ହାଇଦ୍ରାବାଦ : ଭାରତୀୟ ବଜାରରେ ନୂତନ ଟେକ୍ନୋଲୋଜି ‘Oura Ring 4’ ପ୍ରବେଶ କରିଛି । ସ୍ମାର୍ଟ ରିଙ୍ଗ ଶ୍ରେଣୀରେ ବିଶ୍ୱସ୍ତ ନାମ ଭାବେ ପରିଚିତ Oura କମ୍ପାନୀ ଏହି ନୂଆ ଡିଭାଇସକୁ ଭାରତର ଉପଭୋକ୍ତାଙ୍କ ପାଇଁ ଉପଲବ୍ଧ କରାଇଛି ।
ଏହି ସ୍ମାର୍ଟ ରିଙ୍ଗକୁ ଦୈନନ୍ଦିନ ବ୍ୟବହାରକୁ ଧ୍ୟାନରେ ରଖି ଆକର୍ଷଣୀୟ ଓ ସୁବିଧାଜନକ ଡିଜାଇନରେ ପ୍ରସ୍ତୁତ କରାଯାଇଛି । ବିଶେଷତଃ ଏହା ଉପଭୋକ୍ତାଙ୍କର ନିଦ୍ରା ପ୍ରବୃତ୍ତି, ଦୈନନ୍ଦିନ କାର୍ଯ୍ୟକଳାପ, ହୃଦସ୍ୱାସ୍ଥ୍ୟ ଓ ମନୋଚାପ ମାପିବାରେ ସକ୍ଷମ ହେବ ।
ଏହାସହିତ, ଏହି ଡିଭାଇସ ଡାଟା ଆଧାରିତ ସଠିକ ସୂଚନା ଦେଇ ବ୍ୟକ୍ତିଙ୍କୁ ତାଙ୍କ ସ୍ୱାସ୍ଥ୍ୟ ସମ୍ପର୍କରେ ସଚେତନ କରିବାକୁ ସାହାଯ୍ୟ କରେ । ଫଳରେ, ଲୋକମାନେ ସହଜରେ ନିଜ ଜୀବନଶୈଳୀରେ ସୁଧାର ଆଣି ଭଲ ସ୍ୱାସ୍ଥ୍ୟ ଅନୁଭବ କରିପାରିବେ ।
ନୂଆ ସ୍ମାର୍ଟ ରିଙ୍ଗ ଲଞ୍ଚ ସହ ଏକ ଆକର୍ଷଣୀୟ ରିପୋର୍ଟ ମଧ୍ୟ ପ୍ରକାଶ ପାଇଛି, ଯାହାର ନାମ “India: The State of Sleep 2026” । ଏହି ଅଧ୍ୟୟନରେ ଭାରତୀୟମାନଙ୍କ ନିଦ୍ରା ପ୍ରବୃତ୍ତି ସମ୍ପର୍କରେ କିଛି ଚମତ୍କାରକ ତଥ୍ୟ ସାମ୍ନାକୁ ଆସିଛି ।
ରିପୋର୍ଟ ଅନୁଯାୟୀ, ଦେଶର ଲୋକମାନେ ପ୍ରତି ରାତି ହାରାହାରି କେବଳ ୬ ଘଣ୍ଟା ୨୮ ମିନିଟ ଶୋଇଥାନ୍ତି । ଏହା ବିଶ୍ୱର ହାରାହାରି ନିଦ୍ରା ସମୟ ତୁଳନାରେ ପ୍ରାୟ ୪୦ ମିନିଟ କମ ବୋଲି ଜଣାପଡ଼ିଛି । ଅଧିକ ଚିନ୍ତାଜନକ କଥା ହେଉଛି, ଭାରତୀୟମାନଙ୍କ ମଧ୍ୟରେ REM ଏବଂ ଗଭୀର ନିଦ୍ରାର ମାତ୍ରା ବହୁତ କମ । ବିଶ୍ୱ ବୈଜ୍ଞାନିକମାନଙ୍କ ସହିତ ତୁଳନା କଲେ, ପ୍ରତି ସପ୍ତାହରେ ୧ ଘଣ୍ଟାରୁ ଅଧିକ REM ନିଦ୍ରା ହ୍ରାସ ପାଉଛି।
ଏହାସହିତ, ଅଧିକାଂଶ ଭାରତୀୟ “ନାଇଟ ଓୱଲ” ଶୈଳୀର ଜୀବନ ଅନୁସରଣ କରୁଛନ୍ତି । ପ୍ରାୟ ୫୯ % ଲୋକ ଡେରିରେ ଶୋଇବା ଓ ଡେରିରେ ଉଠିବା ଅଭ୍ୟାସରେ ଅଛନ୍ତି । ସାଧାରଣତଃ ଲୋକମାନେ ରାତି ୧୨ :୧୪ରେ ଶୋଇ ଏବଂ ସକାଳ ୭ :୪୩ ରେ ଉଠୁଥିବା ଦେଖାଯାଇଛି । ଏହି ତଥ୍ୟ ଭାରତୀୟମାନଙ୍କ ଜୀବନଶୈଳୀରେ ନିଦ୍ରାର ଗୁରୁତ୍ୱ ଉପରେ ଗଭୀର ଚିନ୍ତାର ଆବଶ୍ୟକତାକୁ ଉଲ୍ଲେଖ କରୁଛି ।
Oura Ring 4କୁ ଦୈନନ୍ଦିନ ପିନ୍ଧାର ସୁବିଧା ଓ ସ୍ୱାସ୍ଥ୍ୟ ନିରୀକ୍ଷଣକୁ ଧ୍ୟାନରେ ରଖି ଆଧୁନିକ ଭାବରେ ଡିଜାଇନ କରାଯାଇଛି । ପ୍ରିମିୟମ ଟାଇଟାନିୟମ ବଡି ସହିତ ଏହି ରିଙ୍ଗରେ ଇନବିଲ୍ଟ ସେନ୍ସର ଗୁଡ଼ିକୁ ସୁକ୍ଷ୍ମ ଭାବରେ ସଜାଯାଇଛି । ଯାହା ଦେଖିବାକୁ ମଧ୍ୟ ଆକର୍ଷଣୀୟ ଏବଂ ପିନ୍ଧିବାରେ ସୁବିଧାଜନକ । ଏହାର ଓଜନ ପ୍ରାୟ ୩.୩ ରୁ ୫.୨ ଗ୍ରାମ ମଧ୍ୟରେ ଥିବାରୁ ଏହା ଅତ୍ୟନ୍ତ ହାଲୁକା ଅନୁଭବ ଦେଇଥାଏ । ରିଙ୍ଗଟି ୪ରୁ ୧୫ ପର୍ଯ୍ୟନ୍ତ ବିଭିନ୍ନ ସାଇଜରେ ମିଳୁଥିବା ସହ ଏହା ସିଲଭର, ବ୍ଲାକ, ବ୍ରଶ ସିଲଭର, ଗୋଲ୍ଡ ଓ ରୋଜ ଗୋଲ୍ଡ ଭଳି ଆକର୍ଷଣୀୟ ରଙ୍ଗରେ ଉପଲବ୍ଧ ।
ଏହି ସ୍ମାର୍ଟ ରିଙ୍ଗରେ ଆଧୁନିକ ମଲ୍ଟି-ୱେଭଲେନ୍ଥ ସେନ୍ସର ଟେକ୍ନୋଲୋଜି ବ୍ୟବହାର ହୋଇଛି, ଯାହା ୧୮ଟି ଭିନ୍ନ ସିଗନାଲ୍ ପଥରୁ ତଥ୍ୟ ସଂଗ୍ରହ କରିପାରେ । ଏଆଇ ଆଧାରିତ ‘Oura Advisor’ ବ୍ୟବହାରକାରୀଙ୍କୁ ବ୍ୟକ୍ତିଗତ ସ୍ୱାସ୍ଥ୍ୟ ପରାମର୍ଶ ଦେଇଥାଏ । ଏହା ୫୦ରୁ ଅଧିକ ହେଲଥ ପାରାମିଟର ଟ୍ରାକ କରିବାର କ୍ଷମତା ରଖେ ।
ନିଦ୍ରାର ଭିନ୍ନ ପର୍ଯ୍ୟାୟ, ହୃଦସ୍ପନ୍ଦନ, HRV, ରକ୍ତର ଅକ୍ସିଜେନସ୍ତର (SpO2), ଶ୍ୱାସକ୍ରିୟା, ମନୋଚାପ, ମେଟାବଲିକ ସ୍ୱାସ୍ଥ୍ୟ ସହ ମହିଳାଙ୍କ ସ୍ୱାସ୍ଥ୍ୟ ମଧ୍ୟ ଏହା ନିରୀକ୍ଷଣ କରେ । ଏହାସହ ଆପରେ ନିଦ୍ରା ବିଶ୍ଳେଷଣ, ଫର୍ଟିଲିଟି ପ୍ରେଡିକ୍ସନ, ଡେ-ଟାଇମ ସ୍ଟ୍ରେସ ଟ୍ରାକିଂ ଓ କାର୍ଡିଓଭାସ୍କୁଲାର ବୟସ ଭଳି ବିଶେଷ ସୁବିଧା ରହିଛି ।
ବ୍ୟାଟେରୀ ପରିପ୍ରେକ୍ଷିତରେ, ଏହା ୫ ରୁ ୮ ଦିନ ପର୍ଯ୍ୟନ୍ତ ଚାଲିଥାଏ । ସେଥିପାଇଁ ୧୦୦ ମିଟର ପର୍ଯ୍ୟନ୍ତ ପାଣିରେ ମଧ୍ୟ ଏହା ସୁରକ୍ଷିତ ରହିପାରିବ ବୋଲି କମ୍ପାନୀ ଦାବି କରିଛି । ଏହି ଡିଭାଇସ Android ଓ iOS ଉଭୟ ସିଷ୍ଟମରେ ସମର୍ଥିତ ଥିବା ସହ ୪୦ରୁ ଅଧିକ ଆପ ସହ ଯୋଡ଼ାଯାଇପାରିବ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |