ଆମେରିକା: ଏଣିକି ଇଂରାଜୀ ନଜାଣିଲେ କିମ୍ବା ଇଂରାଜୀରେ କଥା କହି ନପାରିଲେ ମିଳିବନି ଚାକିରୀ । ଯଦି ଆପଣଙ୍କର ଇଂରାଜୀ ଶବ୍ଦରେ କିମ୍ବା ଭାଷାରେ ଦକ୍ଷତା ନାହିଁ ତାହାଲେ ଚାକିରି ମନା। ଏଭଳି ଭାବେ କିଛି ନିୟମ ଲାଗୁ ହୋଇଛି ଆମେରିକାରେ । ଆଉ ଏହି ଅନୁସାରେ ଆମେରିକାରେ ଇଂରାଜୀ ଭାଷା ଦକ୍ଷତା ପରୀକ୍ଷାରେ ଫେଲ୍ ହେବା ପରେ ୭ ହଜାରରୁ ଅଧିକ ଟ୍ରକ୍ ଡ୍ରାଇଭରଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି । ବାତିଲ ହୋଇଛି ସେମାନଙ୍କ ଲାଇସେନ୍ସ ।
ତେବେ ଏହି କଟକଣା ଯୋଗୁଁ ଭାରତୀୟ ବଂଶୋଦ୍ଭବ ଡ୍ରାଇଭରମାନେ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି । କିଛି ଦୁର୍ଘଟଣାକୁ ଦୃଷ୍ଟିରେ ରଖି ଟ୍ରମ୍ପ୍ ପ୍ରଶାସନ ୨୦୧୬ର ନିୟମକୁ ପରିବର୍ତ୍ତନ କରିଥିବା କୁହାଯାଉଛି । ତେବେ ଏପରି କାହିଁକି ନିୟମ ଲାଗୁ ହେଲା ଏବେ ଜାଣନ୍ତୁ । ଆମେରିକାରେ ବହୁତ ଭାରତୀୟ ବଂଶୋଦ୍ଭବ ଟ୍ରକ ଡ୍ରାଇଭର ଅଛନ୍ତି । ସେମାନେ ସହଜରେ ଟ୍ରାଫିକ୍ ସଙ୍କେତ ପଢ଼ିବା ଏବଂ ସାଧାରଣ ଲୋକଙ୍କ ସହ ଯୋଗାଯୋଗ ପାଇଁ ଇଂରାଜୀ କହିପାରନ୍ତି ନାହିଁ କି ବୁଝି ପାରନ୍ତି ନାହିଁ । ଯାହା ଆମେରିକାବାସୀଙ୍କ ପାଇଁ ଖୁବ ଅସୁବିଧା ହୋଇଥାଏ । ରିପୋର୍ଟ ଅନୁସାରେ ୨୦୧୬ ମସିହାରେ, ଓବାମା ପ୍ରଶାସନ ସମୟରେ ନିୟମ ଥିଲା ଯେ ନିରୀକ୍ଷକମାନେ କେବଳ ଭାଷା ଆଧାରରେ ଡ୍ରାଇଭରଙ୍କୁ ବହିଷ୍କାର କରିପାରିବେ ନାହିଁ । ହେଲେ ଏବେ ଟ୍ରମ୍ପ ପ୍ରଶାସନ ଏହି ନିୟମକୁ ପ୍ରତ୍ୟାହାର କରିଛନ୍ତି । ସେ ସିଧା ସିଧା କହିଛନ୍ତି କି ଯେଉଁ ଡ୍ରାଇଭରଙ୍କର ଇଂରାଜୀ ଶବ୍ଦରେ କିମ୍ବା ଭାଷାରେ ଦକ୍ଷତା ନାହିଁ ସେମାନଙ୍କୁ ତୁରନ୍ତ ଚାକିରୀରୁ ବିଦା କର । ତେବେ ଟ୍ରମ୍ପଙ୍କ ନିର୍ଦ୍ଦେଶ ପରେ ପାଖାପାଖି ୭ହଜାର ଡ୍ରାଇଭରଙ୍କୁ ଚାକିରୀରୁ ବହିଷ୍କାର କରାଗଲାଣି ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |