Explore

Search

August 31, 2025 3:05 am

Genres

ସଂପୂର୍ଣ୍ଣତା ଅଭିଯାନ ସମ୍ମାନ ସମାରୋହ : ପୁରସ୍କୃତ ହେଲା କୋରାପୁଟ

ଲୋକସେବା ଭବନରେ ରାଜ୍ୟସ୍ତରୀୟ ଆକାଂକ୍ଷୀ ଜିଲ୍ଲା ଓ ଆକାଂକ୍ଷୀ ବ୍ଲକ୍ କାର୍ଯ୍ୟକ୍ରମ ଅଧୀନରେ ‘ସଂପୂର୍ଣ୍ଣତା ଅଭିଯାନ ସମ୍ମାନ ସମାରୋହ’ ଅନୁଷ୍ଠିତ ହୋଇଯାଇଛି l ଏହି ଅବସରରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଯୋଗ ଦେଇଥିଲେ । ଓଡ଼ିଶାର ଦୁର୍ଗମ ଅଞ୍ଚଳର ସର୍ବାଙ୍ଗୀନ ବିକାଶ ପାଇଁ ଆକାଂକ୍ଷୀ ଜିଲ୍ଲା ଓ ବ୍ଲକ କାର୍ଯ୍ୟକ୍ରମ ଏକ ମାଇଲଖୁଣ୍ଟ ରୂପରେ ସାବ୍ୟସ୍ତ ହୋଇଛି। ଏହି ଯୋଜନାକୁ ଅଧିକ କ୍ରିୟାଶୀଳ କରିବା ସହିତ ୬ଟି ମୁଖ୍ୟ ସୂଚକାଙ୍କରେ ପରିପୂର୍ଣ୍ଣତା ଆଣିବା ପାଇଁ ‘ସମ୍ପୂର୍ଣ୍ଣତା ଅଭିଯାନ’ ଏକ ବିଶେଷ ପଦକ୍ଷେପ ଭାବେ ଆରମ୍ଭ ହୋଇଛି ବୋଲି ମାନ୍ୟବର ମୁଖ୍ୟମନ୍ତ୍ରୀ ଅଭିଭାଷଣ ଦେଇଥିଲେ l ଏହି ଯୋଜନା ବର୍ତ୍ତମାନ ରାଜ୍ୟର ୧୦ଟି ଜିଲ୍ଲା ଓ ୪୦ଟି ବ୍ଲକରେ କାର୍ଯ୍ୟକାରୀ ହେଉଛି, ଯାହା କେନ୍ଦ୍ର-ରାଜ୍ୟ ସମନ୍ୱୟ ଏବଂ ସ୍ଥାନୀୟ ପ୍ରଶାସନ ଓ ନାଗରିକଙ୍କ ସକ୍ରିୟ ଭାଗିଦାରିତାରେ ଆହୁରି ତ୍ୱରାନ୍ୱିତ ହୋଇଛି । ସ୍ୱାସ୍ଥ୍ୟ, ଶିକ୍ଷା, କୃଷି, ଆର୍ଥିକ ସମାବେଶ, ମୌଳିକ ସୁବିଧା ଓ ଦକ୍ଷତା ବିକାଶ ଭଳି ମୂଳଭୂତ କ୍ଷେତ୍ରଗୁଡ଼ିକରେ ଏହି ଅଭିଯାନ ଉଲ୍ଲେଖନୀୟ ପରିବର୍ତ୍ତନ ଆଣିଛି ।ନବରଙ୍ଗପୁର ଓ ମାଲକାନଗିରି ଜିଲ୍ଲା ସମ୍ପୂର୍ଣ୍ଣ ସୂଚକାଙ୍କ ହାସଲ କରି ରାଜ୍ୟକୁ ଗୌରବାନ୍ୱିତ କରିଛନ୍ତି।

ଏହି ଯୋଜନା ତିନିଗୋଟି ନୀତି ତଥା ସମନ୍ୱୟ,ସହଯୋଗ, ଓ ପ୍ରତିଯୋଗିତା ଉପରେ ଆଧାରିତ । ଅଭିଯାନ ଅନ୍ତର୍ଗତ ଆକାଂକ୍ଷା ବ୍ରାଣ୍ଡ ଓ ହାଟ ମାଧ୍ୟମରେ ସ୍ଥାନୀୟ ଉତ୍ପାଦର ବିପଣନକୁ ପ୍ରୋତ୍ସାହନ ଦିଆଯାଉଛି, ଯାହା ତୃଣମୂଳସ୍ତରରେ ଅର୍ଥନୈତିକ ସଶକ୍ତିକରଣକୁ ଗତି ଦେଉଛି। ନୀତି ଆୟୋଗଦ୍ୱାରା ମୟୂରଭଞ୍ଜ ଓ କେନ୍ଦୁଝରର ୧୧ଟି ଅତିରିକ୍ତ ବ୍ଲକ ଏହି ଯୋଜନାରେ ଅନ୍ତର୍ଭୁକ୍ତ ହୋଇଛି, ଯାହା ୨୦୩୬ର ‘ସମୃଦ୍ଧ ଓଡ଼ିଶା’ ଓ ୨୦୪୭ର ‘ବିକଶିତ ଭାରତ’ ଗଠନରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିବ । ଏହି ଅବସରରେ ରାଜ୍ୟର ଦଶଗୋଟି ଜିଲ୍ଲା ଓ ବ୍ଲକକୁ ସମ୍ମାନିତ କରାଯାଇଥିଲା ଯହିଁରେ କୋରାପୁଟ ଜିଲ୍ଲାକୁ “ଆକାଂକ୍ଷୀ ଜିଲ୍ଲା” ଏବଂ କୋରାପୁଟର ଲମତାପୁଟ ଓ ଲକ୍ଷ୍ମୀପୁର ବ୍ଳକକୁ” ଆକାଂକ୍ଷୀ ବ୍ଲକ୍” ବର୍ଗରେ ସମ୍ମାନିତ କରାଯାଇଥିଲା l

vandeutkal
Author: vandeutkal

ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |

Leave a Comment

Live Cricket Score