କୁହାଯାଏ ସମୟ ଗଡ଼ିଲେ ଓ ବୟସ ବଢିଲେ ମୁଁହରେ ଏକ ବୃଦ୍ଧାବସ୍ଥାର ଛାପ ଦେଖାଯାଏ । ହେଲେ ଆମ ଦେଶରେ ଏମିତି ଏକ ସ୍ଥାନ ଅଛି ଯେଉଁଠି ଲୋକେ ୧୫୦ ବର୍ଷ ବଞ୍ଚିଥାନ୍ତି । ଏଠି ବୟସ ୬୦ ଛୁଇଁଲେ ବି ମୁହଁରେ ଦେଖା ଯାଇନଥାଏ ବାର୍ଦ୍ଧକ୍ୟ ଛାପ । ନା ଚର୍ମ ଧୁଡ଼ଧୁଡ଼ ହୋଇଥାଏ ନା ପାଟି ପାକୁଆ ହୋଇଥାଏ । ଲାଗେ ସତେ କି ଏବେ ବି ବୟସ ୨୫ ବର୍ଷରେ ଅଟକିଛି । ସମୟ ବଦଳୁଛି ପାଣି ପାଗ ବି ବଦଳୁଛି ଆଉ ବଦଳୁଛି ପରିବେଶ । ଆଗ ଅପେକ୍ଷା ଏବେ ଦିନକୁ ଦିନ କମୁଛି ମନୁଷ୍ୟଙ୍କ ଜୀବନ ହାର । କାରଣ ବଦଳୁଥିବା ଲାଇଫ୍ ଷ୍ଟାଇଲ୍, ପରିବେଶ ଓ ଚିନ୍ତାଧାରା ଯୋଗୁଁ ଆଜିକାଲି 60 ରୁ 70 ବର୍ଷ ବଞ୍ଚିବା ବି ଢେର୍ ହୋଇଗଲାଣି । କାରଣ ଜନ୍ମ ହେଉ ହେଉ ଅନେକ ରୋଗ ମାଡି ବସୁଛି । କିନ୍ତୁ ଏମିତି ଏକ ଯାଗା ଅଛି ଯେଉଁଠି ବିଶେଷ କରି ମହିଳାମାନେ 150 ବର୍ଷ ବଞ୍ଚୁଛନ୍ତି । ତା’ ପୁଣି ପୁରା ସୁସ୍ଥ ସବଳ । ହାତ , ଗୋଡ ଠିକ୍ ଅଛି । ନିଜ କାମ ନିଜେ କରିପାରୁଛନ୍ତି ।
ଉତ୍ତର ପାକିସ୍ତାନର ନଗର ଭ୍ୟାଲିରେ ବସବାସ କରୁଥିବା ହୁଞ୍ଜା ସମ୍ପ୍ରଦାୟ । ଏଠିକାର ମହିଳାଙ୍କୁ ହେଲାଣି 60 ରୁ 70 ବର୍ଷ ବୟସ । କିନ୍ତୁ ଏବେ ବି ସେମାନେ ପୁରା ଫିଟ ଅଛନ୍ତି । ଖାଲି ସୁନ୍ଦର ତାହା ନୁହେଁ ଏ ବୟସରେ ମହିଳାମାନେ ଏତେ ସୁସ୍ଥ ଯେ ଏଇ ବୟସରେ ବି ସେମାନେ ସନ୍ତାନ ଜନ୍ମ ଦେଇପାରିବେ । ହୁଞ୍ଜା ସମ୍ପ୍ରଦାୟ ବିଶେଷ କରି ଚାଷବାସ କରି ଜୀବନଯାପନ କରନ୍ତି । ଏହି ସମ୍ପ୍ରଦାୟରେ ମହିଳାମାନେ ୧୫୦ରୁ ଅଧିକ ବର୍ଷ ବଞ୍ଚୁଥିବାର ଦେଖିବାକୁ ମିଳେ । ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ୧୯୮୪ ମସିହାରେ ଅବଦୁଲ ମୋବାତ ନାମକ ଜଣେ ବ୍ୟକ୍ତି ଲଣ୍ଡନର ହିଥ୍ରୋ ବିମାନବନ୍ଦର ଆସିଥିଲେ । ସେଠାରେ ତାଙ୍କ ପାସପୋର୍ଟରେ ଜନ୍ମ ବର୍ଷ ଲେଖାଯାଇଥିଲା ୧୮୩୨ ମସିହା । ସେତେବେଳେ ତାଙ୍କୁ ହୋଇଥିଲା ୧୫୨ ବର୍ଷ । ଯାଞ୍ଚ କରୁଥିବା ଅଧିକାରୀ ଜଣଙ୍କ ପ୍ରଥମେ ଆଶ୍ଚର୍ଯ୍ୟ ହୋଇପଡିଥିଲେ । ଭାବିଲେ ବୋଧ ହୁଏ କିଛି ତ୍ରୁଟି ହୋଇଛି । କିନ୍ତୁ ସମ୍ପୂର୍ଣ୍ଣ ତଦନ୍ତ ପରେ, ସେମାନେ ଆଶ୍ଚର୍ଯ୍ୟଜନକ ଭାବରେ ଜାଣିପାରିଲେ ଯେ ସେମାନଙ୍କ ସମ୍ମୁଖରେ ଠିଆ ହୋଇଥିବା ଅବଦୁଲ ମୋବାତ ପ୍ରକୃତରେ 152 ବର୍ଷ ବୟସ୍କ । ମୋବାତ ପାକିସ୍ତାନର ହୁଞ୍ଜା ସମ୍ପ୍ରଦାୟର ବୋଲି ଜଣାପଡିଥିଲା ।
କିପରି ହୁଞ୍ଜା ମହିଳାମାନେ ବୃଦ୍ଧାବସ୍ଥାରେ ଯୌବନ ଦେଖାଯାନ୍ତି ?
ହୁଞ୍ଜା ଲୋକମାନେ, ବିଶେଷକରି ମହିଳାମାନେ ସେମାନଙ୍କର ବୃଦ୍ଧ ବୟସରେ ମଧ୍ୟ ଅଧିକ ଯୌବନ ଦେଖାଯାଆନ୍ତି । ଆଉ ଏହାର ବଡ କାରଣ ହେଉଛି ସେମାନେ ବର୍ଷକୁ ୨ ରୁ ୩ ମାସ ପର୍ଯ୍ୟନ୍ତ କେବଳ ଫଳ ରସ ସେବନ କରନ୍ତି । ହୁଞ୍ଜାମାନେ ପ୍ରାୟତଃ ଦୂର ଦୂର ରାସ୍ତା ଚାଲି ଚାଲି ଯାଇଥାନ୍ତି । ଏହାଦ୍ୱାରା ସେମାଙ୍କ ଶରୀରରେ ଚର୍ବି ଜମେ ନାହିଁ ।ପ୍ରତ୍ୟେକ ଦିନ ଚାଲିବା ତାଙ୍କର ଗୋଟେ ଅଭ୍ୟାସ । ଖାଇବାରେ ବିଶେଷ କରି ଡ୍ରାଏ ଫ୍ରୁଟ୍ସ , କ୍ଷୀର, ଅଣ୍ଡା, କଞ୍ଚା ପନିପରିବା ଥାଏ । ଆଉ ଏଇ ସବୁ ଖାଦ୍ୟ ଖାଇ ଆଜି ବି ସୁସ୍ଥ ଅଛନ୍ତି ହୁଞ୍ଜା ସମ୍ପ୍ରଦାୟର ମହିଳା ମାନେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |