ଚତୁର୍ଥ ଦିନରେ ପହଞ୍ଚିଛି ପ୍ୟାରିସ ଅଲିମ୍ପିକ୍ସ, ସମୟ ସହ ଏହି ଅଲିମ୍ପିକ୍ସରେ ଧୀରେ ଧୀରେ ନିଜର ସ୍ଥିତି ଦୃଢ଼ କରିଚାଲିଛି ଭାରତ । ଲଗାତାର ଦୁଇଟି ମେଡାଲ ହାତେଇ ଦେଶ ପାଇଁ ଗୌରବ ଆଣିଛନ୍ତି ମନୁ ଭାକର। ଏହାସହ ସୁଟର ଯୋଡ଼ି ମନୁ ଭାକର ଓ ସରବଜୋତ ସିଂହ ୧୦ ମିଟର ଏୟାର ପିଷ୍ଟଲ ମିକ୍ସ ଟିମ୍ ଇଭେଣ୍ଟରେ କୋରିଆ ଯୋଡ଼ିକୁ ୧୬-୧୦ ପଏଣ୍ଟରେ ହରାଇ ଦୁହେଁ ମେଡାଲ ହାତେଇବାରେ ସଫଳ ହୋଇଛନ୍ତି । ଅଲିମ୍ପିକ୍ସର ଗୋଟିଏ ଇଭେଣ୍ଟରେ ଦୁଇଟି ପଦକ ଜିତିବାରେ ମନୁ ଭାକର ହେଉଛନ୍ତି ପ୍ରଥମ ଭାରତୀୟ ଆଥଲେଟ। ସୁଟିଂରେ ଅଲିମ୍ପିକ୍ସ ପଦକ ଜିତିବାରେ ମନୁ ଭାକର ହୋଇଛନ୍ତି ପ୍ରଥମ ଭାରତୀୟ ମହିଳା । ଏଥିସହ ୧୨ ବର୍ଷ ଧରି ସୁଟିଂରେ ପଦକ ପ୍ରତୀକ୍ଷାର ଅନ୍ତ ମଧ୍ୟ ଘଟିଛି ।
ତେବେ ଏମାନଙ୍କ ଏହି ସଫଳତାରେ ଦେଶର କୋଣ କୋଣରୁ ପ୍ରସଂଶା ର ସୁଅ ଛୁଟି ଚାଲିଛି ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡ଼ିଆ (ଏକ୍ସ ) ରେ ଲେଖିଛନ୍ତି, ‘‘ଆମର ସୁରଟ୍ମାନେ ଦେଶକୁ ଗର୍ବିତ କରିଛନ୍ତି। ମନୁ ଭାକର ଓ ସରବଜୋତ ସିଂଙ୍କୁ ଅଭିନନ୍ଦନ। ଉଭୟ ମହାନ ଦକ୍ଷତା ଓ ଟିମ୍ୱାର୍କ ପ୍ରଦର୍ଶନ କରିଛନ୍ତି। ଭାରତ ଅତ୍ୟନ୍ତ ଆନନ୍ଦିତ’’।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |
