ଭାରତରେ କୃଷି କ୍ଷେତ୍ରରେ କାର୍ଯ୍ୟରତ କୋଟିକୋଟି ଚାଷୀଙ୍କୁ ସହାୟତା ଯୋଗାଇ ଦେବା ପାଇଁ ଦେଶ ସ୍ୱାଧୀନ ହେବା ପରଠୁ ଅନେକ ଯୋଜନା କାର୍ଯ୍ୟକାରୀ ହେଉଛି l କିଛି ଦିନ ପୂର୍ବେ ଚାଷୀଙ୍କ ପାଇଁ ଏକ ବଡ଼ ଘୋଷଣା କରିଥିଲେ କେନ୍ଦ୍ର ସରକାର । ଏହି ଘୋଷଣା କିଷାନ କ୍ରେଡିଟ୍ କାର୍ଡକୁ ନେଇ ଥିଲା । ଏହି କାର୍ଡ ଥିଲେ କମ୍ ସୁଧରେ ଋଣ ଯୋଗାଇ ଦେଉଛନ୍ତି ସରକାର । ତେବେ କେବଳ କୃଷି ଉପକରଣ କିଣାକିଣି କରିବା ପାଇଁ ଏହି ଯୋଜନା କାର୍ଯ୍ୟକାରୀ କରିଛନ୍ତି ସରକାର ।
କୃଷି ଉପକରଣ ପାଇଁ ୭ ପ୍ରତିଶତ ସୁଧରେ ଋଣ ଯୋଗାଇ ଦେଉଛନ୍ତି ସରକାର । ସଠିକ ସମୟରେ ଋଣ ପରିଶୋଧ କଲେ ସୁଧ ଉପରେ ୩ ପ୍ରତିଶତ ରିହାତି ପ୍ରଦାନ କରାଯାଉଛି । ଏଭଳି ଭାବର ଚାଷୀମାନେ ୪ ପ୍ରତିଶତ ସୁଧରେ ଚାଷବାସ ପାଇଁ ଲୋନ୍ ନେଇ ପାରୁଛନ୍ତି । କିନ୍ତୁ ବର୍ତ୍ତମାନ ଏହି ଯୋଜନାକୁ ନେଇ ଆଉ ଏକ ଅପ୍ଡେଟ୍ ରହିଛି । ଏହା ହେଉଛି କିଷାନ କ୍ରେଡିଟ୍ କାର୍ଡ ହିତାଧିକାରୀଙ୍କୁ ଅତିରିକ୍ତ ୩ ଲକ୍ଷ ଟଙ୍କା ଋଣ ଦେବାକୁ ସ୍ଥିର କରିଛନ୍ତି ସରକାର । କେବଳ ସ୍ୱଳ୍ପ ମିଆଦି ପାଇଁ ଏହି ଋଣ ପ୍ରଦାନ କରାଯିବ ଯାହାକୁ ମଞ୍ଜୁରୀ ଦେଇଛନ୍ତି ସରକାର । ସୂଚନା ଅନୁଯାୟୀ ୧୯୯୮ ମସିହାରେ
କିଷାନ କ୍ରେଡିଟ୍ କାର୍ଡ୍ର ଶୁଭାରମ୍ଭ କରିଥିଲେ କେନ୍ଦ୍ର ସରକାର । ନିଜ ଜମି ପାଇଁ ଉର୍ବରକ, କୀଟନାଶକ ଓ ଅନ୍ୟ କୃଷି ଉପକରଣ କିଣିବାରେ ସହାୟତା ଯୋଗାଇ ଦେବାକୁ ଏହି ଯୋଜନାର ଶୁଭାରମ୍ଭ କରାଯାଇଥିଲା । ସମସ୍ତ ଚାଷୀ କିଷାନ କ୍ରେଡିଟ୍ କାର୍ଡ୍ ପାଇବାକୁ ଯୋଗ୍ୟ । ଚାଷୀମାନେ ଉପଯୁକ୍ତ ଦସ୍ତାବିଜ ପ୍ରଦାନ କରି ଏହି ଯୋଜନାରେ ସାମିଲ ହେବା ସହ ଏହାର ଫାଇଦା ଉଠାଇ ପାରିବେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |