ବ୍ଲୁ ଫ୍ଲାଗ୍ ସାର୍ଟିଫିକେସନ୍ ହେଉଛି ଡେନମାର୍କର ପରିବେଶ ଶିକ୍ଷା ଫାଉଣ୍ଡେସନ ଦ୍ୱାରା ପ୍ରଦାନ କରାଯାଇଥିବା ଏକ ବିଶ୍ୱସ୍ତରୀୟ ସ୍ୱୀକୃତିପ୍ରାପ୍ତ ଇକୋ-ଲେବଲ୍। ଏହି ସଂସ୍ଥା ସ୍ଵଚ୍ଛ ପରିବେଶୀୟ ମାନଦଣ୍ଡ ଦୃଷ୍ଟିରୁ ପରିଷ୍କାର ଥିବା ବେଳାଭୂମିକୁ ପ୍ରତିବର୍ଷ ଏହି ମାନ୍ୟତା ପ୍ରଦାନ କରିଥାଏ । ବ୍ଲୁ ଫ୍ଲାଗ୍ ପାଇଁ ଯୋଗ୍ୟତା ହାସଲ କରିବା ପାଇଁ ଏକ ପରିବେଶ ପ୍ରଶିକ୍ଷଣ , ଶିକ୍ଷାଗତ, ନିରାପତ୍ତା, ଏବଂ ଉପଲବ୍ଧତା ମାନଦଣ୍ଡ ଏବଂ ରକ୍ଷଣାବେକ୍ଷଣ ର ଆବଶ୍ୟକତା ରହିଛି ।
ଏହି ବ୍ଲୁ ଫ୍ଲାଗ୍ ପ୍ରୋଗ୍ରାମର ଲକ୍ଷ୍ୟ ହେଉଛି ମଧୁର ଜଳ ଏବଂ ସାମୁଦ୍ରିକ ଅଞ୍ଚଳରେ ନିରନ୍ତର ବିକାଶକୁ ପ୍ରୋତ୍ସାହିତ କରିବା, ଜଳର ଗୁଣବତ୍ତା, ପରିବେଶ ପରିଚାଳନା, ନିରାପତ୍ତା ଏବଂ ସେବାଗୁଡିକର ସୁରକ୍ଷାକୁ ଉତ୍ସାହିତ କରିବ । ବ୍ଲୁ ଫ୍ଲାଗ୍ ସାର୍ଟିଫିକେଟ୍ ପାଇଁ ଯୋଗ୍ୟ ବିବେଚିତ ହେବାପାଇଁ ୪ ଟି ଶ୍ରେଣୀରେ ୩୩ ଗୋଟି ଯୋଗ୍ୟତା ଧାର୍ଯ୍ୟ କରାଯାଇଛି।
ଚଳିତ ବର୍ଷ ପୁରୀ ବେଳାଭୂମି ପରେ ଗଞ୍ଜାମ ଜିଲ୍ଲାର ସୁନାପୁର ବିଚ୍କୁ ମିଳିଛି ବ୍ଲୁ ଫ୍ଲାଗ ବିଚର ମାନ୍ୟତା। ପରିବେଶ ମାନ, ପରିଷ୍କାର ପରିଚ୍ଛନ୍ନତା ଓ ପର୍ଯ୍ୟଟକ ଅନୁକୁଳ ପରିବେଶ ଭଳି ଦିଗକୁ ଦେଖି ଏହି ମାନ୍ୟତା ପ୍ରଦାନ କରାଯାଇଛି । “ସୁନାପୁର ବେଳାଭୂମିକୁ ‘ବ୍ଲୁ ଫ୍ଲାଗ’ ମାନ୍ୟତା ମିଳିବା କେବଳ ଗଞ୍ଜାମ ଜିଲ୍ଲା ନୁହେଁ ବରଂ ସମଗ୍ର ଓଡ଼ିଶା ପାଇଁ ଗର୍ବର ବିଷୟ।
କିପରି ମିଳେ ଏହି ମାନ୍ୟତା?
ବିଶ୍ୱର ଯେଉଁ ସୁମଦ୍ରକୂଳର ସ୍ୱଚ୍ଛ ସହିତ ପର୍ଯ୍ୟଟକମାନଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦେଇଥାଏ ତାକୁ ଏହି ‘ବ୍ଲୁ ଫ୍ଲାଗ’ ମାନ୍ୟତା ମିଳିଥାଏ। ଏହି ମାନ୍ୟତା ପାଇବାକୁ ହେଲେ ସମୁଦ୍ରକୂଳକୁ କେତେକ ସର୍ତ୍ତ ପୂରଣ କରିବା ନିହାତି ଆବଶ୍ୟକ ହୋଇଥାଏ। ସମୁଦ୍ର କୂଳରେ ପର୍ଯ୍ୟଟକଙ୍କ ପାଇଁ ସମସ୍ତ ପ୍ରକାର ସୁବିଧା ସୁଯୋଗ ରହିଥିବା ଦରକାର। ତା’ ସହିତ ପର୍ଯ୍ୟଟକଙ୍କ ସୁରକ୍ଷା ପାଇଁ ସମୁଦ୍ର କୂଳରେ ଲାଇଫ୍ ଗାର୍ଡ ୨୪ ଘଣ୍ଟା ରହିବା ଆବଶ୍ୟକ। ତା’ସହିତ ସେହି ସମୁଦ୍ରକୂଳ ସ୍ୱଚ୍ଛ ମଧ୍ୟ ରହିବା ଦରକାର। ଏହିଭଳି ଅନେକ ସର୍ତ୍ତ ପୂରଣ କଲେ ଗୋଟିଏ ସମୁଦ୍ରକୂଳକୁ ‘ବ୍ଲୁ ଫ୍ଲାଗ’ ମାନ୍ୟତା ଦିଆଯାଇଥାଏ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |
