ଓଡ଼ିଶାରେ ପ୍ରଥମ ଥର ପାଇଁ ମିଶନ ଶକ୍ତି ପକ୍ଷରୁ ସୁଭଦ୍ରା ଶକ୍ତି ପାରମ୍ପରିକ ଖାଦ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ତେବେ ଏହି ଖାଦ୍ୟ ଚୟନରେ ସଫଳ ହୋଇଥିବା ଢେଙ୍କାନାଳ, କଟକ ଏବଂ ମୟୁରଭଞ୍ଜ ଦଳଙ୍କୁ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ପୁରସ୍କୃତ କରିଛନ୍ତି। ସୂଚନା ଅନୁସାରେ ବ୍ଲକ ସ୍ତରରେ ୬୫୧୯ ମହିଳା ସ୍ୱୟଂ ସହାୟକ ଗୋଷ୍ଠୀର ୧୯ ହଜାର ସଦସ୍ୟା, ଜିଲ୍ଲା ସ୍ତରରେ ୩୬୨ ମହିଳା ସ୍ୱୟଂ ସହାୟକ ଗୋଷ୍ଠୀର ୧୦୦୦ ସଦସ୍ୟା, ସେମିଫାଇନାଲରେ ୩୦ଟି ଜିଲ୍ଲାର ଦଳ ଏବଂ ଶେଷରେ ୧୦ଟି ଦଳ ମଧ୍ୟରେ ଗ୍ରାଣ୍ଡ ଫାଇନାଲର ସାମ୍ନା କରି ସଫଳତା ପାଇବା ବାସ୍ତବରେ ଏକ ବଡ଼ ଉପଲବ୍ଧି।
ଏହି ପ୍ରତିଯୋଗିତା ଦ୍ଵାରା ଗ୍ରାମାଞ୍ଚଳର ମହିଳାମାନେ ମାଷ୍ଟର ସେଫ ଅବିନାଶ ନାୟକଙ୍କ ଭଳି ପ୍ରତିଷ୍ଠିତ ସେଫଙ୍କ ଦିଗଦର୍ଶନ ପାଇଥିଲେ। ସେମାନଙ୍କ ଦକ୍ଷତା ବିକାଶ ପାଇଁ ୩୦ ଗୋଟି ଜିଲ୍ଲାରୁ ମୋଟ ୯୦ ଜଣ ସ୍ଵୟଂ ସହାୟକ ଗୋଷ୍ଠୀର ସଦସ୍ୟଙ୍କୁ ଇନଷ୍ଟିଚ୍ୟୁଟ୍ ଅଫ୍ ହୋଟେଲ ମ୍ୟାନେଜମେଣ୍ଟ, ଭୁବନେଶ୍ୱର ଠାରେ ୭ ଦିନ ତାଲିମ ପ୍ରଦାନ କରାଯାଇଥିଲା। ତେବେ ଏହି କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଯୋଗଦେଇ “‘ଏକ ଜିଲ୍ଲା ଏକ ଉତ୍ପାଦ’ କ୍ଲଷ୍ଟର ଚିହ୍ନଟ ସହ ଏହି ପ୍ରତିଯୋଗିତା ଆହୁରି ଅଧିକ ସଂଖ୍ୟାରେ ଲକ୍ଷପତି ଦିଦି ତିଆରି କରିବାରେ ସହାୟକ ହେବ ନିଶ୍ଚୟ। ମୁଁ ଦୃଢ଼ ଆଶାବାଦୀ ଏହି ତାଲିମପ୍ରାପ୍ତ ମହିଳାମାନେ ଆଗାମୀ ଦିନରେ ହୋଟେଲ ମ୍ୟାନେଜମେଣ୍ଟ କ୍ଷେତ୍ରରେ ସୁନାମ ଅର୍ଜନ କରିବା ସହ ଅନେକ ମହିଳା ମାନଙ୍କୁ ପ୍ରେରଣା ଯୋଗାଇବେ” ବୋଲି ବକ୍ତବ୍ୟ ପ୍ରଦାନ କରିଥିଲେ ଉପମୁଖ୍ୟମନ୍ତ୍ରୀ ମହୋଦୟା ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |