ଜି. ଉଦୟଗିରି : ଦିନେ ନିଜ ପାଇଁ ଓ ପରିବାରର ପ୍ରତିପୋଷଣ ପାଇଁ ଭିଟାମାଟି ଛାଡି କେରଳକୁ ଦାଦନ ଖଟିବାକୁ ଯାଇଥିଲେ ବନବାସୀ । ଘର ଠାରୁ ଦୂରରେ ରହି ଦିନ ରାତି ପରିଶ୍ରମ କରି ଛୋଟମୋଟ ରୋଜଗାର କରୁଥିଲେ । ଆଉ ସେଥିରୁ ଯାହା ରୋଜଗାର କରୁଥିଲେ କଷ୍ଟେମଷ୍ଟେ ପରିବାର ଚଳାଉଥିଲେ । ତେବେ ଏଭଳି ଦୀର୍ଘ ୧୦ ବର୍ଷ ଧରି ଦାଦନ ଖଟିବା ପରେ ଆଜି ସେ ଜଣେ ସଫଳ ଚାଷୀ ଭାବେ ପରିଚିତ । ଏବେ ନିଜର ଏକର ଜମିରେ ପରିବା ସାଙ୍ଗକୁ ବିଭିନ୍ନ ଚାଷ କରୁଛନ୍ତି । ଆଉ ଦାଦନ ଶ୍ରମିକରୁ ଜଣେ ସଫଳ ଚାଷୀ ହୋଇପାରିଛନ୍ତି । କନ୍ଧମାଳ ଜିଲ୍ଲା ଜି.ଉଦୟଗିରି ବ୍ଲକ ଅନ୍ତର୍ଗତ ରଟିଙ୍ଗିଆ ପଞ୍ଚାୟତ ଡଡାପଡ଼ା ଗାଁର ବନବାସୀ ପ୍ରଧାନ । ଦିନେ ଦାଦନ ଶ୍ରମିକ ହୋଇ ପର ଲୋକଙ୍କ ନିର୍ଦ୍ଦେଶରେ କାମ କରୁଥିଲେ ।
ହେଲେ ଏବେ ଦାଦନ ଖଟିବା ଛାଡି ନିଜେ ଚାଷ କରୁଛନ୍ତି । ଯେତେବେଳେ ବାହାର ରାଜ୍ୟରେ ଦାଦନ ଖଟୁଥିଲେ ସେତେବେଳେ ବନବାସୀ ଅନେକ କଥା ଶୁଣୁଥିଲେ। ପରିବାର ଚଳେଇବା ପାଇଁ ସେ ସବୁ କଷ୍ଟ ସହୁଥିଲେ । ଶେଷରେ ଆଉ ସହି ପାରିଲେନି। ଦାଦନ ଖଟିବା ଛାଡି ଗାଁକୁ ଚାଲି ଆସିଲେ ବନବାସୀ । କିଛି ଦିନ ଘରେ ରହି ଆରମ୍ଭ କଲେ ଚାଷ କାମ । ଏବେ ବି ନିଜ ଗାଁରେ ରହି ଚାଷ କରୁଛନ୍ତି । ପ୍ରାୟ ୩ ବର୍ଷ ତଳେ ଉଦ୍ୟାନ କୃଷି ବିଭାଗ ପକ୍ଷରୁ ଜୈବିକ କୃଷି ଉପରେ ତାଲିମ ନେଇ ଥିଲେ । ଏହା ପରେ ୧୦ ଏକର ଜମିରେ ଆଳୁ, ଗ୍ରିନ ମଟର, ମକା, ଅମୃତ ଭଣ୍ଡା, ବାଇଗଣ, ଗାଜର, ଅଦା, ଟମାଟୋ ଇତ୍ୟାଦି ଜୈବିକ ପଦ୍ଧତିରେ ଚାଷ କରି ବଜାରରେ ବିକ୍ରି କରୁଛନ୍ତି । ଏହା ଦ୍ୱାରା ବେଶ ଭଲ ପଇସା ମଧ୍ୟ ରୋଜଗାର ହେଉଛି ।
ବନବାସୀଙ୍କର ଏଭଳି କାମ ଦେଖି ସରକାରଙ୍କ ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ଯୋଜନାରେ ଚଳିତ ବର୍ଷ ତାଙ୍କୁ ବିହନ ଯୋଗାଇ ଦିଆଯାଇଛି । ଏହାକୁ ନେଇ ସେ ଖୁବ ଖୁସି ହେବ ସହ ସରକାରଙ୍କ ପକ୍ଷରୁ ତାଙ୍କୁ ଏକ ବୋରୱେଲ ପଦ୍ଧତି ବ୍ୟବସ୍ଥା କରାଗଲେ ଅଧିକ ଉପକୃତ ହୋଇପାରନ୍ତେ ।
Author: vandeutkal
ଆପଣଙ୍କୁ ସ୍ଵାଗତ ! ଆମେ ଏକ ଅଗ୍ରଣୀ ତଥା ବିଶ୍ୱସ୍ତ ସମ୍ବାଦ ପ୍ରକାଶକ, ଆପଣଙ୍କୁ ସର୍ବଶେଷ ଖବର, କ୍ରୀଡା, ବିଜ୍ଞାନ, ପ୍ରଯୁକ୍ତିବିଦ୍ୟା, ମନୋରଞ୍ଜନ, ସ୍ୱାସ୍ଥ୍ୟ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଘଟଣାଗୁଡ଼ିକ ଉପରେ ଅଦ୍ୟତନ ପ୍ରଦାନ କରୁ | ଆମର ଉଦ୍ଦେଶ୍ୟ ହେଉଛି ତୁମକୁ ସଠିକ୍ ଏବଂ ନିର୍ଭରଯୋଗ୍ୟ ଖବର ଯୋଗାଇବା, ତେଣୁ ତୁମେ ଦୁନିଆରେ କ’ଣ ଘଟୁଛି ସେ ବିଷୟରେ ଅବଗତ ରହିପାରିବ |