାସହିତ, ବେକେରି, ରେଷ୍ଟୁରାଣ୍ଟ ଏବଂ ଅନ୍ୟାନ୍ୟ ଖାଦ୍ୟ ଦୋକାନ, ବିବାହ ହଲ୍, ବିବାହ ଏବଂ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜନ କରୁଥିବା ଅନ୍ୟାନ୍ୟ ବାଣିଜ୍ୟିକ ସ୍ଥାନ ଗୁଡ଼ିକ ରାତି ୧୦ଟା ପରେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି । ସେହିପରି ବୈଠକରେ ରାତି ୧୦ଟା ପରେ ଘରୋଇ ସମ୍ପତ୍ତି ଏବଂ ଘରେ ବିବାହ ଉତ୍ସବ ଉପରେ ପ୍ରତିବନ୍ଧକ ଲଗାଇବାକୁ ମଧ୍ୟ ନିଷ୍ପତ୍ତି ନିଆଯାଇଛି । ତଥାପି, ମେଡିକାଲ୍ ଷ୍ଟୋର ଏବଂ ଔଷଧ ଦୋକାନଗୁଡ଼ିକୁ ଏହି କଟକଣାରୁ ବାଦ ଦିଆଯାଇଛି। ଏହା ମଧ୍ୟ ସ୍ପଷ୍ଟ କରାଯାଇଥିଲା ଯେ ଏହି କଟକଣା ଗୁଡ଼ିକ ମଙ୍ଗଳବାରଠାରୁ କାର୍ଯ୍ୟକାରୀ ହେବ। ଏହି ଅନ୍ତର୍ଗତ ଆଜି ରାତି ୮ଟାରୁ ପାକିସ୍ତାନରେ ଏକ ସ୍ମାର୍ଟ ଲକଡାଉନ ଲାଗୁ କରାଯିବ। ଏଭଳି ଘୋଷଣା କରିଛନ୍ତି ପାକିସ୍ତାନ ସରକାର ।
ରାନ ହର୍ମୁଜ ପ୍ରଣାଳୀ ଦେଇ ଜାହାଜ ଚଳାଚଳକୁ ଅବରୋଧ କରିବା ପରଠାରୁ, ଦକ୍ଷିଣ ଏସୀୟ ଏବଂ ୟୁରୋପୀୟ ଦେଶଗୁଡ଼ିକ ପେଟ୍ରୋଲ, ଡିଜେଲ ଏବଂ ଏଲପିଜିର ଅଭାବର ସମ୍ମୁଖୀନ ହୋଇଛନ୍ତି । ଭାରତ, ନେପାଳ ଏବଂ ବାଂଲାଦେଶ ଭଳି ଦେଶ ଗୁଡ଼ିକ ଏହି ସଙ୍କଟକୁ କମ କରିବା ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି। କିନ୍ତୁ ପାକିସ୍ତାନ ସ୍ମାର୍ଟ ଲକଡାଉନ ଲାଗୁ କରି ମଧ୍ୟ ସଙ୍କଟରୁ ରକ୍ଷା ପାଇପାରିନାହିଁ । ଏନେଇ ଇସଲାମାବାଦରେ ଶାହବାଜ ସରିଫଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସମୀକ୍ଷା ବୈଠକରେ ଏହି ନିଷ୍ପତ୍ତି ନିଆଯାଇଛି। ବୈଠକରେ ଶକ୍ତି ସଂରକ୍ଷଣ ଏବଂ ପେଟ୍ରୋଲିୟମ ଉତ୍ପାଦର ବ୍ୟବହାରକୁ ସର୍ବନିମ୍ନ କରିବା ଉପରେ ଗୁରୁତ୍ୱ ଦିଆଯାଇଥିଲା । ଆଉ ଯେଉଁଥିପାଇଁ ଆଜି ରାତିରୁ ପାକିସ୍ତାନରେ ଲକଡାଉନ୍ ଲାଗୁ ହେବାକୁ ଯାଉଛି ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |