ସମ୍ବଲପୁର: ଦିନ ଥିଲା ଜଙ୍ଗଲରୁ ଜଙ୍ଗଲଜାତ ଦ୍ରବ୍ୟ ସଂଗ୍ରହ କରି ବଜାରରେ ବିକୁଥିଲେ । ସେଥିରୁ ଯାହା ରୋଜଗାର କରୁଥିଲେ ସେଥିରେ ଯେଣତେଣ ଚଳିଯାଉଥିଲା ସେମାନଙ୍କର ଘର । ତେବେ ଏଥିରୁ ଏତେ ଟା ଭଲ ରୋଜଗାର ହେଉନଥିବାରୁ କିଛି ନୂଆ କରିବାର ଚିନ୍ତା କଲେ ଆଦିବାସୀ ମହିଳା । ସବୁଜ ସନାତନପାଲି ଫାର୍ମର୍ସ ପ୍ରଡ୍ୟୁସର ଅର୍ଗାନାଇଜେସନ୍ (ଏଫପିଓ) ସହାୟତାରେ ଆରମ୍ଭ କଲେ ମହୁଚାଷ । ଏବେ ଗାଁର ୩୦ରୁ ଅଧିକ ଆଦିବାସୀ ମହିଳା ସ୍ବାବଲମ୍ବୀ ହୋଇପାରିଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ସମ୍ବଲପୁର ଯୁଯୁମୁରା ବ୍ଲକ କଂସର ପଞ୍ଚାୟତ ମୂଷାକାନି ଗାଁରେ ।
ସହର ଠାରୁ ବହୁ ଦୂରରେ ଏହି ମୂଷାକାନି ଗାଁ । ପ୍ରାକୃତିକ ଶୋଭାରାଜିରେ ଭରପୂର ମୂଷାକାନି ଗାଁ । ଏହି ଗାଁରେ ପାଖାପାଖି ୩୦ ଜଣ ଆଦିବାସୀ ପରିବାର ବସବାସ କରନ୍ତି । ଗାଁଟି ବଣଜଙ୍ଗଲ ଘେରା ଅଞ୍ଚଳରେ ଥିବାରୁ ଗାଁ ଲୋକେ ମୁଖ୍ୟତଃ ଜଙ୍ଗଲଜାତ ଦ୍ରବ୍ୟ ଉପରେ ନିର୍ଭରଶୀଳ । ତେଣୁ ଜଙ୍ଗଲଜାତ ଦ୍ରବ୍ୟ ବିକ୍ରି କରି ପରିବାର ପ୍ରତିପୋଷଣ କରନ୍ତି ଏମାନେ । ନିକଟରେ ଅଧିକ ରୋଜଗାର ଆଶାରେ ମୂଷାକାନି ଗାଁର ସ୍ୱୟଂ ସହାୟକ ଗୋଷ୍ଠୀର ମହିଳା ‘ସବୁଜ ସନାତନପାଲି’ ଏଫପିଓର ସହାୟତାରେ ସିଏସଆଇଆର ଫ୍ଲୋରିକଲଚର ମିଶନ ପ୍ରୋଜେକ୍ଟ ଅଧୀନ ମହୁଚାଷ କରିବା ଆରମ୍ଭ କରିଛନ୍ତି । ଆଉ ଏବେ ମହୁଚାଷରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ।
ସୂଚନାଅନୁସାରେ, ମୂଷାକାନି ଗାଁର ଏହି ମହିଳାମାନଙ୍କ ମତରେ ପୂର୍ବରୁ ଏମାନେ ଧାନ ଚାଷ କରି ପରିବାର ଚଳାଉଥିଲେ । କିନ୍ତୁ ସେଥିରେ ଭଲ ରୋଜଗାର ହେଉନଥିଲା। ଏବେ ମହୁ ଚାଷ କରି ନିଜେ ସ୍ୱାବଲମ୍ବୀ ହେବାସହ ପରିବାର ମଧ୍ୟ ବେଶ ଭଲରେ ଚଳାଇ ପାରୁଛନ୍ତି । ଆଉ ଏହି କାମ ପାଇଁ ସେମାନଙ୍କୁ ତାଙ୍କ ପରିବାର ମଧ୍ୟ ସାହାଯ୍ୟ କରୁଛନ୍ତି । ସ୍ଥାନୀୟ ସ୍ୱୟଂସହାୟକ ଗୋଷ୍ଠୀର ମହିଳାମାନେ ‘ସବୁଜ ସନାତନପାଲି’ ଏଫପିଓର ସହାୟତାରେ ସିଏସଆଇଆର ଫ୍ଲୋରିକଲଚର ମିଶନ ପ୍ରୋଜେକ୍ଟ ଅଧିନରେ ମହୁଚାଷ ଆରମ୍ଭ କରିଥିଲେ । ଏଥିପାଇଁ ମହିଳାଙ୍କୁ ୪ ଦିନିଆ ପ୍ରଶିକ୍ଷଣ ଦିଆଯାଇଥିଲା । ପ୍ରଥମେ ମହିଳାଙ୍କୁ ମହୁମାଛି ପାଳନ ପାଇଁ ୧୫୦ ଟି ବାକ୍ସ ବଣ୍ଟନ କରାଯାଇଥିଲା । ଏବେ ମହିଳାମାନେ ମହୁଚାଷ କରି ସ୍ବାବଲମ୍ବୀ ହେବାସହ ପ୍ରଥମ ବର୍ଷରେ ୨ ଶହ କେଜି ମହୁ ବିକ୍ରି କରି ସାରିଛନ୍ତି । ମହୁ କିଲୋଗ୍ରାମ ପ୍ରତି ୮ ଶହ ଟଙ୍କା ହୋଇଥିବା ବେଳେ, ପ୍ରଥମ ବର୍ଷରେ ରୋଜଗାର ହୋଇଛି ୧ ଲକ୍ଷ ୬୦ ହଜାର ଟଙ୍କା । ମୂଷାକାନି ଗାଁଟି ବଣ ଜଙ୍ଗଲ ଘେରା ପ୍ରାକୃତିକ ପରିବେଶ ଭରପୂର । ଏଠାରେ ତିଆରି ହେଉଥିବା ମହୁ ସମ୍ପୂର୍ଣ୍ଣ ଜଙ୍ଗଲୀ ଫୁଲରେ ତିଆରି ହୋଇଥିବା ପ୍ରାକୃତିକ ମହୁ l ତେଣୁ ଏହାର ଚାହିଦା କାହିଁରେ କଣ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |