ଅନେକ ବିବାଦ ଓ ଆପତ୍ତି ସତ୍ତ୍ୱେ ଚଳଚ୍ଚିତ୍ର ‘ଦ କେରଳ ଷ୍ଟୋରୀ-୨ ’ ରିଲିଜ ପରେ ବକ୍ସ ଅଫିସରେ ଭଲ ପ୍ରଦର୍ଶନ କରୁଛି । କେରଳ ହାଇକୋର୍ଟ ରିଲିଜ ଉପରେ ଥିବା ସ୍ଥଗିତାଦେଶକୁ ଉଠାଇଦେବା ପରେ, ଫିଲ୍ମଟି ନିର୍ଦ୍ଧାରିତ ତାରିଖ ୨୭ ଫେବୃଆରୀରେ ଥିଏଟରରେ ମୁକ୍ତିଲାଭ କରିଥିଲା । ରିଲିଜ ପୂର୍ବରୁ ବିଭିନ୍ନ ସ୍ଥାନରେ ବିରୋଧ ଦେଖାଦେଇଥିଲେ ମଧ୍ୟ, ଏହା ଦର୍ଶକଙ୍କ ଉତ୍ସାହକୁ ଅଧିକ ପ୍ରଭାବିତ କରିପାରିନାହିଁ ।
ପ୍ରଥମ ଦିନ ଆୟ କିଛି କମ ଥିଲା। କିନ୍ତୁ ସପ୍ତାହାନ୍ତରେ ଫିଲ୍ମ ଦର୍ଶକଙ୍କ ଆକର୍ଷଣ ହାସଲ କରିପାରିଛି । ପ୍ରାୟ ୨୮ରୁ ୩୦ କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମ ଧୀରେ ଧୀରେ ଭଲ ରୋଜଗାର କରୁଛି ।
୩ ଦିନର ବକ୍ସ ଅଫିସ କଲେକ୍ସନ :
ପ୍ରଥମ ଦିନ ଫିଲ୍ମଟି ୭୫ ଲକ୍ଷ ଟଙ୍କା ଆୟ କରିଥିବା ବେଳେ ତୃତୀୟ ଦିନରେ ଏହା ୫ କୋଟି ଟଙ୍କା ସହିତ ମୋଟ କଲେକ୍ସନ ୧୦.୪ କୋଟି ଟଙ୍କାକୁ ପହଞ୍ଚିଛି। ବିଶ୍ୱବ୍ୟାପୀ ଆୟ ୧୨.୩ କୋଟି ଟଙ୍କା ହୋଇଥିବା କୁହାଯାଉଛି । ତଥାପି ୨୦୨୩ ମସିହାରେ ମୁକ୍ତିଲାଭ କରିଥିବା ପ୍ରଥମ ଭାଗ ‘ଦ କେରଳ ଷ୍ଟୋରୀ’ ସହ ତୁଳନା କଲେ, ଦ୍ୱିତୀୟ ଭାଗ ସେତେ ତିବ୍ର ଆରମ୍ଭ କରିପାରିନାହିଁ। ପ୍ରଥମ ଫିଲ୍ମଟି ମାତ୍ର ୩ ଦିନରେ ୩୫.୪୩ କୋଟି ଟଙ୍କା ଆୟ କରିଥିଲା।
୧ ମାର୍ଚ୍ଚ ୨୦୨୬ ରବିବାର ଦିନ ଫିଲ୍ମର ହିନ୍ଦୀ ଦର୍ଶକ ଉପସ୍ଥିତି ୧୩.୧୬ ପ୍ରତିଶତ ରେକର୍ଡ ହୋଇଥିଲା।
ବିବାଦ ଓ ପ୍ରତିକ୍ରିୟା
ଫିଲ୍ମଟିର ଟ୍ରେଲର ଲଞ୍ଚ ହେବା ପରଠାରୁ ଏହାକୁ ନେଇ ତୀବ୍ର ଆଲୋଚନା ଓ ସମାଲୋଚନା ଆରମ୍ଭ ହୋଇଥିଲା। କେତେକ ଲୋକ ଏହାକୁ ଏକ ନିର୍ଦ୍ଦିଷ୍ଟ ସମ୍ପ୍ରଦାୟକୁ ଲକ୍ଷ୍ୟ କରି ତିଆରି କରାଯାଇଛି ବୋଲି ଅଭିଯୋଗ କରିଥିଲେ। ଅନ୍ୟପଟେ କିଛି ଏହାକୁ ‘ପ୍ରଚାର ଚଳଚ୍ଚିତ୍ର’ ବୋଲି କହିଥିଲେ। ଫିଲ୍ମର ରିଲିଜ ବନ୍ଦ କରିବା ପାଇଁ କୋର୍ଟରେ ମାମଲା ମଧ୍ୟ ହୋଇଥିଲା ।
‘ଦ କେରଳ ଷ୍ଟୋରୀ-୨’ ରେ ତିନି ଯୁବତୀଙ୍କ କାହାଣୀ ଦେଖାଯାଇଛି। ସେମାନେ ଭ୍ରମକର ବିବାହ ଓ ବାଧ୍ୟତାମୂଳକ ଧର୍ମାନ୍ତରଣ ଭଳି ଘଟଣାର ସମ୍ମୁଖୀନ ହୋଇଥିବା କଥା ଫିଲ୍ମରେ ପ୍ରଦର୍ଶିତ। ପ୍ରଥମ ଭାଗ ଜାତୀୟ ପୁରସ୍କାର ପାଇଥିବାରୁ, ଦ୍ୱିତୀୟ ଭାଗ ପ୍ରତି ଦର୍ଶକଙ୍କ ଆଶା ଅଧିକ ଥିଲା।
ସାରକଥା, ବାଦବିବାଦ ଥିଲେ ମଧ୍ୟ ‘ଦ କେରଳ ଷ୍ଟୋରୀ-୨ ’ ଧୀରେ ଧୀରେ ଭଲ ଆୟ କରୁଛି । ଆସନ୍ତା କିଛି ଦିନରେ ଫିଲ୍ମର କଲେକ୍ସନ ଆହୁରି ବୃଦ୍ଧି ପାଇପାରେ ବୋଲି ଅନୁମାନ କରାଯାଉଛି ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |