ଭୁବନେଶ୍ୱର : କୋରାପୁଟ ଜିଲ୍ଲା ଦଶହରା ପଡିଆ, ଜୟପୁରରେ ଜମୁଛି ସୁଭଦ୍ରା ଶକ୍ତି ମେଳା । ଚଳିତ ମାସ ୮ ତାରିଖରୁ ଆରମ୍ଭ ହୋଇଥିବା ଏହି ମେଳା ଆସନ୍ତା ୧୪ ତାରିଖରେ ଶେଷ ହେବ । ସୁଭଦ୍ରା ମା’ମାନଙ୍କ ଅନ୍ତର୍ନିହିତ ଶକ୍ତିର ଜାଗରଣ ପାଇଁ ‘ସୁଭଦ୍ରା ଶକ୍ତି ମେଳା’ ଆୟୋଜିତ ହୋଇଛି ।
ସୁଭଦ୍ରା ଶକ୍ତି ମେଳା, ଓଡ଼ିଶାରେ ମହିଳା ସଶକ୍ତିକରଣକୁ ଆହୁରି ମଜବୁତ କରିବା ଓ ସ୍ୱୟଂସହାୟକ ଗୋଷ୍ଠୀମାନଙ୍କୁ ବଜାର ସହ ଯୋଡ଼ିବା ପାଇଁ “ସୁଭଦ୍ରା ଶକ୍ତି ମେଳା” ଏକ ନୂତନ ଓ ପ୍ରେରଣାଦାୟକ ପଦକ୍ଷେପ ଭାବେ ଆଗକୁ ଆସିଛି । ଏହି ମେଳା ମାଧ୍ୟମରେ ଗ୍ରାମୀଣ ଓ ସହର ଅଞ୍ଚଳର ମହିଳାମାନଙ୍କ ଦକ୍ଷତା, ସୃଜନଶୀଳତା ଓ ଉଦ୍ୟମଶୀଳତାକୁ ଏକ ବଡ଼ ମଞ୍ଚ ମିଳୁଛି । ରାଜ୍ୟ ସରକାରଙ୍କ ମହତ୍ୱାକାଂକ୍ଷୀ ଯୋଜନା ସୁଭଦ୍ରା ଯୋଜନା ସହ ଏହି ମେଳାକୁ ଯୋଡି ମହିଳାଙ୍କ ଆର୍ଥିକ ଓ ସାମାଜିକ ସ୍ଥିତିକୁ ଆହୁରି ଶକ୍ତିଶାଳୀ କରାଯାଉଛି ।
ରାଜ୍ୟର ବିଭିନ୍ନ ଜିଲ୍ଲାରୁ ଆସିଥିବା ସ୍ୱୟଂସହାୟକ ଗୋଷ୍ଠୀ (SHG) ମହିଳାମାନେ ଏଠାରେ ନିଜ ହାତରେ ତିଆରି କରିଥିବା ବିଭିନ୍ନ ହସ୍ତଶିଳ୍ପ, ହସ୍ତତନ୍ତ୍ର ପଦାର୍ଥ, ଘରୋଇ ଖାଦ୍ୟ ପ୍ରସ୍ତୁତି, ଗୃହ ଉତ୍ପାଦିତ ସାମଗ୍ରୀ ଓ ପାରମ୍ପରିକ କଳାକୃତି ପ୍ରଦର୍ଶନ କରିଥାନ୍ତି । ଏହି ମେଳା ମାଧ୍ୟମରେ ମହିଳାମାନେ ତାଙ୍କର ପଦାର୍ଥ ସିଧାସଳଖ ଭାବେ ଗ୍ରାହକଙ୍କ ପାଖକୁ ପହଞ୍ଚାଇ ପାରୁଥିବାରୁ ତାଙ୍କ ଆର୍ଥିକ ଆୟ ବୃଦ୍ଧି ପାଉଛି ।
ଏହା କେବଳ ବ୍ୟବସାୟିକ ମଞ୍ଚ ନୁହେଁ, ବରଂ ମହିଳାମାନଙ୍କ ଆତ୍ମବିଶ୍ୱାସ, ସ୍ୱାବଲମ୍ବନ ଓ ନେତୃତ୍ୱକୁ ପ୍ରକାଶ କରିବାର ଏକ ଅବସର ଅଟେ । ମେଳାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ, ସଚେତନତା କାର୍ଯ୍ୟଶାଳା ଓ ପ୍ରଶିକ୍ଷଣ କାର୍ଯ୍ୟକ୍ରମ ମଧ୍ୟ ଆୟୋଜନ ହୋଇଥାଏ । ଏହା ମାଧ୍ୟମରେ ମହିଳାମାନେ ନୂତନ ଦକ୍ଷତା ଶିଖିବା ସହ ଆଧୁନିକ ବଜାର ବ୍ୟବସ୍ଥା ସମ୍ପର୍କରେ ଜ୍ଞାନ ଲାଭ କରିଥାନ୍ତି ।
ସୁଭଦ୍ରା ଶକ୍ତି ମେଳା ମହିଳାଙ୍କ ଦକ୍ଷତାକୁ ସମ୍ମାନ ଦେବାସହ ସମାଜରେ ସମାନ ସୁଯୋଗ ଓ ସଶକ୍ତିକରଣର ସନ୍ଦେସ ପ୍ରସାର କରୁଛି । ଏହି ପ୍ରୟାସ ମାଧ୍ୟମରେ ଓଡ଼ିଶାର ମହିଳାମାନେ ନିଜ ପ୍ରତିଭାକୁ ଦେଶ ଓ ବିଦେଶରେ ଉପସ୍ଥାପନ କରିବାର ସୁଯୋଗ ପାଉଛନ୍ତି ।
ସୁଭଦ୍ରା ଶକ୍ତି ମେଳା ହେଉଛି ମହିଳାଙ୍କ ସ୍ୱାବଲମ୍ବନ, ସୃଜନଶୀଳତା ଓ ଆର୍ଥିକ ଉନ୍ନତିର ଏକ ଶକ୍ତିଶାଳୀ ମଞ୍ଚ । ଯାହା ଓଡ଼ିଶାର ଉନ୍ନତି ଯାତ୍ରାରେ ମହିଳାମାନଙ୍କ ଭୂମିକାକୁ ଆହୁରି ମଜବୁତ କରୁଛି । ଏହି ମେଳା ମାଧ୍ୟମରେ ରାଜ୍ୟ ସରକାର ମହିଳାମାନଙ୍କୁ ଆର୍ଥିକ ସ୍ୱାଧୀନତା ଦେବା ସହ ଗ୍ରାମୀଣ ଅର୍ଥନୀତିକୁ ମଧ୍ୟ ଶକ୍ତିଶାଳୀ କରିବାର ଲକ୍ଷ୍ୟ ରଖିଛନ୍ତି। ସୁଭଦ୍ରା ଯୋଜନା ଦ୍ୱାରା ଲକ୍ଷାଧିକ ମହିଳା ଉପକୃତ ହେଉଥିବା ବେଳେ “ସୁଭଦ୍ରା ଶକ୍ତି ମେଳା” ସେମାନଙ୍କ ପାଇଁ ଏକ ନୂଆ ଆଶା ଓ ଅବସରର ଦ୍ୱାର ଖୋଲି ଦେଇଛି ।
ଏହି ମେଳାରେ ହସ୍ତଶିଳ୍ପ ପଦାର୍ଥ, ହସ୍ତତନ୍ତ୍ର ବସ୍ତ୍ର, ପାରମ୍ପରିକ ଖାଦ୍ୟ, ଗୃହସଜା ସାମଗ୍ରୀ ଓ ଗ୍ରାମୀଣ ଉତ୍ପାଦନ ଭଳି ବିଭିନ୍ନ ପ୍ରକାର ଜିନିଷ ବିକ୍ରି ହୋଇଥାଏ । ଆଉ ଏଇ ସବୁକୁ ବିକ୍ରି କରି ମହିଳାମାନେ ୨ ପଇସା ବେଶ ଭଲ ରୋଜଗାର କରି ପାରୁଛନ୍ତି ।
ଏହି ମେଳା କେବଳ ବ୍ୟବସାୟିକ ମଞ୍ଚ ନୁହେଁ, ବରଂ ମହିଳାମାନଙ୍କ ପାଇଁ ଏକ ପ୍ରେରଣାଦାୟକ ପ୍ଲାଟଫର୍ମ । ଏଠାରେ ଉଦ୍ୟମିତା ବିକାଶ, ନୂତନ ଦକ୍ଷତା ଶିକ୍ଷା, ଡିଜିଟାଲ ମାର୍କେଟିଂ ଓ ବ୍ୟବସାୟ ପ୍ରଶିକ୍ଷଣ ସମ୍ପର୍କିତ ବିଭିନ୍ନ କାର୍ଯ୍ୟଶାଳା ଓ ଆଲୋଚନାଚକ୍ର ଆୟୋଜନ କରାଯାଉଛି । ଏଥିରେ ମହିଳାମାନେ ନୂଆ ଧାରଣା ଓ ବ୍ୟବସାୟ ଅବସର ବିଷୟରେ ଜାଣିପାରୁଛନ୍ତି ।
ସେହିପରି ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ସୁଭଦ୍ରା ଶକ୍ତି ମେଳାର ଆକର୍ଷଣ। ଓଡ଼ିଶାର ପାରମ୍ପରିକ ନୃତ୍ୟ, ସଙ୍ଗୀତ ଓ ଲୋକ ସଂସ୍କୃତିକୁ ଏହି ମଞ୍ଚରେ ପ୍ରଦର୍ଶନ କରାଯାଉଛି । ଯାହା ଦର୍ଶକଙ୍କୁ ଆକର୍ଷିତ କରୁଛି । ଏହାସହିତ ମେଳାକୁ ଆସୁଥିବା ଲୋକମାନେ ଗ୍ରାମୀଣ ଓଡ଼ିଶାର ସ୍ୱାଦ ଓ ସଂସ୍କୃତିକୁ ନିକଟରୁ ଅନୁଭବ କରିପାରୁଛନ୍ତି । ଏହି ସୁଭଦ୍ରା ଶକ୍ତି ମେଳା ମହିଳାମାନଙ୍କ ପାଇଁ ନୂଆ ସୁଯୋଗ ଓ ଆତ୍ମବିଶ୍ୱାସ ନେଇ ଆସିଛି।
ସୁଭଦ୍ରା ଶକ୍ତି ମେଳା ଓଡ଼ିଶାର ମହିଳାମାନଙ୍କ ସ୍ୱପ୍ନକୁ ଆକାର ଦେବା ସହ ସେମାନଙ୍କୁ ସ୍ୱୟଂନିର୍ଭର ହେବାର ପଥରେ ଆଗକୁ ବଢ଼ାଇ ନେଉଛି । ଏହା ମହିଳା ସଶକ୍ତିକରଣ ଦିଗରେ ଏକ ଦୃଢ଼ ପଦକ୍ଷେପ ଭାବେ ପରିଗଣିତ ହେଉଛି ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |