ହାଇଦ୍ରାବାଦ : ଦେଶର ଲୋକପ୍ରିୟ ଭିଡିଓ କଲ୍ ଓ ମିଟିଂ ପ୍ଲାଟଫର୍ମ ଗୁଗଲ୍ ମିଟ୍ (Google Meet) ସାରା ଦେଶରେ ଆଜି ଡାଉନ୍ ହୋଇଛି । ଏନେଇ ଅନେକ ୟୁଜର ରିପୋର୍ଟ କରିଛନ୍ତି । ଅନଲାଇନରେ ମିଟିଂରେ ଅଂଶଗ୍ରହଣ କରିବା ସମୟରେ ଅସୁବିଧା ହେଉଥିବା ୟୁଜର ସୋସିଆଲ ମିଡିଆରେ ଉଲ୍ଲେଖ କରିଛନ୍ତି । ଡାଉନ ଟାଇମ୍କୁ ମନିଟର୍ କରୁଥିବା ଏକ ଜଣାଶୁଣା ପ୍ଲାଟଫର୍ମ ଡାଉନଡିଟେକ୍ଟର ଅନୁସାରେ, ପ୍ରାୟ ୧ ହଜାର ୟୁଜର ଅସୁବିଧାର ସମ୍ମୁଖୀନ ହୋଇଥିବା ରିପୋର୍ଟ କରିଛନ୍ତି । ରିପୋର୍ଟ ଅନୁଯାୟୀ, ଭାରତରେ ଗୁଗଲ୍ ମିଟ୍ ସମସ୍ୟା ପୂର୍ବାହ୍ନ ୧୦ ଟା ୫୨ମି.ରେ ଆରମ୍ଭ ହୋଇଥିଲା । ପ୍ରାୟ ଅଧ ଘଣ୍ଟା ପରେ, ସକାଳ ୧୧ .୨୨ରେ, ୪ଶହରୁ ଅଧିକ ଲୋକ ଗୁଗଲ୍ ମିଟ୍ ସହିତ ସମସ୍ୟା ବିଷୟରେ ରିପୋର୍ଟ କରିଥିଲେ । ସେହିପରି ସକାଳ ୧୧ ଟା୩୦ ସୁଦ୍ଧା, ୯ ଶହରୁ ଅଧିକ ଲୋକ ଗୁଗଲ୍ ମିଟ୍ ବ୍ୟବହାର କରିପାରି ନଥିବା ରିପୋର୍ଟ କରିଥିଲେ । ଭାରତରେ Google Meet ଅଚଳ ହେବା ପରେ, ଏହା ଅନଲାଇନ ମିଟିଂ ଗୁଡ଼ିକୁ ବାଧାପ୍ରାପ୍ତ କରିଥିଲା ଏବଂ ସୋସିଆଲ ମିଡିଆରେ ବ୍ୟାପକ ଅଭିଯୋଗ ଆସିଥିଲା । Google ଏପର୍ଯ୍ୟନ୍ତ ଏହି ବିଷୟରେ କୌଣସି ଅପଡେଟ୍ କିମ୍ବା ସ୍ପଷ୍ଟୀକରଣ ଜାରି କରିନାହିଁ ।
ସାଧାରଣତଃ ଅନେକ କାର୍ଯ୍ୟାଳୟରେ ମିଟିଂ ଆଦି ଲାଗି ଗୁଗଲ୍ ମିଟିଂ ଉପରେ ନିର୍ଭର କରନ୍ତି । ଏହି ପ୍ଲାଟଫର୍ମଟି ଡାଉନ୍ ହେବା ପରେ ଅନେକ ୟୁଜର୍ସ ଅସନ୍ତୋଷ ବ୍ୟକ୍ତ କରିଛନ୍ତି । ଏପରିକି ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ସାଇଟ୍ରେ ମଧ୍ୟ ରିପୋର୍ଟ କରିଛନ୍ତି । ଜଣେ ୟୁଜର ଏକ୍ସରେ ଲେଖିଛନ୍ତି, ଗୁଗଲ୍ ମିଟ୍ ଡାଉନ୍ ହୋଇଯାଇଛି । କାହିଁକି ବଡ଼ ଟେକ୍ ପ୍ଲାଟଫର୍ମ ଚଳିତ ବର୍ଷ ଡାଉନ୍ ହେଉଛି । ଅନଲାଇନରେ ଏପରି ଭାବରେ ମିଶ୍ରିତ ପ୍ରତିକ୍ରିୟା ଦେଖିବାକୁ ମିଳିଛି ।
ନିକଟରେ ଇଣ୍ଟରନେଟ୍ ଦୁନିଆର ସିକ୍ୟୁରିଟି ଓ ସ୍ପିଡ୍ର ବଡିଗାର୍ଡ ପରି କାମ କରୁଥିବା କ୍ଲାଉଡଫ୍ଲେୟାର (ସାଲାଡ flare) ଗୋଟିଏ ସପ୍ତାହ ପୂର୍ବରୁ ଡାଉନ୍ ହୋଇଥିଲା । ଯେଉଁଥି ଲାଗି ଏକ୍ସ, କାନଭା ଓ ଚାଟଜିପିଟି ୟୁଜର ଅସୁବିଧାର ଭୋଗିଥିଲେ । ପରବର୍ତ୍ତୀ ସମୟରେ ଏହା ସ୍ବାଭାବିକ ଭାବେ ଚାଲିଥିଲା । କିନ୍ତୁ କ୍ଲାଉଫେୟାର ସିଷ୍ଟମ ମଧ୍ୟରେ ସାମାନ୍ୟ ତ୍ରୁଟି ଯୋଗୁଁ ଏଭଳି ସମସ୍ୟା ଉପୁଜିଥିବା କ୍ଲାଉଡଫେୟାର ସହପ୍ରତିଷ୍ଠାତା ମାଥ୍ୟୁ ପ୍ରିନ୍ସ ସୂଚନା ଦେଇଥିଲେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |