ଗୁଜରାଟ ସରକାର ନିଜ ରାଜ୍ୟରେ ପରିଚାଳିତ କରିଥିବା ନୂଆ ଶିକ୍ଷା ନୀତି ଅନୁଯାୟୀ ଛୋଟ ଛୁଆଙ୍କ ମାନସିକ ଓ ଶାରୀରିକ ବିକାଶକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନେଇଛନ୍ତି । ବର୍ତ୍ତମାନ ସମୟରେ ଛୋଟ ପିଲାମାନେ ମୋବାଇଲର ବହୁଳ ବ୍ୟବହାର କରୁଛନ୍ତି । ଯାହା ଫଳରେ ସେମାନଙ୍କ ମାନସିକ, ସାମାଜିକ ଓ ଶାରୀରିକ ବିକାଶ ଉପରେ ପ୍ରଭାବ ପଡୁଛି ।
ଏବେ ସ୍କୁଲରେ ଗୋଟିଏ ସପ୍ତାହରେ ଗୋଟିଏ ଦିନ ରହିବ ଯେଉଁଦିନ ପିଲାମାନେ ପାଠ ପଢିବେନି । ପାଠପଢା ବ୍ୟତୀତ ବାକି ସବୁ ଆକ୍ଟିଭିଟି କରିବେ । ଯାହା ଶିଶୁଙ୍କ ଶାରୀରିକ ଓ ମାନସିକ ବିକାଶ ପାଇଁ ଗୁରୁତ୍ବପୂର୍ଣ୍ଣ । । ସ୍କୁଲରେ ଡ୍ରିଲ୍ ଓ ଯୋଗକୁ ଅଧିକ ଗୁରୁତ୍ବ ଦେବାକୁ କୁହାଯାଇଛି । ଫଳରେ ଶିଶୁମାନେ ମେଦ ବହୁଳତାର ଶିକାର ହେବେନି ।
ଶିକ୍ଷା ବିଭାଗ ଏହାକୁ ବ୍ୟାଗଲେସ ଡେ ନାମ ଦେଇଛି । ଯେଉଁଥିରେ ପିଲାମାନେ ଖେଳ ସହ ବିଭିନ୍ନ ପ୍ରକାର ଫିଜିକାଲ ଆକ୍ଟିଭିଟି କରିବେ । ଏଥିପାଇଁ ସବୁ ସ୍କୁଲରେ ଜଣେ ଶିକ୍ଷକଙ୍କୁ ଟ୍ରେନିଂ ବି ଦିଆଯିବ ।
ଏହା ପୂର୍ବରୁ ଉତ୍ତରାଖଣ୍ଡରେ ବି ନୂଆ ଶିକ୍ଷା ନୀତି ଅନୁଯାୟୀ ଏଭଳି ନିଷ୍ପତ୍ତି ନିଆଯାଇଥିଲା । ଏପ୍ରିଲରେ ସରକାର ନିଷ୍ପତ୍ତି ନେଇଥିଲେ କି ପ୍ରତି ପ୍ରତିମାସର ଶେଷ ଶନିବାରରେ ସରକାରୀ ଓ ବେସକାରୀ ସ୍କୁଲରେ ବ୍ୟାଗଲେସ୍ ଡେ ପାଳନ ହେବ । ଏହି ଦିନ ପିଲାମାନେ ସ୍କୁଲକୁ ବ୍ୟାଗ ନ ଆଣି, କେବଳ ଫିଜିକାଲ ଆକ୍ଟିଭିଟି କରିବେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |