ବର୍ଷା ଋତୁରେ ରୋଗରୁ ରକ୍ଷା ପାଇବା ପାଇଁ ଖାଦ୍ୟରେ ସାମିଲ କରନ୍ତୁ ଏହି ସବୁ ଜିନିଷ

ବର୍ଷା ଋତୁ ଆରମ୍ଭ ସହ ଲୋକଙ୍କ ପାଖରେ ଥଣ୍ଡା ଓ କାଶ ଦେଖିବାକୁ ମିଳେ। ଏଥିପାଇଁ ଏହା ସମ୍ଭବ ଯେ ଆପଣଙ୍କ ରୋଗ ପ୍ରତିରୋଧକ ଶକ୍ତି ଦୁର୍ବଳ ରହିଥାଇପାରେ। 
ଏପରି ପରିସ୍ଥିତିରେ ପୁଷ୍ଟିକର ଖାଦ୍ୟ ଖାଆନ୍ତୁ, ଯାହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ସାହାଯ୍ୟ କରିବ ଓ ଆପଣଙ୍କୁ ସୁସ୍ଥ ରଖିବ।

ଆରମ୍ଭ ହୋଇଯାଇଛି ବର୍ଷାଋତୁ। ଏହି ଋତୁରେ ହଠାତ୍ ତାପମାତ୍ରାରେ ପରିବର୍ତ୍ତନ ଏବଂ ଆର୍ଦ୍ରତା ଆମ ଶରୀରର ରୋଗ ପ୍ରତିରୋଧକ ଶକ୍ତିକୁ ଦୁର୍ବଳ କରିଦେଇଥାଏ। ଏହି କାରଣରୁ ଜ୍ୱର, କାଶ ଏବଂ ଫ୍ଲୁ ହେବାର ଆଶଙ୍କା ବଢ଼ିବା ସହିତ ଜୀବାଣୁ ଏବଂ ଫଙ୍ଗସ ସଂକ୍ରମଣର ଆଶଙ୍କା ମଧ୍ୟ ବୃଦ୍ଧି ପାଇଥାଏ। ତେଣୁ, ଏହି ଋତୁରେ ନିଜ ସ୍ୱାସ୍ଥ୍ୟକୁ ନେଇ ସତର୍କ ରହିବା ଆବଶ୍ୟକ। ବର୍ଷା ଋତୁରେ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ କେଉଁ ସୁପରଫୁଡ ଖାଇବା ଉଚିତ୍ ଆସନ୍ତୁ ଜାଣିବା

୧. ମୌସୁମୀ ଫଳ ଏବଂ ପନିପରିବା ଖାଆନ୍ତୁ

ସତେଜ ଓ ମୌସୁମୀ ପନିପରିବା ଖାଇବା ସର୍ବଦା ଲାଭଦାୟକ ଅଟେ। ଏହି ଅବଧିରେ, ଲାଉ, ଜହ୍ନି, ପୋଟଳ ଆଦି ପନିପରିବା ପ୍ରଚୁର ପରିମାଣରେ ଉପଲବ୍ଧ। ଏହି ପନିପରିବା ଶରୀରକୁ ଡିଟକ୍ସାଇଫ୍ କରିବାରେ ଓ ରୋଗ ପ୍ରତିରୋଧକ ଶକ୍ତିରେ ସାହାଯ୍ୟ କରିଥାଏ। ସେହିଭଳି, ଡାଳିମ୍ବ, ଆପଲ୍ ଓ ନାସପାତି ଇତ୍ୟାଦି ବର୍ଷା ଋତୁରେ ଫଳଗୁଡିକ ଭିଟାମିନ୍ ଏବଂ ଆଣ୍ଟିଅକ୍ସିଡାଣ୍ଟରେ ଭରପୂର ଅଟେ, ଯାହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ ।

