ଭୁବନେଶ୍ୱର : ପେସାରେ ସେ ଜଣେ ପୋଲିସ ଅଧିକାରୀ । କିନ୍ତୁ ନିଶା ହେଉଛି ଖେଳ । ବିଶ୍ଵ ଜୁଜୁସୁ ଚାମ୍ପିଅନସିପରେ ଓଡିଶା ତଥା ଭାରତ ପାଇଁ ଆଣିଛନ୍ତି ରୌପ୍ୟ l ଆଉ ଏହି ସଫଳତା ପାଇବା ପରେ ସମଗ୍ର ବିଶ୍ୱରେ ଚମକିଛନ୍ତି ଓଡ଼ିଆ ଝିଅ । ରାଜଧାନୀ ଭୁବନେଶ୍ୱର ସ୍ଥିତ ଉତ୍କଳ କରାଟେ ସ୍କୁଲର ଛାତ୍ରୀ ଅନୁପମା ସ୍ୱାଇଁ l ନିକଟରେ ଥାଇଲ୍ୟାଣ୍ଡରେ ଆୟୋଜିତ ହୋଇଥିବା ଏହି ଜୁଜୁସୁ ଚାମ୍ପିଅନସିପରେ ଚମକିଛନ୍ତି ଓଡ଼ିଆ ଝିଅ ଅନୁପମା l ଅନୁପମା ୫୨ କିଗ୍ରା କଣ୍ଟ୍ରାକ୍ଟ ଜୁଜୁସୁରେ ରୋପ୍ୟ ପଦକ ହାସଲ କରିଥିଲେ l
କେନ୍ଦୁଝର ଜିଲ୍ଲାରୁ ଆସି ଭୁବନେଶ୍ବର ଉତ୍କଳ କରାଟେ ସ୍କୁଲରେ ଜୁଜୁସୁ ଖେଳ ପାଇଁ ଅଭ୍ୟାସ କରୁଥିଲେ l ଅନୁପମା ଏହି ଜୁଜୁସୁ ଖେଳ ପ୍ରତିଯୋଗିତାରେ ସମସ୍ତଙ୍କୁ ପଛରେ ପକେଇ ଆଗକୁ ଯାଇଥିଲେ l ଆଉ ଦେଶ ପାଇଁ ଗର୍ବ ଆଣିଛନ୍ତି l ଏହି ଜୁଜୁସୁ ଖେଳ ପାଇଁ ଅନୁପମା ୫୨ କିଗ୍ରା କାଟାଗୋରୀରେ ଖେଳୁଥିଲେ l ଯେଉଁଥିରେ ତାଙ୍କର ଓଜନ ଥିଲା ୫୨ କେଜି l ଯଦି ଓଜନ ବଢି ଯାଇଥାନ୍ତା କିମ୍ବା କମି ଯାଇଥାନ୍ତା ତାହେଲେ ସେ ଏହି ଖେଳରୁ ବାଦ ପଡି ଯାଇଥାଆନ୍ତେ l ଜୁଜୁସୁ ପାଇଁ ଅନୁପମା ଉତ୍କଳ କରାଟେ ସ୍କୁଲରେ ଟ୍ରେନିଂ ନେଉଥିଲେ l ପ୍ରଥମେ ଅନୁପମା ସେଲ୍ଫ ଡିଫେନ୍ସ, ତାପରେ କରାଟେରେ ଟ୍ରେନିଂ ନେଇଛି ।
ଫାଇନାଲରେ ଅନୁପମା ୟୁକ୍ରେନ ପ୍ରତିଯୋଗୀଙ୍କ ଠାରୁ ପରାଜିତ ହୋଇଥିଲେ l ବରିଷ୍ଠ ବିଭାଗରେ ଭାରତ ପାଇଁ ଅନୁପମା ରୋପ୍ୟ ପଦକ ବ୍ୟତୀତ ଦୁଇଟି କାଂସ୍ୟ ପଦକ ହାସଲ କରିଛନ୍ତି l ଗତ ୫ଟି ଏସୀୟ ଜୁଜୁସୁ ପ୍ରତିଯୋଗିତା ଏବଂ ୫ଟି ଜାତୀୟ ପ୍ରତିଯୋଗିତାରେ ପଦକ, ଆବୁଧାବି ବିଶ୍ଵ ଜୁଜୁସୁ ପ୍ରତିଯୋଗିତାରେ କାଂସ୍ୟ ଏବଂ ୨୦୧୭ରେ ଏସୀୟ ଶକ୍ତି ଉତ୍ତୋଳନରେ ସ୍ଵର୍ଣ୍ଣ ପଦକ ଅର୍ଜନ କରିଥିଲେ l ଜୁଜୁସୁ ଗୋଟେ କଷ୍ଟ ଖେଳ l ଏହି ଖେଳରେ ସେଣ୍ଟ୍ରାଲ ଏସିଆ ୟୁରୋପିଆନ ଦେଶ ବହୁତ ଷ୍ଟ୍ରଙ୍ଗ l
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |
