Explore

Search

November 29, 2025 3:23 pm

ଯୁବପୀଢ଼ିଙ୍କ ପ୍ରୟାସ : ବ୍ରହ୍ମପୁରବାସୀଙ୍କ ମନ ଜିତୁଛି ‘FOODK’ ର ଖାଦ୍ୟ

ବ୍ରହ୍ମପୁର : ଓଡ଼ିଶାର ଫୁଡ୍ କ୍ୟାପିଟାଲ କହିଲେ ବ୍ରହ୍ମପୁର ସହରକୁ ବୁଝାଏ । ଏଠାକାର ସକାଳର ସୁସ୍ୱାଦୁ ଜଳଖିଆ ଠାରୁ ଆରମ୍ଭ କରି ଭଳିକି ଭଳି ଷ୍ଟ୍ରିଟ ଫୁଡ୍ ହେଉ ବା ଅନ୍ୟାନ୍ୟ ଖାଦ୍ୟ ସବୁଥିରେ ଥାଏ ସ୍ୱତନ୍ତ୍ର ଚାହିଦା । ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ବ୍ରହ୍ମପୁର ଗସ୍ତ ସମୟରେ ଏହି ସହରର ଖାଦ୍ୟକୁ ବେଶ ପ୍ରଶଂସା କରିଥିଲେ । ତେବେ ବ୍ରହ୍ମପୁର ଖାଦ୍ୟର ଚାହିଦା ଅଧିକ ମାତ୍ରାରେ ଥିବାରୁ ଏହାକୁ ଲୋକଙ୍କ ନିକଟରେ ପହଞ୍ଚାଇବା ପାଇଁ ୮ ଜଣ ଉଚ୍ଚଶିକ୍ଷିତ ଯୁବକଯୁବତୀ ଆରମ୍ଭ କରିଛନ୍ତି ଏକ ନୂଆ ଫୁଡ୍ ଡେଲିଭରି ଆପ୍ । ଯାହାର ନାଁ ରହିଛି ‘FoodK’ । ପାଠପଢା ସରିବା ପରେ ପ୍ରାୟ ସମସ୍ତେ ଚାକିରି ପଛରେ ଧାଇଁଥାନ୍ତି ।

କିନ୍ତୁ ଏହି ୮ ଜଣ ଯୁବକଯୁବତୀ କିଛି ନୂଆ କରିବାକୁ ଚିନ୍ତା କରିଥିଲେ। ଲକ୍ଷ ଥିଲା ନିଜେ ଏପରି ଏକ ବ୍ୟବସାୟ ପ୍ରସ୍ତୁତ କରିବେ ଯେଉଁଥିରେ ସେମାନେ କାର୍ଯ୍ୟ କରିବା ସହିତ ରେଶମ ସହରର ଅନ୍ୟ ଯୁବ ବର୍ଗଙ୍କୁ ସେଥିରେ ସାମିଲ କରାଇବେ । ଏହାପରେ ବ୍ରହ୍ମପୁର ଖାଦ୍ୟକୁ ନେଇ ଅନେକ ଚିନ୍ତା କରିଥିଲେ । ଯେଉଁଥିରେ ପ୍ରଥମେ ଚିନ୍ତା କରିଥିଲେ ଏକ ଆପ ଖୋଲିବା ପାଇଁ । କାରଣ ଏହି ସହରର ଖାଦ୍ୟକୁ ନେଇ ବେଶ ଆଦର ରହିଛି । ଏପରିକି ଅଧିକାଂଶ ଲୋକେ ବ୍ରହ୍ମପୁର ଖାଦ୍ୟ ଖାଇବାକୁ ପସନ୍ଦ ବି କରନ୍ତି । ଏହାକୁ ଦୃଷ୍ଟିରେ ରଖି ଏକ ଆପ୍ ପ୍ରସ୍ତୁତ କଲେ । ଯାହାର ନାଁ ରଖିଲେ ‘FOODK’ ।

ପରେ ଏକ ନୂତନ ଫୁଡ୍ ଡେଲିଭେରୀ ଷ୍ଟାର୍ଟଅଫ୍ ଆପ୍ଲିକେସନ୍ ପ୍ରସ୍ତୁତ କରିବା ସହିତ ସହରର ଶତାଧିକ ହୋଟେଲ ଏବଂ ରେସ୍ତୋରାଁକୁ ଏଥିରେ ସାମିଲ କରିଥିଲେ । ଆଉ ଏବେ ଦୈନିକ ୫୦ ରୁ ୬୦ ଗୋଟି ଅର୍ଡର ମିଳୁଛି । ଯାହାକୁ ନେଇ ଏହି ନୂଆ ଯୁବପୀଢ଼ି ଆରମ୍ଭ କରିଥିବା ‘FOODK’ ଆଜି ପୁରା ବ୍ରହ୍ମପୁର ସହରରେ ଚର୍ଚ୍ଚା ପାଲଟିଛି । ବର୍ତ୍ତମାନ ଶୀଘ୍ର ଡେଲିଭରି ଉପରେ ଅଧିକ ଗୁରୁତ୍ୱ ଦିଆଯାଉଥିବା ବେଳେ ଆଗାମୀ ଦିନରେ ଏହାକୁ ଯେପରି ଆହୁରି ଭଲ ସୁବିଧା ଯୋଗାଇ ଦିଆଯିବ ସେ ନେଇ ସହରବାସୀଙ୍କ ଠାରୁ ଏବଂ ଗ୍ରାହକଙ୍କ ଠାରୁ ରିଭ୍ୟୁ ନିଆଯାଇଛି । ସକାଳ ୭ଟା ଠାରୁ କାର୍ଯ୍ୟ ଆରମ୍ଭ ହେଉଥିବା ବେଳେ ରାତ୍ର ୧୨ଟା ପର୍ଯ୍ୟନ୍ତ କାମ ଚାଲୁଥିବା କହିଛନ୍ତି ଏହି ‘FOODK’ କର୍ମଚାରୀ । ‘ପ୍ରଧାନମନ୍ତ୍ରୀଙ୍କ ଲୋକାଲ ଫର୍ ଭୋକାଲ କରିବା ଆହ୍ୱାନରେ ଅନୁପ୍ରାଣିତ ହୋଇ ନିଜର ନିଜର ଲକ୍ଷ୍ୟ ପୂରଣ କରିବା ପାଇଁ ଏଭଳି ପ୍ରଚେଷ୍ଟା ଜାରି ରଖିଥିବା ଏହି ସମସ୍ତ ଉଚ୍ଚଶିକ୍ଷିତ କର୍ମଚାରୀ ଏଭଳି ଷ୍ଟାର୍ଟ ଅଫ୍ କରିଛନ୍ତି । ଆଉ ଏହି ଯୁବପୀଢ଼ିଙ୍କର ଏଭଳି କାମକୁ ସାଧାରଣରେ ବେଶ ପ୍ରଶଂସା କରାଯାଇଛି ।

vandeutkal
Author: vandeutkal

ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |

Live Cricket Score