୨. ହର୍ବାଲ୍ ଚା

ଅଦା, ତୁଳସୀ ଓ ହଳଦୀ ଭଳି ସାମଗ୍ରୀରୁ ପ୍ରସ୍ତୁତ ହର୍ବାଲ୍ ଚା ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ଏକ ଭଲ ଉପାୟ। ଏହି ଔଧୀୟ ଗଛରେ ପ୍ରାକୃତିକ ଆଣ୍ଟିବ୍ୟାକ୍ଟେରିଆଲ୍, ଆଣ୍ଟିଭାଇରାଲ୍ ଏବଂ ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ରହିଛି। ଏହି ଚା ପିଇବା ଦ୍ୱାରା ଗଳାକୁ ଆରାମ ମିଳିଥାଏ। ଯଦି ଆପଣଙ୍କର ଥଣ୍ଡା କିମ୍ବା ଗଳା ଯନ୍ତ୍ରଣା ହେଉଛି ତେବେ ଏହି ଚା ଆପଣଙ୍କୁ ଆରାମ ଦେଇପାରେ। ଏହି ଚା’ଗୁଡିକ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ, କିନ୍ତୁ କେବଳ ସିମୀତ ମାତ୍ରାରେ ପିଇବା ଉଚିତ୍।

୩. ପ୍ରୋବାୟୋଟିକ୍ସ ଯୁକ୍ତ ଖାଦ୍ୟ ଖାଆନ୍ତୁ

ପ୍ରୋବାୟୋଟିକ୍ସ ହେଉଛି ଭଲ ଜୀବାଣୁ ଯାହା ଶରୀର ଭିତର ସ୍ୱାସ୍ଥ୍ୟରେ ଉନ୍ନତି ଆଣିବାରେ ସାହାଯ୍ୟ କରେ। ଯଦି ଆପଣଙ୍କର ଶରୀର ଭିତରେ କିଛି ସମସ୍ୟା ଅଛି, ତେବେ ଆପଣ ବାରମ୍ବାର ଅସୁସ୍ଥ ହୋଇଯାଆନ୍ତି, ତେଣୁ ଆପଣଙ୍କ ଖାଦ୍ୟରେ ପ୍ରୋବୋଟିକ୍ସ ଯୁକ୍ତ ଅନ୍ତର୍ଭୁକ୍ତ କରନ୍ତୁ। ଆପଣଙ୍କ ହଜମ ପ୍ରକ୍ରିୟାକୁ ସୁସ୍ଥ ରଖିବା ପାଇଁ ଦହି, ବଟରମିଲ୍କ ଏବଂ ଫର୍ମଣ୍ଟେଡ୍ ଖାଦ୍ୟ ପଦାର୍ଥ ଯେପରିକି କିଞ୍ଚା ସାଲାଡ୍ ।ପ୍ରୋବାୟୋଟିକ୍ସ ଅନ୍ତନଳୀ ପାଇଁ ଭଲ, କିନ୍ତୁ ନିଶ୍ଚିତ କରନ୍ତୁ ଯେ ଏହି ଉତ୍ପାଦଗୁଡ଼ିକ ସତେଜ ଏବଂ ଠିକ୍ ଭାବରେ ରହିଥିବା ଆବଶ୍ୟକ।

୪. ବାଦାମ ଓ ମଞ୍ଜି

ବାଦାମ, ଅଖରୋଟ୍, ଚିଆ ମଞ୍ଜି ପରି ବାଦାମରେ ଭିଟାମିନ୍ ମିନେରାଲ୍ସ ଏବଂ ଓମେଗା-୩ ଫ୍ୟାଟି ଏସିଡ୍ ଭରପୂର ଥାଏ। ଏକ ଶକ୍ତିଶାଳୀ ପ୍ରତିରକ୍ଷା ପ୍ରଣାଳୀ ବଜାୟ ରଖିବା ପାଇଁ ଏହି ପୋଷକ ତତ୍ତ୍ୱ ଗୁରୁତ୍ୱପୂର୍ଣ୍ଣ।

୬. ରସୁଣ, ଅଦା ଓ ପିଆଜ

ରସୁଣ, ଅଦା ଏବଂ ପିଆଜରେ ଶକ୍ତିଶାଳୀ ଆଣ୍ଟିମାଇକ୍ରୋବାୟଲ୍ ଗୁଣ ରହିଛି। ଏହା ସଂକ୍ରମଣ ସହିତ ଲଢ଼ିବାରେ ସାହାଯ୍ୟ କରେ ଓ ପ୍ରତିରକ୍ଷା ପ୍ରଣାଳୀକୁ ମଜବୁତ କରେ। ଏହିଗୁଡିକ ଆପଣଙ୍କ ଖାଦ୍ୟରେ ଅନ୍ତର୍ଭୁକ୍ତ କଲେ ଥଣ୍ଡା ଓ ମୌସୁମୀ ସମ୍ବନ୍ଧୀୟ ରୋଗକୁ ରୋକିବାରେ ସାହାଯ୍ୟ କରିଥାଏ।କିଛି ଲୋକଙ୍କୁ ରସୁଣରେ ଆଲର୍ଜି ଥାଏ। ଯଦି ଆପଣ ରସୁଣ କିମ୍ବା ଅଦା ନ ଖାଉଥାନ୍ତି, ତେବେ ଏହାକୁ ଖାଇବା ଜରୁରୀ ନୁହେଁ।

୭.ପାଳଙ୍ଗ

ପାଳଙ୍ଗ ଶାଗରେ ବହୁତ ଔଷଧୀୟ ଗୁଣ ରହିଛି। ଏଥିରେ ପ୍ରଚୁର ପରିମଣରେ ଆଣ୍ଟିଅକ୍ସିଡାଣ୍ଟ ଏବଂ ବିଟା କ୍ୟାରୋଟିନ୍ ଭଳି ଉପଦାନ ଭରି  ରହିଥାଏ, ଯାହା ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ। ଏହାଛଡା ଏଥିରେ ଭିଟାମିନ୍ -ସି ଏବଂ ଭିଟାମିନ୍- ଇ ମଧ୍ୟ ରହିଛି, ଯାହା ଶରୀରର ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ।

୮.ଅମୃତଭଣ୍ତା

ଅମୃତଭଣ୍ତାରେ ଭରପୂର ପରିମାଣରେ ଭିଟାମିନ୍ -ସି, ଭିଟାମିନ୍- ଇ ଏବଂ ଭିଟାମିନ୍ -ଏ ରହିଛି, ଯାହା ଶରୀରର ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ। ସେହିଭଳି ଅମୃତଭଣ୍ତାରେ ପେପେନ୍ ପରି ହଜମକାରୀ ଏନଜାଇମ୍ ସହ ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ରହିଛି ଯାହା ଆମ ଶରୀର ପାଇଁ ଲାଭଦାୟକ ଅଟେ।

ସେହିଭଳି କମଳା, ଲେମ୍ବୁ, ଏବଂ ଅଙ୍ଗୁର ପରି ସାଇଟ୍ରସ୍ ଫଳଗୁଡ଼ିକରେ ଭିଟାମିନ୍-ସି ପରି ଅନେକ ପୋଷକ ତତ୍ତ୍ୱ ରହିଛି, ଯାହା ଶରୀରର ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାର୍ଯ୍ୟ କରିଥାଏ।

ବର୍ଷାରେ ଥଣ୍ଡା ଯୋଗୁଁ ଅନେକ ଲୋକ ପାଣି କମ୍ ପିଅନ୍ତି, କିନ୍ତୁ ଆପଣଙ୍କ ପାଇଁ ପ୍ରତ୍ୟେକ ଋତୁରେ ହାଇଡ୍ରେଟ୍ ରହିବା ଜରୁରୀ ଅଟେ। ଏହି ଋତୁରେ ଆର୍ଦ୍ରତା ଓ ଝାଳ ଯୋଗୁଁ ଡିହାଇଡ୍ରେସନ୍ ହୋଇପାରେ, ଏହାକୁ ଏଡାଇବା ପାଇଁ ପ୍ରଚୁର ପାଣି ପିଅନ୍ତୁ। ପାଣି ପରିସ୍ରା ମାଧ୍ୟମରେ ବିଷାକ୍ତ ପଦାର୍ଥ ବାହାର କରିଥାଏ ଏବଂ ଆପଣଙ୍କୁ ସୁସ୍ଥ ରଖିବାରେ ସାହାଯ୍ୟ କରିଥାଏ।

Author: vandeutkal

ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |