IPL 2026 ପାଇଁ ଫୁଲ୍ ଦମରେ ପ୍ରସ୍ତୁତି ଚଳାଇଛି ଚେନ୍ନାଇ ସୁପରକିଙ୍ଗସ୍ । ରାଜସ୍ଥାନ ରୟାଲ୍ସ ପାଇଁ ଖେଳୁଥିବା ଓ୍ବିକେଟ କିପର ଓ ବ୍ୟାଟର ସଞ୍ଜୁ ସାମସନଙ୍କୁ CSKରେ ମିଶାଇବାକୁ କଳେବଳେ କୌଶଳେ ଉଦ୍ୟମ କରୁଛି ଚେନ୍ନାଇ। ରାଜସ୍ଥାନ ରୟାଲ୍ସର ପୂର୍ବତନ ଅଧିନାୟକ ସଞ୍ଜୁ ସାମସନ ଆଇପିଏଲରେ ରାଜସ୍ଥାନ ରୟାଲ୍ସ ପାଇଁ ସର୍ବାଧିକ ମ୍ୟାଚ୍ ଖେଳିଛନ୍ତି । ସାମସନ ରାଜସ୍ଥାନ ପାଇଁ ସର୍ବାଧିକ ରନ୍ ସ୍କୋର ମଧ୍ୟ କରିଛନ୍ତି । ଏହି ଫ୍ରାଞ୍ଚାଇଜ୍ ପାଇଁ ମୋଟ ୧୪୯ ମ୍ୟାଚ୍ ଖେଳି ୪ ହଜାର ୨୭ ରନ୍ କରିଛନ୍ତି । ଆଉ ଏହାକୁ ଦେଖି ଏବେ ସଞ୍ଜୁ ସାମ୍ସନ୍ଙ୍କ ଉପରେ ରହିଛି ଚେନ୍ନାଇର ନଜର ।
ଚେନ୍ନାଇ ସୁପର କିଙ୍ଗସ୍ ୨୦୨୬ ନିଲାମୀ ପୂର୍ବରୁ ଏକ ଟ୍ରେଡ୍ ଡିଲ୍ ମାଧ୍ୟମରେ ରାଜସ୍ଥାନ ରୟାଲ୍ସରୁ ସଞ୍ଜୁ ସାମସନଙ୍କୁ ସାଇନ୍ କରିବାକୁ ଆଗ୍ରହ ପ୍ରକାଶ କରିଥିବା ବି ଆଲୋଚନା ହେଉଥିଲା । ଆଇପିଏଲ୍ 2025 ଶେଷ ହେବା ପରଠାରୁ, ସଞ୍ଜୁ ସାମସନ୍ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ସମ୍ପର୍କ ତିକ୍ତ ହୋଇଛି। ଏହି କାରଣରୁ ସଞ୍ଜୁ ଆଉ ଦଳର ଅଂଶ ହେବାକୁ ଚାହାଁନ୍ତି ନାହିଁ। ସେ ଚେନ୍ନାଇ ସୁପର କିଙ୍ଗସ୍ରେ ଯୋଗ ଦେବାକୁ ଇଚ୍ଛୁକ ଅଛନ୍ତି। ଆଉ ଦୀର୍ଘ ସମୟ ଧରି CSK ଏଥିପାଇଁ ଟ୍ରେଡ୍ କରୁଛି । ତେବେ ସାମସନଙ୍କୁ ଦଳରେ ସାମିଲ କରିବାକୁ ହେଲେ ସୁପର କିଙ୍ଗସ ରାଜସ୍ଥାନ ରୟାଲ୍ସକୁ ୧୮ କୋଟି ଟଙ୍କା ଦେବାକୁ ପଡ଼ିବ । ସଞ୍ଜୁ ସାମସନଙ୍କୁ ନେବାକୁ ଚେନ୍ନାଇ ସୁପର କିଙ୍ଗସ ରାଜସ୍ଥାନକୁ ୫ ଜଣ ଷ୍ଟାର୍ ଖେଳାଳିଙ୍କୁ ଛାଡ଼ିପାରେ ।
ସଞ୍ଜୁ ସାମସନଙ୍କୁ ନିଜ ଦଳରେ ସାମିଲ କରିବା ପାଇଁ CSKକୁ ପୂର୍ବତନ ଅଧିନାୟକ ରବୀନ୍ଦ୍ର ଜାଡେଜାଙ୍କ ବଳିଦାନ ଦେବାକୁ ପଡ଼ିପାରେ । ଏବେ,ଏହି ଖବର ଶୁଣି ପ୍ରଶଂସକ ଭିତରେ ଏକ ଚିନ୍ତା ବଢିଯାଇଛି । ଜାଡେଜା ଦୀର୍ଘ ସମୟ ଧରି ଚେନ୍ନାଇ ସୁପର କିଙ୍ଗସ୍ ଦଳର ଅଂଶ ଅଛନ୍ତି । ସେହି କାରଣରୁ ପ୍ରଶଂସକମାନେ ତାଙ୍କୁ CSK ଟ୍ରେଡ କରୁଥିବାର ଜାଣି ଅସନ୍ତୋଷ ପ୍ରକାଶ କରିଛନ୍ତି। ଜାଡେଜା IPLରେ CSK ପାଇଁ ୧୮୬ ମ୍ୟାଚ୍ ଖେଳିଛନ୍ତି ଏବଂ ୨୧୯୮ ରନ୍ କରିବା ସହ ୧୪୩ ୱିକେଟ୍ ମଧ୍ୟ ନେଇଛନ୍ତି । ଜାଡେଜା ୨୦୦୮ ଏବଂ ୨୦୦୯ ରେ ରାଜସ୍ଥାନ ରୟାଲ୍ସ ପାଇଁ ବି ୨୭ଟି ମ୍ୟାଚ୍ ଖେଳି ୪୩୦ ରନ୍ କରିଥିଲେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |