ଗତକାଲି ଶେଷ ହୋଇଛି ପ୍ୟାରିସ ଅଲିମ୍ପିକ୍ସ। ଉଦଯାପାନୀ ସମାରୋହ ନେଇ ଧୁମଧାମ ଆୟୋଜନ କରାଯାଇଥିଲା। ଏହି ଅବସରରେ ବିଭିନ୍ନ ପଦକ ବିଜେତା ନିଜ ନିଜ ଦେଶର ଜାତୀୟ ପତାକା ଧରିଥିବା ଦେଖିବାକୁ ମିଳିଥିଲା ତେବେ ଭାରତ ପକ୍ଷରୁ ମନୁ ଭାକର ଓ ପି.ଆର ଶ୍ରୀଜେଶ ଜାତୀୟ ପତାକା ଧରିଥିବା ଦେଖିବାକୁ ମିଳିଛି ।
ତେବେ ଚଳିତ ବର୍ଷ ପଦକ ତାଲିକାରେ ଭାରତ ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କରିଛି । ଭାରତ ଚଳିତ ବର୍ଷ ଏ ପର୍ଯ୍ୟନ୍ତ ମାତ୍ର 6ଟି ପଦକ ଜିତିଛି । ଏଥିରେ ଗୋଟିଏ ରୌପ୍ୟ ଓ 5ଟି ବ୍ରୋଞ୍ଜ ପଦକ ସାମିଲ ଅଛି । ଦେଶକୁ ଗୋଟିଏ ମଧ୍ୟ ସ୍ବର୍ଣ୍ଣ ପଦକ ମିଳିନାହିଁ । ଅନ୍ୟ ଦେଶ ଉପରେ ନଜର ପକାଇଲେ ପଦକ ଟେବୁଲରେ ଆମେରିକା ଶୀର୍ଷରେ ଅଛି । ଆମେରିକା ଏପର୍ଯ୍ୟନ୍ତ 33ଟି ସ୍ବର୍ଣ୍ଣ ପଦକ ଜିତିଥିବା ବେଳେ 39ଟି ଲେଖାଏଁ ରୌପ୍ୟ ଓ କାଂସ୍ୟ ପଦକ ଜିତିଛି । ଏହି ଦେଶର ମୋଟ ପଦକ ସଂଖ୍ୟା ଏପର୍ଯ୍ୟନ୍ତ ରହିଛି 111 । ଏହାପରେ ଚୀନ୍ 33ଟି ସ୍ବର୍ଣ୍ଣ ପଦକ ସହିତ ଦ୍ବିତୀୟ ସ୍ଥାନରେ ରହିଛି । ଚାଇନା ପାଖରେ 27ଟି ରୌପ୍ୟ ଏବଂ 23ଟି ବ୍ରୋଞ୍ଜ ପଦକ ସହିତ ମୋଟ 83ଟି ପଦକ ରହିଛି । ଏହା ବ୍ୟତୀତ ତୃତୀୟ, ଚତୁର୍ଥ ଓ ପଞ୍ଚମ ସ୍ଥାନରେ ଯଥାକ୍ରମେ ଅଷ୍ଟ୍ରେଲିଆ (18 ସ୍ବର୍ଣ୍ଣ), ଜାପାନ (16 ସ୍ବର୍ଣ୍ଣ) ଏବଂ ଗ୍ରେଟ ବ୍ରିଟେନ (14 ସ୍ବର୍ଣ୍ଣ) ରହିଛନ୍ତି।
ତେବେ ଗତ 40 ବର୍ଷ ପରେ ପ୍ରଥମ ଥର ପାଇଁ ପଦକ ଟେବୁଲରେ ପାକିସ୍ତାନ ପଛରେ ଅଛି ଭାରତ । ପାକିସ୍ତାନର ଅର୍ଶଦ ନଦିମ ଜାଭେଲିନ୍ ଥ୍ରୋରେ ଏକ ଅଲିମ୍ପିକ୍ ରେକର୍ଡ ସୃଷ୍ଟି କରି ସ୍ବର୍ଣ୍ଣ ପଦକ ଜିତିଛନ୍ତି । ଏହି ଇଭେଣ୍ଟରେ ଭାରତର ଗୋଲ୍ଡେନ ବୟ ନୀରଜ ଚୋପ୍ରା ଦ୍ବିତୀୟ ସ୍ଥାନରେ ରହି ରୌପ୍ୟ ପଦକ ଜିତିଥିଲେ । ନଦିମ ସ୍ବର୍ଣ୍ଣ ଜିତିବା ସହିତ ପାକିସ୍ତାନ ପଦକ ଟେବୁଲରେ ଭାରତଠାରୁ ଆଗକୁ ଚାଲିଯାଇଛି ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |
